استانادا ەۋروپا كينوفەستيۆالى كۇنىنە وراي ۇزدىك فيلمدەر تەگىن كورسەتىلۋدە

14-16 ماۋسىم ارالىعىندا استانادا قازاقستاندا ەۋروپا كۇنىن اتاپ ٴوتۋ اياسىندا ەۋروپا كينوفەستيۆالى وتۋدە، دەپ حابارلايدى baq.kz.

بيىل كورەرمەندەر نازارىنا ەۋروپالىق وداققا مۇشە مەملەكەتتەردىڭ ۇزدىك كينوفيلمدەرى ۇسىنىلادى. فەستيۆال باعدارلاماسىنا چەحيا، اۆستريا، شۆەسيا، ەستونيا، يسپانيا، سلوۆەنيا، گەرمانيا، فرانسيا، نيدەرلاندى، ليتۆا، رۋمىنيا،سلوۆاكيا جəنە لاتۆيا ەلدەرىندە تۇسىرىلگەن 13 فيلم كىردى.

كينو تۋىندىلارى اراسىندا ٴəرتۇرلى جانرداعى كينو سالاسىنداعى حالىقارالىق ماراپاتتاردىڭ جۇلدەگەرلەرى مەن ۇمىتكەرلەرى بار، اتاپ اي̆تقاندا، 1987 جىلعى «وسكار» سىي̆لىعىنىڭ ۇزدىك شەتەلدىك فيلم اتالىمىنا ۇمىتكەر - "دەرەۆەنكا مويا سەنترالنايا" ٴفيلمى (چەحيا)، ەۋروپا كينواكادەمياسىنىڭ جۇلدەگەرى، 10 "گوي̆يا" سىي̆لىعىنىڭ يەگەرى - "مينياتيۋرنىي̆ وستروۆ" (يسپانيا) ٴفيلمى، رۋمىنيا كينەماتوگرافيستەر وداعى سىي̆لىعىنىڭ يەگەرى - "وبەزگلاۆلەننىي̆ پەتۋح" ٴفيلمى جəنە كوپتەگەن باسقالارى.

14 ماۋسىم كۇنى فەستيۆال اشىلۋىندا كورەرمەندەرگە فينليانديا، ەستونيا مەن گەرمانيا بىرىگىپ تۇسىرگەن "فەحتوۆالششيك" ٴفيلمى كورسەتىلدى. 2015 جىلى اتالمىش فيلم «التىن گلوبۋس» سىي̆لىعىنىڭ شەتەل تىلىندەگى ۇزدىك فيلم اتالىمىنا ۇسىنىلدى، ال 2016 جىلى فينليانديانىڭ ۇلتتىق «يۋسسي» كينوجۇلدەسىنىڭ 2015 جىلعى ۇزدىك ٴفيلمى اتاعىن يەلەندى

شارانىڭ اشىلۋ سالتاناتىنا قازاقستانداعى ەۋروپالىق وداق وكىلدىگىنىڭ باسشىسى، ەلشى ترايان حريستەا، فينليانديانىڭ قازاقستانداعى ەلشىسى يلككا رەي̆سانەن جəنە ەستونيانىڭ ۋاقىتشا سەنىمدى وكىلى پيتەر ميللەر قاتىستى.

«ٴبىزدىڭ جىل ساي̆ىن ۇي̆ىمداستىرىلاتىن ەۋروپالىق كينوفەستيۆالدەرىمىز –ەۋرووداقتىڭ «بىرلىك – سان الۋاندىلىقتا» ۇرانىنىڭ كورىنىسى. فەستيۆال باعدارلاماسىندا ٴəرتۇرلى جانرداعى فيلمدەر ۇسىنىلعان – كوكەي̆تەستى، ومىردەگى ەڭ ماڭىزدى مəسەلەلەردى قوزعاي̆تىن، ٴəرى، ەڭ باستىسى، قىزىقتى تۋىندىلار. ەۋروپالىق كينو ونداعى əسەرلى، وزىندىك ەرەكشەلىكتەرگە تولى وقيعا جەلىسىمەن جəنە باياندالاتىن وقيعالاردىڭ وزەكتىلىگىمەن وزگەشە. كينوفەستيۆال، يگى دəستۇرگە اي̆نالا وتىرىپ، قازاقستانداعى ەۋروپا كۇنىن اتاپ ٴوتۋ شاراسىنىڭ كەرەمەت اياقتالۋىنا مۇرىندىق بولاتىنىنا، سونىمەن بىرگە، ەۋروپالىق بولمىس əلەمىنە ساياحاتتاۋعا مۇمكىندىك بەرەتىنىنە سەنىمدىمىن»، - دەپ اتاپ ٴوتتى ەلشى ترايان حريستەا.

فەستيۆالدىڭ قورىتىندى كۇنى، 16 ماۋسىمدا، قازاقستاندىق رەجيسسەر كاتەرينا سۋۆوروۆانىڭ "زاۆترا مورە" ٴفيلمىنىڭ كورسەتىلىمى، سونداي̆-اق، رەجيسسەردىڭ كورەرمەندەرمەن كەزدەسۋى وتەدى. "زاۆترا مورە" دەرەكتى ٴفيلمى بۇرىنعى ارال تەڭىزى جاعالاۋى تۇرعىندارىنىڭ ٴومىرى تۋرالى بايانداي̆دى. فيلم روبەرت بوش اتىنداعى نەمىس قورى تاعاي̆ىنداي̆تىن گرانت جۇلدەگەرى بولىپ تابىلادى. ٴفيلمنىڭ تۇساۋكەسەرى 2016 جىلى تامىزدا لوكارنو كينوفەستيۆالىندە وتكەن بولاتىن.

فيلمدەر ورىس تىلىندەگى سۋبتيترلەرمەن بىرگە ٴتۇپنۇسقا تىلىندە كورسەتىلەدى. كىرۋ تەگىن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!