3689 
0
«ەكسپو-2017» كورمەسى اياسىندا وتەتىن قىتاي كينو اپتالىعىنىڭ اشىلۋ سالتاناتىنا قاتىسقان دجەكي چان قازاقستان جايلى ارمانىمەن ٴبولىستى، دەپ حابارلايدى baq.kz ٴتىلشىسى.
استانا: 
«ەكسپو-2017» كورمەسى اياسىندا وتەتىن قىتاي كينو اپتالىعىنىڭ اشىلۋ سالتاناتىنا قاتىسقان دجەكي چان قازاقستان جايلى ارمانىمەن ٴبولىستى، دەپ حابارلايدى baq.kz ٴتىلشىسى.
جۋرناليستەردىڭ ساۋالىنا جاۋاپ بەرگەن دجەكي چان قازاقستان جايلى كوپ بىلە بەرمەيتىندىگىن جاسىرمادى. جانە ٴوزىنىڭ ارمانىن ايتتى.
«شىنىن ايتقاندا، وسىعان دەيىن قازاقستانعا كەلىپ، كينەماتوگرافيامەن اينالىسۋدى ارمانداعان ەدىم. الايدا ۋاقىتتىڭ تاپشىلىعىنان، بۇگىنگە دەيىن بۇل ارمانىمدى جۇزەگە اسىرا المادىم. بولاشاقتا قازاقستانعا مىندەتتى تۇردە كەلىپ، وسى سالاداعى ەڭبەگىمدى ىسكە اسىرماق ويدامىن»، - دەيدى دجەكي چان.
سونىمەن قاتار، ول جۋرناليستەر ساۋالىنا جاۋاپ بەرۋ كەزىندە جەتىستىككە قالاي جەتكەنىن ايتتى.
«ارينە، مەن بىردەن ونەر جۇلدىزى اتانعان جوقپىن، قازىرگى دەڭگەيىمە بىرتىندەپ كەلدىم. ياعني ەڭ تومەننەن ٴار قادام سايىن جوعارىلاي بەردىم. سوندىقتان دا ٴاربىر ادامنىڭ جاعدايىن جاقسى تۇسىنەمىن، سايكەسىنشە ٴار ادامنىڭ جۇمىسىنا قۇرمەتپەن قارايمىن»، - دەيدى جەكي.
ونىڭ ايتۋىنا قاراعاندا تابىسقا جەتۋىنىڭ تاعى ٴبىر سىرى – ۇنەمى قاسىنان تابىلاتىن كاسىبي كومانداسى مەن ٴار ىسىنە قولداۋ ٴبىلدىرىپ وتىراتىن جانكۇيەرلەرىنىڭ ىستىق ىقىلاسى دا اسەر ەتكەن.
«الەم ەلدەرىندە جانكۇيەرلەرىم مەنىڭ فيلمدەرىمدى تاماشالاپ جۇرگەنىن بىلەمىن. وسى رەتتە تۋىندىلارىم ارقىلى ٴوز الەمىمدى تانىستىرۋعا تىرىسىپ كەلەمىن. اتاپ ايتقاندا، مەنىڭ فيلمدەرىمدە تىلدىك كەدەرگىلەر بولماعاندىقتان، ولاردىڭ بارلىعىنىڭ ماعىناسىن ەش قيىندىقسىز تۇسىنە الاسىزدار»، - دەدى ول.
ەستەرىڭىزدە بولسا، ول بۇگىن استانادا وتكەن كەزدەسۋ بارىسىندا باق وكىلدەرىنىڭ كومەككە مۇقتاج جاندار جايلى ٴجيى جازۋىن قالايتىنىن ايتقان بولاتىن. سونىمەن قاتار قازاقستانداعى قىتاي كينوفەستيۆالىنىڭ اشىلۋ سالتاناتى بارىسىندا قر اشم داۋرەن ابايەۆ قۇتتىقتاعان ەدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
ەرجان جاۋباي 
5283
0