BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«اسان» ٴفيلمى قازاندا وتەتىن جاستار كينوسى فەستيۆالىنە قاتىسۋدا

ش.ايمانوۆ اتىنداعى «قازاقفيلم» اق تۇسىرگەن قىسقامەترلى «اسان» ٴفيلمى 2018 جىلدىڭ قىركۇيەكتىڭ 4 مەن 6 ارالىعىندا وتەتىن ح حالىقارالىق قازان كينوفەستيۆالىنىڭ كونكۋرستىق باعدارلاماسىنا ەنىپ وتىر، دەپ حابارلايدى baq.kz اقپارات اگەنتتىگى.

اتالعان جاستار كينوسى فەستيۆالى حالىقارالىق ستاتۋسى بار قازان مۇسىلمان كينوسى كينوفەستيۆالى اياسىندا وتەدى. وندا كوركەم، دەرەكتى جانە انيماسيالىق فيلمدەر باق سىنايدى. فەستيۆالدىڭ قۇرىلتايشىسى تاتارستان رەسپۋبليكاسىنىڭ مادەنيەت مينيسترلىگى. ۇيىمداستىرۋشىلار قۇرامى ادەتتەگىدەي قازان مەملەكەتتىك مادەنيەت ينستيتۋتى مەن تاتارستان كينەماتوگرافيستەر كەڭەسىنەن تۇرادى.

رەجيسسەر بەرىك جاحانوۆتىڭ «اسان» كارتيناسى اكەسىن كوپتەن بەرى كورمەگەن، الايدا قازاسىنا جولعا شىققان جەتكىنشەك تۋرالى ٴسوز ەتەدى.

«ٴفيلمىم كينوفەستيۆالگە قاتىسىپ جاتقانىنا قۋانىپ وتىرمىن. بۇدان دا باسقا جەتىستىكتەرگە قول جەتكىزەمىن دەپ ۇمىتتەنەمىن»، - دەدى ٴفيلمنىڭ رەجيسسەرى بەرىك جاحانوۆ.

ەستەرىڭىزگە سالا كەتەيىك، «اسان» ٴفيلمى بيىل ٴ71-شى كانن حالىقارالىق كينوفەستيۆالى اياسىندا وتەتىن، الەمنىڭ تۇكپىر-تۇكپىرىنەن جينالعان قىسقامەترلى فيلمدەرگە ارنالعان short film corner باعدارلاماسىندا كورسەتىلگەن.

سونىمەن قاتار، ح حالىقارالىق قازان كينوفەستيۆالىنىڭ بايقاۋدان تىس باعدارلاماسىندا ش.ايمانوۆ اتىنداعى «قازاقفيلم» كينوستۋدياسى وندىرگەن – رەجيسسەر اداي ٴابىلدينوۆتىڭ «كۇلتەگىن» جانە رەجيسسەرلەر – تۇردىبەك مايدان مەن تىلەك تولەۋعازىنىڭ «مۇزبالاق» اتتى تولىقمەترلى انيماسيالىق فيلمدەرىنىڭ كورسەتىلىمى وتەتىنى بەلگىلى بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي