BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ەل فريمان» ٴفيلمىنىڭ رەجيسسەرى مادريد حالىقارالىق كينوفەستيۆالىندە «ۇزدىك دەبيۋتانت» اتاندى

فوتو: kazakhfilmstudios.kz

شىلدەنىڭ 21 مەن 28 ارالىعىندا وتكەن مادريد حالىقارالىق كينوفەستيۆالىنە قاتىسقان «ەل فريمان» كوركەم ٴفيلمى «ۇزدىك رەجيسسەر-دەبيۋتانت» اتالىمىندا جەڭىسكە جەتتى، دەپ حابارلايدى baq.kz اقپارات اگەنتتىگى kazakhfilmstudios.kz سايتىنا سىلتەمە جاساپ.

اتالعان كارتينا «كوركەم فيلمدەگى ۇزدىك وپەراتورلىق جۇمىس» نوميناسياسى بويىنشا دا باق سىنادى. ٴفيلمدى قر مادەنيەت جانە سپورت مينيسترلىگىنىڭ تاپسىرىسى بويىنشا ش.ايمانوۆ اتىنداعى «قازاقفيلم» كينوستۋدياسى تۇسىرگەن.

ايتا كەتەلىك، كارتينانىڭ رەجيسسەرى ەلجاس راقىمبەكوۆ ٴار ٴتۇرلى ەلدەن قاتىسىپ وتىرعان 14 باسەكەلەستى، ونىڭ ىشىندە «#takemeanywhere» فيلمىمەن اتالمىش نوميناسيادان ٴۇمىتتى بولعان تانىمال گولليۆۋدتىق اكتەر شايا لابافتى دا وزىپ شىققان. راقىمبەكوۆتىڭ دەبيۋتتىك كارتيناسى (شىعارماشىلىق لاقاپ اتى – ميحار ساجلە) لوس-اندجەلەستە امەريكالىق بيلىك وكىلدەرىنەن جاسىرىنىپ جۇرگەن يمميگرانتتىڭ باسىنان كەشكەندەرىن باياندايدى.

«بىرىنشىدەن العىسىمدى تۋعان-تۋىستارىما، جاقىندارىما جانە بىزگە سوڭىنا دەيىن سەنىم ارتىپ، قولداۋ بىلدىرگەندەرگە ايتامىن. سونداي-اق، ٴفيلمدى جاساۋعا اتسالىسقاندارعا دا راحمەت دەيمىن. بۇل تەك باستاماسى عانا»، - دەيدى فەستيۆالدىڭ لاۋرەاتى ەلجاس راقىمبەكوۆ.

film fest international حالىقارالىق توبىنا جاتاتىن مادريد كينوفەستيۆالى فورماتى بويىنشا لوندون، امستەردام، نيسسە، بەرلين جانە ميلانداعى فەستيۆالدەرگە ۇقساس. كينەماتوگرافيانىڭ بارلىق بەلگىلى جانرلارىنا ەسىگى اشىق بۇل فەستيۆالدە جاس بۋىن رەجيسسەرلەرگە، زاماناۋي تەندەنسيالار مەن كينو سالاسىنىڭ دامۋىنا ىقپال جاسايتىن ترەندتەرگە اسا كوڭىل بولىنەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي