BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەمير بايعازين تۇسىرگەن ٴفيلمنىڭ تۇساۋكەسەرى رۋمىنيادا وتەدى

تامىز ايىنىڭ 6-ى مەن ٴ12-ى ارالىعىندا رۋمىنيانىڭ سفىنتۋ-گەورگە قالاسىندا وتەتىن anonimul فەستيۆالىندە ەمير ٴبايعازيننىڭ «جۇلدىزداردى كورگىڭىز كەلە مە؟» ٴفيلمىنىڭ تۇساۋكەسەرى وتەدى، دەپ حابارلايدى baq.kz اقپارات اگەنتتىگى.

اق-قارا تۇستە تۇسىرىلگەن مەلودراما (جۇمىس اتاۋى «قالا ۇستىندە»/«ناد گورودوم») فەستيۆالدىڭ جابىلۋ سالتىناتىندا كوسەتىلەدى. سونداي-اق anonimul فەستيۆالىندە «اسلاننىڭ ساباقتارى» جانە «ٴتورت وقيعا» فيلمدەرىنەن كۇرالعان ەمير ٴبايعازيننىڭ رەتروسپەكتيۆاسى وتەدى. بۇل كورسەتىلىمدەر قازاقستاندىق رەجيسسەردىڭ «الەمدىك كينەماتوگرافتىڭ سۇلۋلىعىنا» قوسقان ۇلەسى ٴۇشىن ارنايى ۇيىمداستىرىلىپ وتىر. فەستيۆالدىڭ «كينو سالاسىنىڭ دامۋىنا قوسقان ۇلەسى ٴۇشىن» ارنايى جۇلدەسىن بۇرىندارى پاك چحان-ۋك (وڭتۇستىك كورەيا)، يشتۆان سابو (ۆەنگريا)، ميشەل فرانكو (مەكسيكا) سىندى رەجيسسەرلەر يەلەنگەن.

«بيىل الەم كينەماتوگرافياسىنىڭ جان-جاقتى سۇلۋلىعانا قوسقان ۇلەسى ٴۇشىن جۇلدەنى ەمير بايعازينگە بەرگەلى وتىرمىز. سوڭعى بەس جىل ىشىندە ٴبىز ونىڭ شىعارماشىلىعىن قىزىعا قاداعالاپ ٴجۇرمىز. ونىڭ فيلمدەرى ٴبىزدى شابىتتاندىرىپ، كۇش-قۋات بەرەدى»، - دەدى anonimul كينوفەستيۆالىنىڭ ديرەكتورى ميرۋنا بەرەسكۋ.

«جۇلدىزداردى كورگىڭىز كەلە مە؟» ٴفيلمىنىڭ ٴتۇسىرۋ جۇمىستارى الماتى قالاسىندا وتكەن. فيلمدە ساۋدا ورتالىعىنىڭ بىرىندە فاست-فۋد قىزمەتشىسى بولىپ ىستەيتىن جىگىتتىڭ جاسى ۇلكەن ايەلمەن تانىسۋى تۋرالى باياندالادى. ۇزاق ۋاقىتقا سوزىلعان كاستينگتىڭ ناتيجەسىندە باستى رولدەرگە اۋەسقوي اكتەرلەر تاتيانا سيم مەن باۋىرجان نۇركەەۆ بەكىتىلگەن.

اتالعان كينوجوباعا سسەناريي جازۋ كەزىندە گوللانديالىق hubert bals fund اتتى قورى قولداۋ بىلدىرگەن. كارتينانىڭ مۋزىكاسىن الەكساندر ۆلازنەۆ جازعان. ەمير بايعازين بۇل فيلمدە پروديۋسەر قىزمەتىن دە اتقارعان.

anonimul حالىقارالىق اۆتورلىق فيلمدەردىڭ فەستيۆالى دۋناي ساعاسىندا وسىمەن 15-رەت وتكىزىلەدى. ونىڭ تۇجىرىمداماسى – جاس كورەرمەندەر اۋديتورياسى، تابيعاتپەن ەتەنە بولۋ جانە فورمالدى ويلاۋدان باس تارتۋعا باعىتتالعان. ٴفيلمدى فەستيۆالدىڭ كورەرمەندەرىنە ەمير بايعازينمەن بىرگە كارتينانىڭ قويۋشى سۋرەتشىسى ايدانا قوجاگەلدينا تانىستىراتىن بولادى.

ەستەرىڭىزگە سالا كەتسەك، ەمير ٴبايعازيننىڭ اسلان تۋرالى تريلوگيانىڭ سوڭعى ٴبولىمى – «وزەن» ٴفيلمىنىڭ الەمدىك تۇساۋكەسەرى ٴ75-شى ۆەنەسيا كينوفەستيۆالىندە وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي