BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«اسان» ٴفيلمى تاشكەنتتەن جۇلدەمەن ورالدى

استانا، baq.kz. قر مادەنيەت جانە سپورت مينيسترلىگى تاپسىرىسى بويىنشا ش.ايمانوۆ اتىنداعى «قازاقفيلم» كينوستۋدياسى تۇسىرگەن «اسان» ٴفيلمى تاشكەنت قالاسىندا وتكەن ٴ4-شى حالىقارالىق prologue كينوفەستيۆالىندە قازىلار القاسىنىڭ ارنايى جۇلدەسىنە يە بولدى.

«اسان» ٴفيلمى فەستيۆالدىڭ قىسقامەتراجدى فيلمدەرگە ارنالعان كونكۋرستىق باعدارلاماسى شەڭبەرىندە كورسەتىلدى. كينوتۋىندى اكەسىن اقتىق ساپارعا شىعارىپ سالۋعا جولعا شىققان بوزبالا تۋرالى باياندايدى.

"مەن وتە قۋانىشتىمىن. ماعان سەنىپ، قولداۋ بىلدىرگەندەرى ٴۇشىن «قازاقفيلم» كينوستۋدياسىنىڭ باسشىلىعىنا العىسىمدى ايتامىن. بۇل جۇلدە، مەن ٴۇشىن، ۇلكەن موتيۆاسيا"، - دەدى ماراپاتتاۋ سالتاناتىندا جاس رەجيسسەر بەرىك جاحانوۆ.

جالپى فەستيۆالدىڭ حالىقارالىق بايقاۋلارىنا قاتىسۋعا 60 ەلدەن 280-نەن استام وتىنىمدەر كەلىپ تۇسكەن ەكەن. ناتيجەسىندە، كونكۋرستىق باعدارلاماعا 13 ەلدەن كەلگەن (اقش، پولشا، فرانسيا، تۇركيا، قازاقستان، قىرعىزستان جانە ت.ب.) 31 كينوتۋىندى ىرىكتەلىنىپ الىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي