موڭعوليادا قۇسبەگىلىكپەن اينالىساتىن 13 جاستاعى قازاق قىزى ايشولپان نۇرعايىپ جايلى تۇسىرىلگەن دەرەكتى فيلم «وسكار» سىيلىعىنىڭ شورت-پاراقشاسىنا ەندى، دەپ حابارلايدى tengrinews.kz.
5280
0 
استانا: 
1544 
0
موڭعوليادا قۇسبەگىلىكپەن اينالىساتىن 13 جاستاعى قازاق قىزى ايشولپان نۇرعايىپ جايلى تۇسىرىلگەن دەرەكتى فيلم «وسكار» سىيلىعىنىڭ شورت-پاراقشاسىنا ەندى، دەپ حابارلايدى tengrinews.kz.
سونداي-اق، weiner، «13»، the eagle huntress، «سدەلانو ۆ امەريكە» كارتينالارى دا 15 ٴفيناليستىڭ قاتارىنا كىردى.
13 جاستاعى قازاق قىزى وسىدان بىرنەشە جىل بۇرىن بۇركىتشىلەر اراسىندا ۇيىمداستىرىلعان ۇلكەن جارىسقا قاتىسقان سوڭ تانىمال بولا باستادى. سول كەزدىڭ وزىندە-اق شەتەلدىك اقپارات قۇرالدارى، سونىڭ ىشىندە bbc، cnn تەلەارنالارى قازاق قىزىنا قىزىعۋشىلىق تانىتقان ەدى.
وسىلايشا the eagle huntress كارتيناسى باستى كينوسىيلىقتى الۋعا ٴۇمىتتى ەكەن. ايشولپان نۇرعايىپ the new york times باسىلىمىنا بەرگەن سۇحباتىندا ۇيىندە قالعان ٴسىڭلىسى مەن قىرانىن قاتتى ساعىنعانىن ايتتى.
سونىمەن قاتار، 13 جاستاعى قازاق قىزى ٴفيلمنىڭ رەجيسسەرىمەن قالاي تانىسقانىن ايتىپ بەردى. ونىڭ ايتۋىنشا، بۇركىتشى قىزدىڭ سۋرەتىن رەجيسسەر وتتو بەللگە فوتوگراف اشەر سۆيدەنسكيي كورسەتكەن. فوتوگراف موڭعولياعا بارعان كەزىندە ٴبىراز اڭشىلاردى سۋرەتكە تۇسىرگەن ەكەن.
«ٴقازىر مەنىڭ جاسىم - 15-تە، ال قىرانىم «اق قاناتتارىنىڭ» جاسى - 3-تە، - دەيدى ٴفيلمنىڭ كەيىپكەرى. - باسقا قالادا وقۋ ٴۇشىن مەن ەندى ورتا مەكتەپتە تاعى ەكى جىل وقۋ كەرەكپىن. ٴبىراق مەن ٴقازىر سىڭلىمە اڭشىلىقتى ۇيرەتۋدى جوسپارلاپ وتىرمىن».
ايشولپاننىڭ تۋىستارى مەن جاقىندارى ونى ماقتان تۇتادى. قىزدىڭ ايتۋىنشا، كارتينانى تۋىستارى ازىرشە كورگەن جوق.
«ٴوزىڭدى ۇلكەن ەكراننان كورگەن وتە قىزىق. جالپى، مەنى ەندى ەر ادامدار تۇسىنە باستادى. ولار وسىعان دەيىن «بۇركىتشىلىكپەن اينالىسۋ - ايەلدەردىڭ ٴىسى ەمەس» دەپ ايتاتىن. وسى فيلمنەن كەيىن، ياعني مەن تانىمال بولعان سوڭ ولار وزدەرىنىڭ پىكىرلەرىن وزگەرتتى»، - دەيدى ايشولپان.
ەسكە سالا كەتەيىك، وسىعان دەيىن تانىمال ٴانشى sia بۇركىتشى قازاق قىزى تۋرالى فيلمگە ٴان جازعان بولاتىن.
وسىعان دەيىن sony كومپانياسى بۇل ٴفيلمدى لاتىن امەريكاسى، جاڭا زەلانديا، گەرمانيا، اۆستراليا مەن ازيادا كورسەتۋ قۇقىعىن يەلەنگەن بولاتىن. دەگەنمەن 20th century fox animation كارتيناعا رەمەيك ٴتۇسىرۋ كەرەك دەگەن شەشىمگە كەلگەن ەدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
