BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«امىرە» ٴفيلمى گولليۆۋد كينوفەستيۆالىندە silver screen award جۇلدەسىنە يە بولدى

استانا، baq.kz. لوس-اندجەلەس قالاسىندا قازاننىڭ ٴ23-ى مەن ٴ28-ى ارالىعىندا وتەتىن حالىقارالىق hollywood film festival كينوفەستيۆالىنىڭ ٴبىرىنشى كەزەڭىندە «امىرە» ٴفيلمى silver screen award جۇلدەسىنە يە بولدى.

قازاقتىڭ تەنور داۋىستى ٴبىرتۋار ٴانشىcى امىرە قاشاۋبايەۆتىڭ عۇمىرىن باياندايتىن ٴفيلمدى قر مادەنيەت جانە سپورت مينيسترلىگى تاپسىرىسى بويىنشا ش.ايمانوۆ اتىنداعى «قازاقفيلم» اق «dar play» كومپانياسىمەن بىرلەسە تۇسىرگەن.

ايتا كەتسەك، فەستيۆالدىڭ العاشقى كەزەڭىندە silver screen award جۇلدەسىنە ۇمىتكەرلەر قاتارىنا بايقاۋعا قاتىساتىن ٴار ەلدىڭ بىرنەشە فيلمدەرى ۇسىنىلعان بولاتىن.

بۇل كەزەڭدە قازاقستان اتىنان التى بىردەي كينوتۋىندى – ٴۇش تولىقمەتراجدى جانە ٴۇش قىسقامەتراجدى فيلمدەر قاراستىرىلعان. «امىرە» كارتيناسىمەن قاتار ش.ايمانوۆ اتىنداعى «قازاقفيلم» كينوستۋدياسى جارىققا شىعارعان ٴۇش فيلم باق سىنادى، ولار: تولىقمەتراجدى فيلمدەر بايقاۋىندا تولەگەن بايتوكەنوۆتىڭ «ساتاش» ٴفيلمى جانە ەلجاس راقىمبەكوۆتىڭ «ەل فريمان» كارتيناسى، ال قىسقامەتراجدى فيلمدەر بولىمىنە بەرىك جاحانوۆتىڭ «اسان» ٴفيلمى قاتىستى.

ٴبىرىنشى كەزەڭنىڭ جەڭىمپازى، silver screen award جۇلدەسىنىڭ يەگەرى «امىرە» ٴفيلمى ەندى فرانسيا، گەرمانيا، چيلي، جاپونيا مەن شۆەسيا سىندى باسقا دا 16 مەملەكەتتەن قاتىساتىن فيلمدەرمەن بىرگە فەستيۆالدىڭ باستى جۇلدەسى ٴۇشىن كۇرەسكە تۇسەدى. بۇل فەستيۆالدە ٴفيلمدى رەجيسسەر دجەفف ۆەسپا تانىستىراتىن بولادى.

جاڭا تالانتتاردى اشاتىن جانە تاۋەلسىز كينونى ناسيحاتتايتىن گولليۆۋدتىك كينوفەستيۆال 1997 جىلدان باستاپ وتكىزىلىپ كەلەدى. «ۇلكەن وقيعالار الەمدى وزگەرتەتىنىن جانە الەمىمىز وزگەرىستەردى كۇتەتىنىن بىلەمىز. سونىمەن قاتار، گولليۆۋد – الەمدىك مادەنيەتتى جىرلايتىن تاۋەلسىز كينو سۋرەتكەرلەر قاتارى جينالاتىن ٴتيىمدى ٴارى بەدەلدى ورتا»،- دەيدى hollywood film festival كينوفەستيۆالىنىڭ ۇيىمداستىرۋشىلارى.

سونداي-اق، «امىرە» كارتيناسى نيۋ-يوركتە قازاننىڭ 10 مەن 14 ارالىعىندا وتكەن «ۆۋدستوك» حالىقارالىق كينوفەستيۆالىنە قاتىستى. ٴفيلمدى كورەرمەنگە باستى رولدە وينايتىن اكتەر سانجار ٴمادي ۇسىندى. اكتەردىڭ ايتۋىنشا، «امىرە» فيلمىنە امەريكالىق كورەرمەن تاراپىنان ۇلكەن قىزىعۋشىلىق تۋىنداپ، بيلەتتەر تۇگەل الدىن-الا ساتىلىپ كەتكەن جانە زال كورەرمەنگە تولى بولعان.

«كارتينانى كورسەتتىك، حالىقارالىق دەڭگەيگە شىعاردىق. فيلم كورەرمەننىڭ كوڭىلىنەن شىقتى»، - دەدى ۆۋدستوكتىك كينوفەستيۆال تۋرالى سانجار ٴمادي.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي