ەمير ٴبايعازيننىڭ جاڭا فيلمىنە كاستينگ جاريالانادى

ش.ايمانوۆ اتىنداعى «قازاقفيلم» اق رەجيسسەر ەمير ٴبايعازيننىڭ «وزەن» اتتى جاڭا فيلمىنە باستى رولگە كاستينگ جاريالايدى، دەپ حابارلايدى baq.kz.

كاستينگكە قازاق تىلىندە ەركىن سويلەيتىن 12-14 جاس ارالىعىنداعى ۇل بالالار شاقىرىلادى.

قويىلاتىن تالاپتار:

- ۇزىن بويلى، ارىقشا كەلگەن، قارا شاشتى، سابىرلى، جاۋاپتى جانە وزىنە سەنىمدى. سپورتپەن شۇعىلداناتىن، جۇزە الاتىن ۇل بالا. وزىنەن كىشىلەردى قورعاي بىلەتىن ٴۇيدىڭ ۇلكەنى. ەرەسەك ومىرگە قادام باسىپ كەلە جاتقان جەتكىنشەك.

بالا تۋرالى قىسقاشا مالىمەتتى (ٴاتى-جونى، بويى، اتا-اناسىنىڭ تەلەفونى) جانە ونىڭ سۋرەتىن «باستى رولگە» دەگەن تاقىرىپپەن kinoreka@mail.ru ەلەكتروندى پوشتاعا نەمەسە 8 747 587 3876 ارقىلى whatsapp-قا جىبەرۋ كەرەك.

ەگەر دە ۇل بالا قويىلعان تالاپتارعا ساي كەلەتىن بولسا، ونى اتا-اناسىمەن نەمەسە بالاعا جاۋاپتى اداممەن كينوپروباعا شاقىراتىن بولادى.

«وزەن» ٴفيلمى جاسوسپىرىمدەر تۋرالى باياندايتىن تريلوگيا. «اسلاننىڭ ساباقتارى» جانە «ٴتورت وقيعا» اتتى فيلمدەردىڭ جالعاسى، دەپ حابارلايدى «قازاقفيلم» اق ٴباسپاسوز قىزمەتى.

اتالعان فيلمدەر بەرلين كينوفەستيۆالىندە العاش كورسەتىلىپ، كوپتەگەن حالىقارالىق جۇلدەلەرگە يە بولعان. سونىمەن قاتار بۇل كارتينالار قازاقستان مەن ەۋروپانىڭ ۇلكەن ەكراندارىندا كورسەتىلگەن بولاتىن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!