BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاسىم حاننىڭ ٴومىرى تۋرالى فيلم ٴتۇسىرىلۋى مۇمكىن – مينيستر

الماتى، baq.kz ٴتىلشىسى. استاناداعى قر ۇلتتىق اكادەميالىق كىتاپحاناسىندا ەلباسىنىڭ « ۇلى دالانىڭ جەتى قىرى» اتتى ماقالاسىن ٴتۇسىندىرۋ بويىنشا كەڭەس ٴوتتى.

شاراعا قازاقستان رەسپۋبليكاسىنىڭ مادەنيەت جانە سپورت ٴمينيسترى ارىستانبەك مۇحامەدي ۇلى، مەملەكەت جانە قوعام قايراتكەرى مىرزاتاي جولداسبەكوۆ، قازاقستان جازۋشىلار وداعىنىڭ ٴتوراعاسى، اقىن ۇلىقبەك ەسداۋلەت جانە ەلىمىزدىڭ ٴار وڭىرىندەگى ماڭىزدى تاريحي مۋزەيلەردىڭ باسشىلارى قاتىستى.

«ەلباسىمىز وتكەن جىلى «رۋحاني جاڭعىرۋ» اتتى وتە ماڭىزدى ماقالا جاريالاعانىن بىلەسىزدەر. كەشە سول ماقالانىڭ اۋقىمىن بۇرىنعىدان دا كەڭەيتەتىن « ۇلى دالانىڭ جەتى قىرى» اتتى وزەكتى ماقالاسى جارىق كوردى. وزدەرىڭىز بىلەتىندەي بۇل ماقالادا ەلىمىزدىڭ تاريحىنا باسا نازار اۋدارىلىپ وتىر. ٴبىز، مادەنيەت مينيسترلىگى بۇل سالاعا تىكەلەي جاۋاپتىمىز. سوندىقتان، وسىنداعى جاۋاپتى مەكەمەنىڭ ماماندارىمەن بىرىگىپ وتە جاقىن ارادا ۇسىنىستار جاساۋىمىز كەرەك»، - دەدى مينيستر.

سونداي-اق، مينيستر تاريحتا ورنى بولەك قازاق بيلەۋشىلەرىنىڭ ٴبىرى – قاسىم حاننىڭ ٴومىرى تۋرالى ٴومىرباياندىق فيلم ٴتۇسىرىلۋى مۇمكىن ەكەندىگىن ايتتى.

«قاسىم حان تۋرالى ٴفيلمنىڭ جوباسى بويىنشا ٴبىز كارتينانىڭ سسەنارييىنە تاپسىرىس بەردىك. رەجيسسەر رەتىندە تۇرىكتىڭ «ەرتۇعىرىل» سەريالىندا جۇمىس ىستەگەن تۇرىك اۆتورى ونەر كورسەتەدى، ول قازاقستاندىق ماماندارمەن بىرلەسىپ سسەناريي جازدى. بۇگىندە قازاقستاندىق رەجيسسەرلەر ٴىرى جوبالارمەن اينالىسادى. اقان ساتايەۆ «توميريس» جۇمىسىن اياقتايدى، رۇستەم ابدىراشەۆ «الماس قىلىش» كارتيناسىنىڭ جالعاسىن ٴتۇسىردى. الەمدىك دەڭگەيگە شىعۋ ٴۇشىن ٴبىز تانىمال رەجيسسەرلەر مەن اۆتورلاردى شاقىرۋىمىز كەرەك. مىسال – «امىرە» ٴفيلمى. ٴبىز امەريكاندىق رەجيسسەردى شاقىردىق جانە «امرە» گولليۆۋدتا بەدەلدى فەستيۆالدى جەڭىپ الدى. بۇل قازاقستاننىڭ جەڭىسى. سوندىقتان شەتەلدىك اۆتورلاردى شاقىرۋدان قورىقۋدىڭ قاجەتى جوق»، - دەدى مۇحامەدي ۇلى.

سونىمەن قاتار، مەملەكەت جانە قوعام قايراتكەرلەرى مىرزاتاي جولداسبەكوۆتە ەلباسىنىڭ بۇل ماقالاسى توڭىرەگىندە پىكىرىن ٴبىلدىردى.

«ەلباسىمىزدىڭ «قازاقتىڭ ەشكىمنەن ۇيالمايتىن تاريحى بار» دەگەن تاماشا ٴسوزى بار. راسىندا دا سان عاسىرلار بويى قانشاما مەملەكەتتەر ٴبىزدى وسى ۇلى دالادا قۇرىلىپ، ٴوز زامانىندا سالتانات قۇردى. ول مەملەكەتتەردى ەشكىم سىرتتان كەلىپ قۇرعان جوق. بارلىعىن دا ٴبىزدىڭ بابالارىمىز ورناتتى. سوسىن، بۇل ۇلى دالادا ٴبىزدىڭ بابالارىمىز تەك قانا كوشپەندى تۇرمىس كەشكەن جوق. كەزىندە بۇل ولكەدە كەن وندىرىلگەن، اتاعى جەر جارعان ايگىلى قالالار سالىنعان. بۇل تەك كوشىپ جۇرەتىن حالىقتىڭ قولىنان كەلمەيدى. ولار جارتىلاي كوشپەندى، جارتىلاي وتىرىقشى ەل بولعان. بۇگىنگى تاڭدا تابىلىپ جاتقان قازبا بايلىقتارى وسىنى دالەلدەپ جاتىر»، - دەدى مىرزاتاي جولداسبەكوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي