استانا: 
«وتاندىق بۇقارالىق اقپارات قۇرالدارىنىڭ باسەكەلەستىگى جانە دامۋى ماسەلەلەرى تۋرالى» وتكەن ماجىلىستەگى ۇكىمەت ساعاتىندا قر اقپارات جانە كوممۋنيكاسيالار ٴمينيسترى داۋرەن ابايەۆ كەلەسى جىلى ون شاقتى تەلەسەريال تۇسىرىلەتىنىن ايتتى، دەپ حابارلايدى baq.kz ٴتىلشىسى.
«وتاندىق سەريالدار ٴتۇسىرىلىپ جاتىر. كەلەسى جىلى 10 شاقتى تەلەxيكايا جارىققا شىعادى. ول تۋىندىلار وتە ساپالى بولادى. ال ٴۇندى، كارىس، تۇرىك سەريالدارى سۇرانىسقا بايلانىستى بولىپ وتىر. اسىرەسە، اۋىلدى جەردە كورەتىندەر كوپ. بۇل باعىتتا جۇمىس ىستەپ جاتىرمىز. بىرتە-بىرتە ازايادى دەپ ويلايمىن. مەملەكەتتىك ارنالار بۇل سەريالداردان باس تارتاتىن شىعار. ال ٴدال ٴقازىر بۇل سەريالداردان تولىق باس تارتاتىن بولساق، قازاق تەلەارناسىنىڭ اۋديتورياسى شەتەلدىك ارنالارعا كەتىپ قالا ما دەگەن قورقىنىش بار. سوندىقتان بالانستى ساقتاۋىمىز قاجەت دەپ ويلايمىن»، - دەيدى د.ابايەۆ.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
1650 
0
5283
0