استانا: 
4169 
0
قر مادەنيەت جانە سپورت مينيسترلىگى زاڭ قىزمەتى دەپارتامەنتىنىڭ ديرەكتورى كۇمىس سەيىتوۆا كينەماتوگرافيا سالاسىنداعى زاڭمەن بەكىتىلگەن كەيبىر نورمالاردىڭ جۇمىس ىستەمەي تۇرعانىن ايتا كەلە، بارلىق ٴفيلمدى قازاق تىلىنە دۋبلياجداۋدىڭ قاجەتتىلىگى جوق ەكەنىن مالىمدەدى، دەپ حابارلايدى baq.kz ٴتىلشىسى.
الدىمەن كۇمىس سەيىتوۆا 2018 جىلى مينيسترلىك ازىرلەگەن «كينەماتوگرافيا تۋرالى» زاڭىنا توقتالدى.
«اتالعان زاڭ جوباسى اياسىندا ەڭ ماڭىزدى فيلمدەردى پروكاتتاۋ ٴتىلى ماسەلەسى شەشىمىن تابادى. ويتكەنى، وسى كۇنگە دەيىن قولدانىستاعى «مادەنيەت تۋرالى» زاڭدا «قازاقستان اۋماعىندا بارلىق فيلم قازاق تىلىندە دۋبلياجدالۋى ٴتيىس» دەلىنگەن نورما جۇمىس ىستەمەي تۇر. ال ٴبىز وسى نورماعا وزگەرىس ەنگىزىپ وتىرمىز. سەبەبى، ٴبىز «بارلىق ٴفيلمدى قازاق تىلىنە دۋبلياجداۋ قاجەتتىلىگى جوق» دەپ ەسەپتەيمىز»، - دەدى ديرەكتور. ورتالىق كوممۋنيكاسيالار قىزمەتىندە وتكەن بريفينگتە.
ونىڭ ايتۋىنشا، قازاقستانعا ورتاشا ەسەپپەن العاندا جالپى 300-گە جۋىق فيلم كورسەتىلەدى.
«سوندىقتان بۇل فيلمدەردى قازاق تىلىنە مىندەتتى تۇردە دۋبلياجداۋ قاجەت ەمەس. وسى ورايدا جوعارىدا اتالعان نورماعا التەرناتيۆا رەتىندە «سۋبتيترلاۋ نەمەسە كادردان تىس اۋدارمانى ەنگىزۋ» نورماسىن كىرىستىردىك. وسىلايشا، زاڭ جوباسى اياسىندا قازاقستاندا شىعارىلعان نەمەسە ەلىمىزدىڭ اۋماعىندا پروكاتتاۋ ماقساتىمەن اكەلىنگەن بارلىق فيلم اتالعان نورما بويىنشا جۇمىس ىستەيدى»، - دەپ تۇيىندەدى ٴسوزىن كۇمىس سەيىتوۆا.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5283
0