استانا: 
مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلاماسىنا وراي، «قازاقفيلم» كينوستۋدياسىنىڭ شىعارماشىلىق توبى تاريحي «قازاق ەلى» تۋىندىسىنىڭ «التىن تاق» دەپ اتالاتىن ٴىى ماۋسىمىن وڭتۇستىكتە ٴتۇسىرۋدى جوسپارلاعان بولاتىن. وسىعان وراي ٴتۇسىرىلىم جۇمىستارى تۇلكىباس اۋدانىندا باستالىپ كەتتى، دەپ حابارلايدى baq.kz اقپارات اگەنتتىگى.
وڭتۇستىك قازاقستان وبلىسى اكىمىنىڭ ٴباسپاسوز قىزمەتىنىڭ ۇيىمداستىرۋىمەن ايماقتاعى باق قىزمەتكەرلەرى شىعارماشىلىق توپتىڭ جۇمىسىمەن تانىسىپ قايتتى.
«قازاق ەلى» تۋىندىسىنىڭ ٴىى ماۋسىمىنىڭ العاشقى 5 سەرياسى الماتى وبلىسىنىڭ تالعار اۋدانىندا باستالدى. كەيىنگى بولىمدەرى وسى وڭتۇستىك وڭىرىندە ٴتۇسىرىلىپ جاتىر. مۇندا كەرەي مەن جانىبەكتىڭ جانە ٴابىلقايىر اسكەرلەرىنىڭ شايقاسى، قازتۋعاننىڭ كوشى، قاسىم حاننىڭ اماناتتان ورالۋى سىندى ەپيزودتارى تاسپالانادى. الداعى ۋاقىتتا تۇركىستان قالاسىندا جانىبەكتىڭ حان تاعىنا وتىرۋى سىندى كورىنىستەردى تۇسىرەتىن بولامىز. وسى ٴتۇسىرىلىم جۇمىستارىنا اتسالىسقان وبلىس باسشىسى جانسەيىت قانسەيىت ۇلىنا العىس بىلدىرەمىز»، - دەدى رۇستەم ابدىراشەۆ.
ايتا كەتەرلىگى، ٴفيلمنىڭ بۇل ماۋسىمى 10 سەريادان تۇرادى. تۇلكىباس اۋدانى، ٴيىرسۋ اۋىلى ماڭىنداعى تاقياتوبە جەرىندە ٴوتىپ جاتقان تۇسىرىلىمگە 500-گە جۋىق ادام جۇمىلدىرىلعان.
«قازاق ەلى» ٴفيلمىنىڭ وڭتۇستىكتەگى ٴتۇسىرىلىم جۇمىستارى ماۋسىم ايىنا دەيىن جالعاسادى. تاريحتى تانىستىرىپ، تەكتى تانىتاتىن تاريحي تۋىندى اعىمداعى جىلدىڭ جەلتوقسان ايىندا كوپشىلىك نازارىنا ۇسىنىلاتىن بولادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2241 
0
5283
0