تانىمال قازاقستاندىق پروديۋسەر بايان ماقساتقىزى كونكۋرس اتاۋىمەن بىردەي اتالاتىن «قازاق ارۋى» جاڭا سەريالىنىڭ ٴتۇسىرىلىمى قالاي ٴجۇرىپ جاتقانى تۋرالى ۆيدەو جاريالادى، دەپ حابارلايدى قازاقپارات
5281
0 
استانا: 
4499 
0
تانىمال قازاقستاندىق پروديۋسەر بايان ماقساتقىزى كونكۋرس اتاۋىمەن بىردەي اتالاتىن «قازاق ارۋى» جاڭا سەريالىنىڭ ٴتۇسىرىلىمى قالاي ٴجۇرىپ جاتقانى تۋرالى ۆيدەو جاريالادى، دەپ حابارلايدى قازاقپارات
بايان ماقساتقىزى قازان ايىندا ۇلتتىق ناقىشتاعى ٴسان بايقاۋىنىڭ تاريحىن كوپشىلىككە ۇسىناتىنىن جاريالادى. باستى كەيىپكەردىڭ ٴرولىن 16 جاسار گۇلزادا تۇرلاش سومدايدى. فيلم پروديۋسەرى بۇرىن ايتقانداي، سەريالدى تۇسىرۋشىلەر «جاڭا ەسىم» ىزدەگەن، سوندىقتان دا باستى رولگە كونكۋرستىڭ بۇرىنعى جەڭىمپازدارىن شاقىرمادى.
الەۋمەتتىك جەلىلەرگە سالىنعان جاريالانىمدارعا قاراپ، ٴتۇسىرىلىمنىڭ تۇنگى ۋاقىتتا دا ٴجۇرىپ جاتقانىن بايقاۋعا بولادى. پروديۋسەر سەريالدىڭ بىرنەشە قويىلىمىن – قازىلار القاسىنىڭ ۇمىتكەرلەردى تالقىلاۋى، كونكۋرس ساحناسىنان تىس وقيعالار، سونداي-اق «قازاق ارۋى» مىندەتتى كەزەڭى بولىپ تابىلاتىن دارىندىلار شوۋىن جاريالادى.
ايتا كەتەيىك، «قازاق ارۋى» كونكۋرسى جىل سايىن ناۋرىز ايىندا وتكىزىلەدى. بيىلعى جىلى وسىمەن التىنشى رەت بولىپ ٴوتتى. جوبانىڭ شارتى بويىنشا، قىزدار قازاق ٴتىلىن ەركىن مەڭگەرىپ، ادەبيەت، تاريح، قازاق حالقىنىڭ ٴسالت-داستۇرى مەن ادەت-عۇرپىنان حاباردار بولۋلارى ٴتيىس. ينتەللەكتۋالدىق قابىلەتتەرىمەن قاتار، قىزداردىڭ سىرتقى بەت-بەينەسىنە قاتاڭ ٴمان بەرىلەدى. ەسكە سالا كەتەيىك، ٴتۇرلى جىلدارى «قازاق ارۋى» تيتۋلىن گۇلناز جولانوۆا، كامشات قوسكەلوۆا، ايگەرىم قاناتبايەۆا، ايعانىم وتەپبەرگەنوۆا، الميرا احاتوۆا جەڭىپ العان بولاتىن.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
