1536 
0
كەشە، 1 ماۋسىم – بالالاردى قورعاۋ كۇنى مەرەكەسىنە وراي قازاقستاندىق تانىمال رەجيسسەر تالعات تەمەنوۆتىڭ «بيبول» ٴفيلمىنىڭ تۇساۋى كەسىلدى، دەپ حابارلايدى baq.kz ٴتىلشىسى.
5280
0 
استانا: 
كەشە، 1 ماۋسىم – بالالاردى قورعاۋ كۇنى مەرەكەسىنە وراي قازاقستاندىق تانىمال رەجيسسەر تالعات تەمەنوۆتىڭ «بيبول» ٴفيلمىنىڭ تۇساۋى كەسىلدى، دەپ حابارلايدى baq.kz ٴتىلشىسى.
قازاقفيلم كينوستۋدياسىندا تۇسىرىلگەن كارتينا بالالار ۇيىندە تۇراتىن التى جاستاعى بيبول مەن زەينەت جاسقا كەلىپ، تۋعان قىزىنان قايىر كورمەگەن قاسىمحان ەسىمدى قاريانىڭ جالعىزدىعى مەن دوستىعى جايىندا.
«بۇگىن، ارينە، ەرەكشە كۇن. ەلباسىمىزدىڭ جارلىعىمەن بۇلدىرشىندەرىمىزگە ارنالعان ەرەكشە مەرەكە. وسى كۇندە ەلىمىزدىڭ ماقتانىشى، بەلگىلى رەجيسسەرى تالعات تەمەنوۆ ٴوز تۋىندىسىن ۇسىنىپ وتىرعانى ول ۇلكەن مارتەبە. نەگە دەسەڭىز، ٴبىز تالعات تەمەنوۆتى كەرەمەت كينو رەجيسسەرى، تەاتر رەجيسسەرى رەتىندە جاقسى بىلەمىز. سونىمەن بىرگە تولەگەن مۇحامەتجانوۆتىڭ بىرگە جۇمىس ىستەۋىن كەرەمەت تاندەم دەر ەدىم، سەبەبى ونىڭ تەمەنوۆتىڭ فيلمدەرىنە جازعان اندەرى كەيىن جەكە حيت بولىپ، ەلدىڭ ماقتانىشىنا اينالىپ جاتىر. ٴوزى، بۇتكىل مەترلەردىڭ ورتاسىندا تۇرىپ، ۇزاق سويلەگەن ىڭعايسىز ەكەن. ونەردە تەك قانا ساتتىلىك تىلەيمىن. مەرەكە قۇتتى بولسىن!»، - دەدى ٴفيلمنىڭ تۇساۋكەسەرىنە قاتىسقان قر مادەنيەت جانە سپورت ٴمينيسترى ارىستانبەك مۇحامەدي ۇلى. ٴسوز سوڭىنان ٴفيلمنىڭ ونەر ۇجىمىن ىقىلاس گۇلىن سىيعا تارتتى.
رەجيسسەر تالعات تەمەنوۆتىڭ ايتۋىنشا، ٴفيلمنىڭ پروكاتقا شىعۋى قىركۇيەك ايىنا جوسپارلانعان. الايدا ٴمينيستردىڭ جەكە باستاماسىمەن، بالالار مەرەكەسىنە وراي ونىڭ «جابىق كورسەتىلىمىن» وتكىزۋ ۇيعارىلعان.
كارتينا رەجيسسەرى ايتىپ وتكەندەي، بيبولدىڭ رولىنە ۇمىتكەرلەردىڭ سانى ەكى مىڭنان اسقان ەكەن. سونىڭ ىشىنەن ىرىكتەپ الىنعان ٴانۋار تولەۋعاجى ەسىك قالاسىنان تابىلىپتى.
«ٴبىز بۇل ٴفيلمدى باس-اياعى 19 كۇننىڭ ىشىندە ٴتۇسىرىپ شىقتىق. تولەۋبەك ارالباي باستى رولدەگى قاريانى سومدادى. بۇنى «قازاقفيلمدەگى» بيۋدجەتى ەڭ از فيلم دەۋگە بولادى. وعان كارتينانىڭ پروديۋسەرى احات يبرايەۆ كوپ كومەك كورسەتتى»، - دەيدى تالعات تەمەنوۆ مىرزا.
تۇساۋ كەسەر سالتاناتىنا ەكى نەمەرەسىن ەرتە كەلگەن كارتينانىڭ كومپوزيتورى تولەگەن مۇحامەدجانوۆ ٴسوز ورايى كەلگەندە تەمەنوۆتىڭ رەجيسسەرلىك قاسيەتىنە توقتالدى.
«جاسوسپىرىمدەرىمىزگە ٴبىزدىڭ زامانداستارىمىزدىڭ ىشىندە وسىنداي ادەمى كينو ٴتۇسىرۋ وسى تالعاتتىڭ قولىنان عانا كەلەدى. تالعات سونى جاساپ تا ٴجۇر. «شاڭىراق»، «توررو»، چاپاي قايداسىڭنان؟» باستاپ وسىنداي كەرەمەت كارتينالاردى ٴتۇسىرىپ جاتىر. وعان اتسالىسىپ، مۋزىكا جازعانىم ٴۇنىش ٴوزىمدى باقىتتى دەپ سانايمىن. سونداي-اق، بيبولدى ويناعان ٴانۋاردى دا ايتا كەتۋ كەرەك. قانداي ادەمى بالا. وسى بالانىڭ كوزىنە قاراپ، مەن مۋزىكانى جازدىم»، - دەيدى مۇحامەدجان تولەگەنوۆ.
قىسقاشا، ٴفيلمنىڭ سيۋجەتىنە توقتالاتىن بولساق، استانانىڭ جايما-شۋاق كۇنىندە جەتىمدەر ۇيىندەگى قيالشىل بالا بيبول ارمانىنداعى اتاسىن ىزدەپ، قاسىمحان اقساقالعا جولىعادى. قاسىمحان – جاقىندا عانا جان جارىنان ايىرىلىپ، تۋعان قىزىنان قامقورلىق تاپپاي، سەرگەلدەڭگە تۇسكەن قاريا. بيبول ونى قيالىنداعى اتاسىنا ۇقساتىپ، قىر سوڭىنان قالماي، ەكەۋى اينالدىرعان ٴۇش كۇننىڭ ىشىندە بىرنەشە شىتىرمان وقيعانى باستان كەشىرەدى. قايعىدا دا، قۋانىشتا دا بىرگە بولعان ەكەۋى اقىرى بىر-بىرىنە باۋىر باسىپ قالادى.
بۇل كارتينادا باۋىر ەتى بالاسىن جەتىمدەر ۇيىنە تاپسىراتىن بەزبۇيرەك انا مەن تاس باۋىر اكە، اتا-اناسىنا قايىرىمسىز قىز بەن جاستار اراسىنداعى جۇمىسسىزدىق سىندى الەۋمەتتىك پروبلەمالار دا كورىنىس تاپقان.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
