استانا: 
2072 
0
ش.ايمانوۆ اتىنداعى «قازاقفيلم» كينوستۋدياسى جانە «جاس وركەن» سەرىكتەستىگىنە كىرەتىن «ۇلان»، «درۋجنىە رەبياتا» گازەتتەرى مەن «بالدىرعان»، «اق جەلكەن» جۋرنالدارى بىرلەسە وتىرىپ، قازاق انيماسياسىنىڭ 50 جىلدىعىنا وراي جاس سۋرەتشىلەر اراسىندا «مەنىڭ سۇيىكتى ٴمۋلتفيلمىم» اتتى شىعارماشىلىق بايقاۋىن وتكىزەدى، دەپ حابارلايدى baq.kz اقپارات اگەنتتىگى.
«ۇستىمىزدەگى جىل قازاق انيماسياسى ٴۇشىن ايتۋلى جىل. وسىدان 50 جىل بۇرىن، 1967 جىلدىڭ كۇزىندە قازاق انيماسياسىنىڭ العاشقى ٴمۋلتفيلمى – «قارلىعاشتىڭ قۇيرىعى نەگە ايىر؟» كورەرمەنگە ۇسىنىلعان بولاتىن. ٴبىز قازاق انيماسياسىنىڭ نەگىزىن قالاۋشىلاردىڭ قالدىرعان مۇراسىنا قۇرمەتپەن قارايمىز. بۇگىندە «قازاقفيلم» زاماناۋي تەحنولوگيالاردى قولدانا وتىرىپ، تولىقمەتراجدى انيماسيالىق فيلمدەردى وندىرۋدە. ولاردىڭ ٴبىرقاتارى حالىقارالىق فەستيۆالدەردەن جۇلدەلى ورىنداردى يەلەنىپ وتىر. بۇل بايقاۋدى قازاق انيماسياسىن ەلىمىزدىڭ بالالارى اراسىندا ناسيحاتتاۋ ماقساتىندا جاساپ وتىرمىز»، - دەدى ش.ايمانوۆ اتىنداعى «قازاقفيلم» كينوستۋدياسىنىڭ پرەزيدەنتى باقىت قايىربەكوۆ.
بايقاۋ «مەن جاقسى كورەتىن قازاق ٴمۋلتفيلمى» جانە «مەنىڭ قيالىمداعى كەيىپكەر» اتتى ەكى نوميناسيادان تۇرادى. ٴبىرىنشى نوميناسيادا قاتىسۋشىلار قازاق انيماسيالىق مۋلتفيلمدەرىنىڭ جەلىسىندە سالىنعان سۋرەتتەرىن نەمەسە كوميكستەرىن جىبەرە الادى. ەكىنشى نوميناسيا بويىنشا قاتىسۋشىلاردىڭ ٴوز قيالىنان تۋعان، ەرتەگى، اڭىز-اڭگىمە مەن ميفتىك كەيىپكەرلەرى بەينەلەگەن شىعارماشىلىق جۇمىستارى قابىلدانادى. بارلىق سۋرەتتەردى سالۋدا جانر بويىنشا ەركىندىك بەرىلەدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5283
0