دجەكي چاننىڭ استاناعا قاشان كەلەتىنى بەلگىلى بولدى

7 ماۋسىمىندا «قازمەديا ورتالىعىنىڭ» كينوكونسەرت زالىندا قىتاي كينوسى فەستيۆالىنىڭ اشىلۋ سالتاناتى وتەدى، دەپ حابارلايدى «قازاقستان» رترك ٴباسپاسوز قىزمەتى.

«قازاقستان» رترك ٴباسپاسوز قىزمەتىنىڭ حابارلاۋىنشا، قىتاي كينوسى فەستيۆالىنىڭ قازاقستانداعى كۇندەرى قر اقپارات جانە كوممۋنيكاسيا مينيسترلىگى مەن قر مادەنيەت جانە سپورت مينيسترلىگىنىڭ قولداۋىمەن وتەدى.

فەستيۆالدىڭ ارنايى قوناعى رەتىندە الەمدىك كينەماتوگرافيانىڭ جۇلدىزى، قىتاي اكتەرى، كينورەجيسسەر، كينوپروديۋسەر - دجەكي چان بولماق. وسى شارادا دجەكي چان كورەرمەندەرگە «كۋنگ-فۋ يوگا» اتتى ٴفيلمىن تارتۋ ەتپەك. بۇل فيلمدە ول باستى كەيىپكەر - دجەكي اتتى قىتاي ارحەولوگىن سومداپ شىقتى.

شارانى «قازاقستان» رەسپۋبليكالىق تەلەراديوكورپوراسياسى مەن قحر ٴباسپاسوز، باسپا، راديو، كينو جانە تەلەۆيزيا ٴىسى جونىندەگى مەملەكەتتىك باسقارماسى ۇيىمداستىرادى.

ايتا كەتسەك، 7-18 ماۋسىم ارالىعىندا استانادا وتەتىن قىتاي كينوسى فەستيۆالى اياسىندا ەلوردالىقتار مەن قالا قوناقتارى «ىلە وزەنى»، «شىنايى ماحاببات»، «گۇلىم»، «قاتەرلى ىسىك مىرزا، كەتىڭىز»، «قاسقىر توتەمى» سىندى تۋىندىلاردى تاماشالاي الادى.

ەستەرىڭىزدە بولسا، بۇعان دەيىن ۇلتتىق ارنانىڭ باسقارما ٴتوراعاسى ەرلان قارين "ەكسپو-2017" كورمەسىنە دجەكي چاننىڭ كەلەتىنىن حابارلاعان بولاتىن.

تەگي
• دجەكي چان

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!