استانا: 
حح عاسىردىڭ العاشقى جارتىسىندا قازا تاپقان بەس ميلليونداي قازاقتىڭ رۋحىنا ارنالعان «ٴبىر ۋىس بيداي» قىسقامەتراجدى ٴفيلمى م.ٴماعاۋيننىڭ وسى اتتاس اڭگىمەسىنىڭ جەلىسى بويىنشا ٴتۇسىرىلدى، دەپ حابارلايدى baq.kz ٴتىلشىسى.
ٴفيلمنىڭ سسەناريىن جازعان تانىمال جۋرناليست سەرىك ابىكەن ۇلى. ال كارتينانى جارىققا شىعارعان رەجيسسەرلەرى - سەرىك ابىكەن ۇلى مەن دانيار مۇستافايەۆ، قويۋشى-وپەراتورى ايدوس قاليەۆ. فيلمگە الماتى وبلىستىق بيكەن ريموۆا اتىنداعى دراما تەاتردىڭ جانە ع. مۇسىرەپوۆ اتىنداعى بالالار جانە جاسوسپىرىمدەر تەاترىنىڭ اكتەرلارى قاتىستى.
«ٴبىر ۋىس بيداي» – ٴبىر وتباسى تراگەدياسى ارقىلى تۇتاس ۇلت قاسىرەتىن كورسەتۋدى ماقسات ەتەدى. «ەلساقشى.كز» شىعارماشىلىق توبى جانە «جەتىسۋ» تەلەارناسىنى بىرلەسە ىستەگەن كارتينا قاراتال اۋدانى، ەسكەلدى اۋىلدىق وكرۋگى، قاينار اۋىلىنىڭ جانىندا ٴتۇسىرىلدى. بۇل «جەتىسۋ» ارناسى جارىققا شىعارعان ەكىنشى فيلم، «قۇدايى قوناق» كومەديالىق كارتيناسى 2015 جىلى قىزىلاۋىز جايلاۋىندا تۇسىرىلگەن بولاتىن» - دەيدى كينوگەرلەر.
قازاقتىڭ باسىنا تۇسكەن قاسىرەتتى بەينەلەگەن كارتينالار ساۋساقپەن سانارلىق قانا. «ٴبىر ۋىس بيداي» سول قاسىرەت ارقالاعان فيلمدەردىڭ تاعى ٴبىر كەتىگىن تولتىرادى دەگەن ويدامىز.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2830 
0
5280
0