قازاق رەجيسسەرى ەلزات ەسكەندىردىڭ «ٴولىارا» («off-season») قىسقامەتراجدى ٴفيلمىنىڭ تۇساۋكەسەر ٴراسىمى وڭتۇستىك كورەيادا پۋسان كينوفەستيۆالىندە وتەدى - دەپ حابارلايدى baq.kz ٴتىلشىسى.
5283
0 
استانا: 
1571 
0
قازاق رەجيسسەرى ەلزات ەسكەندىردىڭ «ٴولىارا» («off-season») قىسقامەتراجدى ٴفيلمىنىڭ تۇساۋكەسەر ٴراسىمى وڭتۇستىك كورەيادا پۋسان كينوفەستيۆالىندە وتەدى - دەپ حابارلايدى baq.kz ٴتىلشىسى.
بيىل وڭتۇستىك كورەيانىڭ پۋسان قالاسىندا 6-15 قازان ارالىعىندا ٴححى-شى حالىقارالىق biff كينوفەستيۆالى وتەدى. busan international film festival (biff) – ازيا كينويندۋسترياسىندا عانا ەمەس الەمدە شوقتىعى بيىك كينوبايقاۋ. biff كينوفەستيۆالىندە ەلىمىزدىڭ جاس كينوگەرى ەلزات ەسكەندىردىڭ «ٴولىارا» («off-season») قىسقامەتراجدى ٴفيلمىنىڭ پرەمەراسى وتەدى جانە «wide angle section: short film competition» كونكۋرستىق باعدارلاماسىندا باستى جۇلدەلى ورىنعا تالاسادى. وتاندىق «tanaris production» كينوكومپانياسىنىڭ ٴونىمى نەگىزگى ۇمىتكەرلەر قاتارىندا.
21 جىلدىق تاريxى بار حالىقارالىق پۋسان كينوفەستيۆالىندە world premiere-سى (الەمدىك پرەمەراسى) وتەتىن «ٴولىارا» ٴفيلمىنىڭ قويۋشى رەجيسسەرى ەلزات ەسكەندىر ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ تۇلەگى، يراكليي كۆيريكادزە شەبەرحاناسىندا ٴتالىم العان جاس كينوگەر. سسەناريي اۆتورلارى – ەلزات ەسكەندىر جانە ٴومىرجان ٴابدىحالىق ۇلى. باستى رولدەردى – بەلگىلى اكتەرلەر اسىلبولات سماعۇلوۆ، بايان قاجىنابيەۆا، دۋلىعا اقمولدا جانە بالانىڭ ٴرولىن ماقسات ٴابدىراحمان سومدايدى. پروديۋسەر سەرگەي ازيموۆ، co-پروديۋسەرلەرى – اننا ۆيلگەلمي (گەرمانيا)، داريا ازيموۆا، اتقارۋشى پروديۋسەرى – داۋرەن داريابەك.
كينوكارتينانىڭ اتقارۋشى پروديۋسەرى داۋرەن داريابەك: «شىعىس مادەنيەتىن الەمگە ۇلگى ەتۋدى ماقساتى تۇتاتىن كينوبايقاۋدىڭ كونكۋرس تىزىمىنە ىلىگۋدىڭ ٴوزى – ۇلكەن مارتەبە. بۇيىرتسا تەرەڭ پسيحولوگيالىق دراماعا قۇرىلعان «ٴولىارا» تۋىندىسى – پۋسان biff كينوفەستيۆالىنەن ولجاسىز قايتپايدى دەپ ۇمىتتەنەم ٴارى وعان شىعار كۇندەي سەنەم»، – دەپ پىكىر ٴبىلدىردى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
