BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

فاريدا ٴشارىپوۆالار دىبىستاعان ۇندەردەن ايرىلىپ بارا جاتقاندايمىز – اكتەر

استانا، baq.kz ٴتىلشىسى. ٴdisney-دىڭ تاعى ٴبىر تۋىندىسى ەندى قازاقشا سويلەيدى. ٴمۋلتفيلمدى باستى كەيىپكەردى دىبىستاعان جانىبەك مۇسايەۆ دۋبلياج بارىسىنداعى قىزىقتارمەن جانە قازىرگى دۋبلياجدىڭ كەمشىن تۇستارىمەن ٴبولىستى.

22 قاراشادا «بولاشاق» كورپوراتيۆتىك قورىنىڭ قولداۋىمەن قازاق تىلىنە دۋبلياجدالعان «رالف ينتەرنەتكە قارسى» ٴفيلمى جارىققا شىقتى. بۇل انيماسيالىق ٴفيلمنىڭ الدىن الا كورسەتىلىمدەرى استانا جانە الماتى قالالارىندا ٴوتتى، ٴفيلمدى جاس كورەرمەندەر دە، ەرەسەكتەر دە وتە جىلى قابىلدادى.

«دۋبلياج بارىسىندا قىزىقتار تۋرالى ايتار بولسام، كەيىپكەرىم كەيدە اشۋمەن، كەيدە مەيىرىممەن سويلەيدى. بىلايشا ايتقاندا، ونىڭ كەڭدىگىندە شەك جوق. ماعان جانى جاقىن بولعان سوڭ، دىبىستاۋدا قيىندىق بولمادى. تەك ٴبىزدىڭ الدىمىزداعى ماقسات – بالالارعا تۇسىنىكتى تىلدە، قازاقي ينتوناسيامەن جەتكىزۋ. بالالار جەڭىل قابىلدايتىنداي ەتىپ دىبىستادىق»، - دەدى اكتەر.

ونىڭ ايتۋىنشا، ٴفيلمدى دۋبلياجداۋعا ادەتتەگىدەن كوپ ۋاقىت كەتكەن.

«دۋبلياجدى الدىڭعى مۋلتفيلمدەر سياقتى 1-2 كۇندە بىتىرەمىز دەپ ويلادىق. ٴبىراق بەس كۇنگە سوزىلدى. سەبەبى مۋلتفيلمدە زاماناۋي تەحنيكا، ينتەرنەت ٴتىلى بولدى. سولارعا بەيىمدەلۋ، داۋىس ىرعاعىمەن جەتكىزۋگە ۋاقىت كەرەك بولدى. ونىڭ ۇستىنە، سوڭعى كەزدەگى قازاق تىلىندە دىبىستالىپ جاتقان مۋلتفيلمدەردىڭ ٴوزىن بالالار ونشا قابىلداماي جاتىر. ٴبىز كەزىندە فاريدا ٴشارىپوۆالار دىبىستاعان ۇندەردەن ايرىلىپ بارا جاتقاندايمىز. سونى كەلتىرگىمىز كەلەدى. بارىنشا، سوعان تىرىستىق»، - دەدى تەاتر اكتەرى.

سونىمەن قاتار، رالف ٴان ايتقاندا، نوتاعا تۇسپەي شىرقايدى ەكەن.

«نەگىزىندە، باعاسىن كورەرمەن بەرەدى دەگەنگە قارسىمىن. سەبەبى جۇمىستى ٴبىز باعاسىنا لايىق بولاتىنداي جاساۋىمىز كەرەك. سوسىن دىبىستاۋ بارىسىندا مىناداي قىزىق بولدى. رالف ٴان ايتقاندا، نوتاعا تۇسپەي ايتادى. ول بالالار ٴبىر نارسەنى جاساپ جاتقاندا قولىنان كەلمەي جاتسا، ٴارى قاراي مويىماي تىرىسۋعا شاقىرۋ ٴۇشىن ۇمتىلادى. ٴاندى دە سونداي كوڭىل-كۇيمەن جەتكىزەدى. سول كەزدە نوتاعا تۇسپەي ايتۋ دەگەن قىزىق بولدى»، - دەپ ٴبولىستى دۋبلياج بارىسىنداعى قىزىقتى ساتتەرمەن جانىبەك مۇسايەۆ.

