BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«بالۋان شولاق» كوركەم ٴفيلمى جارىق كوردى

فوتو: автор

الماتى، baq.kz ٴتىلشىسى. بۇگىن الماتىدا ش. ايمانوۆ اتىنداعى «قازاقفيلم» كينوستۋدياسى تۇسىرگەن «بالۋان شولاق» كوركەم ٴفيلمىنىڭ تانىستىرىلىمى ٴوتتى.

كارتينانىڭ رەجيسسەرى نۇرگەلدى سادىعۇلوۆ بۇل تاريحي كينو بولعاندىقتان كورەرمەندەردىڭ ىقىلاسىن ەسكەرىپ، تاريحتان اۋىتقىماۋعا تىرىسقاندىقتارىن ايتادى.

«كينونى ٴتۇسىرۋ بارىسىندا مۋزەيلەردەن، مۇراعاتتاردان تاپقان فوتولارعا سۇيەنىپ، سول كەزدى سۋرەتتەۋگە تىرىستىق. اسىرەسە، جارمەڭكە، كونە قالانىڭ كەلبەتىن سومداۋدا دا سولارعا جۇگىندىك. سونداي-اق كورەرمەندەر جايلى كوپ ويلادىم، ويتكەنى بۇل فەستيۆالدەرگە شىعاتىن نەمەسە كومەرسيالىق فيلم ەمەس. بالۋان شولاق تاريحي تۇلعا بولعاندىقتان تاريحتان اۋىتقىماۋعا تىرىستىق»، -دەيدى ول.

ٴفيلمنىڭ سسەناريي اۆتورى دۋلات يسابەكوۆ كينونىڭ كوڭىلىنەن شىققاندىعىن جەتكىزدى.

«بالۋان شولاق» سپەكتاكىلى كوپتەن بەرى ساحنادا قويىلىپ كەلەدى، تىپتەن لوندونعا دا بارىپ كەلدى. پەسا مەن كينو ەكى الۋان دۇنيە. ٴبارىن قايتادان جازىپ شىققانداي بولدىم. مەنىڭ ماقساتىم ۇلتتىق كينو جاساۋ ەدى. كينو جوعارى دەڭگەيدە بولۋى ٴۇشىن ٴالى دە 10 مينۋتتىق سيۋجەتتەر جەتىسپەي قالدى. ياعني، بالۋان شولاق عاشىق بولعان عاليا ەكەۋىنىڭ اراسىنداعى قاتىناس جانە بالحاش تۋرالى سيۋجەتتەر كينوعان ەنبەي قالعان. ەگەر باسشىلار قولداپ جاتسا سونى تولىقتىرىپ جىبەرسە دەگەن تىلەگىم بار»، -دەيدى د. يسابەكوۆ.

بالۋان شولاقتىڭ ٴرولىن ەركەبۇلان دايىروۆ، بالقاشتى جاس ارتيس البينا شارداروۆا سومداعان، سونداي-اق فيلمگە بولات ٴابدىمانوۆ، الەكساندر باگريانسەۆ، جانەل ماقاجان، ٴساعادىلدا ٴۇسىبالى سىندى تانىمال اكتەرلەر تۇسكەن.

فيلم جايىندا قىسقاشا توقتالىپ وتسەك. كينو بالۋان شولاقتىڭ بالالىق شاعىنان باستالادى. دوسىمەن ورماندا اعاش تەرىپ جۇرگەن ول قاسقىردىڭ اپانىنا تاپ بولىپ، قاسقىرمەن ارپالىسادى. ارى قاراي ونىڭ ەسەيگەن شاعى باياندالىپ، سىدىق بولىسقا ايەلدىككە كەتىپ بارا جاتقان قارشاداي بالحاشتى قۇتقارىپ قالۋىمەن جالعاسادى. وسى تۇستا رەسەيلىك پاتشانىڭ قازاقستان جەرىنە ٴوز ۇكىمىن جۇرگىزىپ، كەلىمسەكتەردى قازاق اۋىلدارىنا شوعىرلاندىرۋى، وعان قارسى شىققانداردى قاماپ، كۇش كورسەتە باستايدى. اۋىلىنىڭ قيىن قىستاۋعا تاپ بولعانىن كورگەن بالۋان شولاق ورىس وفيسەرلەرىنە قارسى شىعادى. اقىر سوڭى وفيسەردىڭ قىزىن ۇرلاپ اكەتىپ، اۋىل حالقىن بوستاۋ جونىندە شارت قويادى.

رەجيسسەردىڭ ايتۋىنشا، ٴتۇسىرىلىم جۇمىستارى كوكشەتاۋ، پاۆلودار قالاسىندا، بۋراباي جانە الماتى وبلىسىندا جۇرگىزىلگەن.

«كەرەكۋ قالاسىنىڭ سول كەزدەردەگى كەلبەتىن قولىمىزدان كەلگەنشە قايتا جاساۋعا تىرىستىق. سونداي-اق ەلىمىزدىڭ اسەم تابيعاتىن كورسەتۋگە كۇش سالدىق. كينوداعى ات ۇستىندەگى كوپتەگەن تريۋكتاردى «نوماد» كاسكادەر توبى وينادى. ەشكىم جاراقات الىپ قالماسا ەكەن دەپ الاۋمەن بولدىم، الايدا ٴبارى ويداعىداي ٴوتتى»، -دەيدى ول.

بالقاشتىڭ ٴرولىن سومداعان البينا شارداروۆ بۇل العاشقى تولىقمەتروجدى ٴفيلمى ەكەندىگىن ايتادى.

«العاشىندا بۇل ۇلكەن ٴۇمىت قوي، ونى اقتاي الام با دەگەن قورقىنىش بولدى. دەگەنىمەن ٴتۇسىرىلىم الاڭىنا بارعان كەزدە كاسىبي اكتەرلەرمەن اقىلداسىپ، بىلمەگەن تۇستارىمدى تولىقتىرا ٴبىلدىم»، -دەيدى اكتريسا.

اتالعان فيلم قالىڭ كورەرمەنگە 2019 جىلدىڭ ناۋرىز ايىندا جول تارتپاق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي