استانا: 
2784 
0
سوڭعى اپتادا الەمنىڭ بارلىق بۇقارالىق اقپارات قۇرالدارى جارىسا جازعان جاڭالىق – اندجەلينا دجولي مەن برەد ٴپيتتىڭ اجىراسۋ تۋرالى شەشىمى. 19 قىركۇيەكتە دجولي اجىراسۋعا قۇجاتتارىن تاپسىرعان. جۇلدىزدى جۇپقا قاتىستى بۇل اقپاراتتى اكتريسانىڭ قورعاۋشىسى روبەرت وففەر راستاعان. اجىراسۋ سەبەبىنە دجولي جۇبايىمەن اراسىنداعى بىتپەيتىن كەلىسپەۋشىلىكتەر دەپ كورسەتكەن، دەپ جازادى baq.kz.
باتىستىق باق وكىلدەرى دجولي مەن ٴپيتتىڭ اجىراسۋ سەبەپتەرىن سان ساققا جۇگىرتىپ جازۋدا. سونىڭ ٴبىرى رەتىندە برەد ٴپيتتىڭ بالالارىنا دەگەن قارىم-قاتىناسىن اتاپ كورسەتىپتى.
ەستەرىڭىزگە سالا كەتەيىك، وتكەن اپتادا پيتت وتباسىمەن بىرگە ساپار بارىسىندا ۇشاقتا ٴدجوليدىڭ كوزىنشە بالالارىنا داۋىس كوتەرىپ، بىرەۋىن ۇرىپ جىبەرگەن. «وسىعان بايلانىستى اقش-تىڭ تەرگەۋ قىزمەتى برەد پيتتكە قاتىستى قىلمىستىق ٴىس قوزعاۋى مۇمكىن» دەپ حابارلاعان بولاتىن شەتەلدىك باق وكىلدەرى.
الايدا كەيبىر دەرەكتەر ٴدجوليدىڭ ساياسي بەلسەندىلىگى دە پيتت ەكەۋىنىڭ جاراسىمدى جۇبىنىڭ تۇبىنە جەتتى دەگەنگە سايادى. اندجەلينا دجولي بۇۇ-نىڭ ەرىكتى ەلشىسى رەتىندە «ىستىق نۇكتەلەرگە» ٴجيى باراتىندىعى بەلگىلى. ٴبىراق برەدكە ايەلىنىڭ سوعىس بولىپ جاتقان ەلدەرگە بالالارىن قوسا ەرتىپ بارۋى ۇناماعان. اندجەلينانى ەڭ مىقتى دەگەن وققاعارلار قورعاسا دا كۇيەۋى بۇنداي ساپارلاردى قولداماعان. اسىرەسە، سيرياعا بارۋ تۋرالى ماسەلە كوتەرىلسە، جۇبايلار اراسىندا ۇنەمى جانجال تۋىپ وتىرعان.
تاعى ٴبىر دەرەكتەردە دجولي-پيتت اجىراسۋىنا برەد پەن فرانسۋزدىق اكتريسا ماريون كوتيييار اراسىنداعى قۇپيا بايلانىس سەبەپ بولدى دەلىنگەن.
قالاي دەسەكتە، وسى ۋاقىتقا دەيىن الەمدەگى ەڭ باقىتتى وتباسى سانالىپ كەلگەن اندجەلينا دجولي مەن برەد ٴپيتتىڭ اجىراسۋ سەبەپتەرى تەك وزدەرىنە عانا ايان.
پيتت پەن دجولي «ميستەر ي ميسسيس سميت» ٴفيلمىنىڭ تۇسىرىلىمىندە تانىسىپ، ون جىلدان اسا بىرگە ٴومىر ٴسۇردى. 2014 جىلى 23 تامىزدا برەد پەن اندجەلينا زاڭدى تۇردە نەكەلەستى. ولاردىڭ 6 بالاسى بار. ونىڭ ۇشەۋىن اسىراپ العان.
دايىنداعان جىبەك مۇقاشەۆا
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5283
0