دۋبلياج رەجيسسەرى رولدەردى دىبىستاۋعا ارتىستەردى قالاي تاڭداعانى تۋرالى ايتىپ بەردى.

«بارىنەن بۇرىن ۆانيلوپا فون كەكس كەيىپكەرىنىڭ داۋىسىن سومداۋ قيىنعا سوقتى. اعىلشىن جانە ورىس تىلىندەگى نۇسقالارىن ايگىلى ستەند-اپ ارتىستەر – سارا سيلۆەرمان جانە comedy woman-داعى ناتاليا مەدۆەدەۆا سومدادى. بۇل رولگە حاريزماتيكالىق ٴارى بالا ۇنىنە سايكەس داۋىستى ىزدەدىك. وسى پارامەترلەر بويىنشا كوپتەگەن ايگىلى قازاقستاندىق اكتريسالار جانە تەلەجۇرگىزۋشىلەردىڭ داۋىستارى سايكەس كەلمەدى. اقىرىندا جاس اكتريسا ينابات ابەنوۆا تاڭدالدى، ول ٴۇشىن بۇل ۆانيلوپا فون كەكس ٴرولى كەڭ دۋبلياجداعى ەڭ العاشقى ٴرولى بولىپ سانالادى. فيلمدە «سپام» جانە اعىلشىننىڭ ستەنلي اتىنان شىققان - سپاملي دەگەن كەيىپكەر بار. ٴبىز وعان سپامباي دەپ ات بەردىك. ال ۆانيلوپا فون كەكس قازاقشا نۇسقاسىندا ۆانيلوپا فون شەكەرگە (قاز.ت. «شەكەر» - ساحار) اينالدى. فيلمدەگى كەي ساتتەردە رالف ebay ينتەرنەت-رەسۋرسىنىڭ اتاۋى ەسىنە تۇسىرە المايدى. رالف ونى ۇنەمى بۇرىس ايتىپ جۇرەدى. مىنە، وسى جەردە ٴبىزدىڭ «ويباي» ٴسوزىمىز دالمە-دال كەلە قالدى. ساحنالاردىڭ بىرىندە «باتىل جۇرەك» انيماسيالىق ٴفيلمىنىڭ مەريدا حانشايىمى پايدا بولادى. ول ٴتۇپنۇسقادا اعىلشىن تىلىندە تازا شوتلاندىق اكسەنتپەن سويلەيدى، ال ٴبىزدىڭ نۇسقامىزدا وعان «وڭتۇستىكتىك» اكسەنت قوستىق. فيلمدە حالىقارالىق ينتەرنەت تەرميندەرى كوپ جانە قازاقشا دۋبلياجدا وتە ٴساتتى وينالدى. «disney» كاسىبي دۋبلياجدىڭ بەلسەندى دامۋى ٴۇشىن جاقسى مەكتەپ بولدى. جانە دە ٴاربىر جاڭا جوبا ٴبىزدىڭ ٴتىلىمىزدىڭ وتە يكەمدى ٴارى جاندى ەكەنىن كورسەتەدى. ول گولليۆۋدتىق بەينەلەردە وتە تاماشا شىعادى!» - دەدى ٴمۋلتفيلمنىڭ پرەمەراسىندا دۋبلياج رەجيسسەرى شاح-مۇرات وردابايەۆ.

#repost @wreckitralph (@get_repost) بەيسەنبىدەن باستاپ بارلىق كينوتەاترلاردا! رالف ينتەرنەتكە قارسى قازاق تىلىندە!!! ・・・ in 3 days، #ralphbreakstheinternet with a few familiar faces. #nationalprincessday

a post shared by Ⓢⓗⓐⓚⓤⓝⓐⓣ (@shakunat) on

مۋلتفيلمگە توقتالساق، كومپيۋتەر ويىندارىنىڭ كەيىپكەرى، ەبەدەيسىز «جاۋىز» - الىپ رالف تۋرالى كومەديالىق انيماسيالىق ٴفيلمى - 2012 جىلعى حيتتىڭ جالعاسى. رالف ٴوزىنىڭ ابىرويسىز رولىنەن شارشاپ باسقا ويىندار الەمىنە ەرلىك جاساۋعا بارادى. التى جىلدان كەيىن رالف كىشكەنتاي دوسى - ۆانيلوپا جارىسقىشپەن بىرگە تىڭ بەلەستەردى ينتەرنەتتىڭ شەكسىز كەڭىستىگىندە باعىندىرۋعا اتتانادى. ول بۇل جەردە ەشكىمنىڭ دە قابىلەتى جەتپەيتىن سونداي حاوس تۋدىرادى.

نەلىكتەن disney فيلمدەرىن قازاق تىلىندە تاماشالاعان قىزىقتى؟

بار بولعانى سەگىز جىل بۇرىن عانا شەتەلدىك فيلمدەردى قازاق تىلىندە كورۋدى ارمانداعان ەدىك. ٴقازىر ٴبىزدىڭ تۋعان ٴتىلىمىز «disney» وتباسىندا جانە باسقا دا گولليۆۋد ستۋدياسىندا لايىقتى ورىنعا يە بولدى. سوندىقتان، ٴسىز «disney» انيماسيالىق ٴفيلمىن قازاق تىلىندە كورگەن كەزىڭىزدە، ونىڭ اعىلشىن، ورىس نەمەسە باسقا تىلدەگىدەي كەرەمەت شىعاتىنىنا سەنىمدى بولاسىز. دۋبلياجداۋ ۇدەرىسى ٴبىرشاما كۇردەلى ٴىس، «disney» بارلىق باستى كەيىپكەرلەرىنىڭ قازاقشا داۋىستارىن راستايدى. بۇل دىبىستاۋلار كەيىپكەردىڭ تەمبرىنە عانا، ەمەس سونداي-اق ونىڭ مىنەزىنە دە سايكەس كەلۋى قاجەت. دۋبلياج جاساۋ – ٴفيلمدى باسىنان اياعىنا دەيىن ويناپ شىعۋ دەگەن ٴسوز، تەك ٴوز تىلىڭدە. اۆتورلىق ويدىڭ تۋرا بەرىلۋى ٴۇشىن اۋدارمانى اعىلشىن تىلىنەن قازاق تىلىنە بىردەن جاسايدى. ديالوگتاردى اۋدارعاندا پەرسوناجدىڭ تۋرا سول تىلدە سويلەپ تۇرعانداي ەتىپ اسەر قالدىرۋى ماقساتىندا كەيىپكەرلەردىڭ ارتيكۋلياسياسىنىڭ ٴدال كەلۋىنە نازار اۋدارىلادى.

ٴمۋلتفيلمنىڭ كاستينگى

«ۆانيلوپا فون كەكس» پەرسوناجىنىڭ باستى رولىنە 8 اكتريسا، «شەنك» پەرسوناجىنىڭ رولىنە – 5 اكتريسا، «يەسس» رولىنە – 3 اكتريسا، «رالف» رولىنە – 6 اكتەر، «سپاملي» رولىنە – 10 اكتەر سىنالدى. جالپى العاندا «رالف پروتيۆ ينتەرنەتا/رالف ينتەرنەتكە قارسى» فيلمىنە استانا، الماتى، ورال، قاراعاندى قالالارىنان 50 اكتەر، سونداي-اق قازاق ۇلتتىق ونەر ۋنيۆەرسيتەتىنىڭ ستۋدەنتتەرى مەن «بالاپان» تەلەارناسىنىڭ كىشكەنتاي اكتەرلەرى قاتىستى.

«رالف» پەرسوناجىنىڭ ٴرولىن اكتەر جانىبەك مۇسايەۆ ورىندادى، «سەرجانت كالحۋندى» – اكتريسا التىناي نوگەربەك سومدادى، ول رەجيسسەر اقان ساتايەۆتىڭ «اناعا اپارار جول» فيلمىندە باستى ٴرولدى ويناعان.

قازاق ٴتىلىن ۇيرەنگىسى كەلەتىندەر ٴۇشىن، وسىنداي بەينەلى سوزدەردى تىڭداۋ قابىلەتىن، ايتىلۋىنا ٴمان بەرۋدى، سونداي-اق ٴوزىنىڭ لەكسيكاسىن ٴتىرى ٴارى قىزىقتى ديالوگتار، مەملەكەتتىك تىلدەگى ەستە تەز ساقتالاتىن اندەر ارقىلى تولتىرۋعا كومەكتەسەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي