استانا: 
1355 
0
«قازاق ەلى» اتتى قازاق مۋلتيپليكاسياسى تاريحىنداعى تۇڭعىش تاريحي تولىقمەتراجدى انيماسيالىق ٴفيلمى 4-13 قاراشا ارالىعىندا بارسەلونادا (يسپانيا) وتەتىن ازيا فيلمدەرى كينوفەستيۆالىنىڭ (asian film festival) نەگىزگى بايقاۋىنا ىرىكتەلىپ الىندى.
انيماسيالىق كينوتۋىندىنىڭ حالىقارالىق كينوفەستيۆالدەردە كورسەتىلىپ، كەڭىنەن ناسيحاتتالۋ جۇمىستارىن ش.ايمانوۆ اتىنداعى «قازاقفيلم» اق جۇزەگە اسىرادى.
قر مادەنيەت جانە سپورت مينيسترلىگى تاپسىرىسى بويىنشا «ساق-دالا» جشس تۇسىرگەن «قازاق ەلى» انيماسيالىق ٴفيلمى بولاشاق حاندار – جانىبەك پەن كەرەيدىڭ بالالىق شاعى مەن ەسەيۋ جىلدارى تۋرالى باياندايدى. مۋلتفيلمدە شەتسىز-شەكسىز قازاق دالاسى، زاڭعار تاۋلار جانە ۇلى جىبەك جولىنداعى سىعاناق، وتىرار، تاراز جانە تۇركىستان سەكىلدى ەجەلگى قالالار بەينەلەنگەن. اتالعان فەستيۆالدە ازيانىڭ 20 ەلىنەن 80-گە جۋىق فيلم كورسەتىلەدى. وتاندىق تۋىندىدان باسقا فەستيۆالگە قىتاي، كورەي، يران، فيليپپين، سينگاپۋر، اۋعانستان، جاڭا زەلانديا، تايلاند، مالايزيا جانە ۆەتنام ەلدەرىنىڭ فيلمدەرى قاتىسادى.
ايتا كەتەتىن جايت، فەستيۆال اياسىندا ش.ايمانوۆ اتىنداعى «قازاقفيلم» اق جارىققا شىعارعان ساتىبالدى نارىمبەتوۆتىڭ «امانات» جانە دوسحان جولجاقسىنوۆتىڭ «قۇنانباي» تاريحي تۋىندىلارى، سونىمەن قاتار اسقار ۇزابايەۆتىڭ «جول» دراماسى مەن مۇرات ماحاننىڭ دەبيۋتتىك «سوت ورىنداۋشىسى» ٴفيلمى كورسەتىلەدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5280
0