BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«التىنەمەل» دەرەكتى ٴفيلمى قىتايدا جۇلدەگە يە بولدى

فوتو: kazakhfilmstudios.kz

قر مادەنيەت جانە سپورت مينيسترلىگى تاپسىرىسى بويىنشا ش.ايمانوۆ اتىنداعى «قازاقفيلم» اق جارىققا شىعارعان «التىنەمەل» دەرەكتى ٴفيلمى قحر-نىڭ تايچجوۋ قالاسىندا وتكەن كينو جانە تۋريزم سالاسىنداعى ازيالىق ونەر اپتالىعىندا «شەتەلدىڭ ۇزدىك دەرەكتى ٴفيلمى» جۇلدەسىمەن ماراپاتتالدى، دەپ حابارلايدى baq.kz اقپارات اگەنتتىگى kazakhfilmstudios.kz سايتىنا سىلتەمە جاساپ.

التىنەمەل مەملەكەتتىك ۇلتتىق ساياباعىنىڭ باي تابيعاتى تۋرالى باياندايتىن دەرەكتى ٴفيلمنىڭ اۆتورى تانىمال فوتوگراف-ناتۋراليست ولەگ بەليالوۆ.

ايتا كەتسەك، «التىنەمەل» دەرەكتى ٴفيلمى رەجيسسەردىڭ العاشقى جۇمىسى. سونداي-اق، ولەگ بەليالوۆ بۇل كارتينانىڭ سسەناريي اۆتورى جانە قويۋشى وپەراتورى.

ەستەرىڭىزگە سالا كەتسەك، بىلتىر قاراشا ايىندا «قازاقفيلم» كينوستۋدياسى قر تۇڭعىش پرەزيدەنتى ەلباسى قورىمەن بىرلەسىپ، قازاق دەرەكتى كينوسىنىڭ كۇندەرى اياسىندا «التىنەمەل» دەرەكتى ٴفيلمنىڭ كورسەتىلىمى وتكەن بولاتىن.

كينو جانە تۋريزم سالاسىنداعى ازيالىق ونەر اپتالىعىنىڭ ۇيىمداستىرۋشىلارى: قىتايدىڭ تەلەۆيزيالىق سۋرەتشىلەر قاۋىمداستىعى، چجەسزيان باسپا، راديو، كينو جانە تەلەۆيزيا اكىمشىلىگى جانە تايچجوۋ ۇكىمەتى. مادەني ٴىس-شارا ازيا ەلدەرىندە ٴتۋريزمنىڭ جانە كينەماتوگرافيا سالاسىنىڭ دامۋىنا باعىتتالعان. بيىل اتالعان شاراعا فرانسيا، رەسەي، قازاقستان جانە جاپونيا سىندى 23 مەملەكەتتەردەن مىڭنان استام كينو جانە تەلەباعدارلامالار قاتىسقان.

«التىنەمەل»

التىنەمەل ۇلتتىق تابيعي ساياباعىنىڭ ەرەكشەلىگى نەدە؟ قۇرىلعالى بەرى 20 جىلدىڭ ىشىندە نە وزگەردى؟ تۋريستەر بۇل ايماققا نەنى كورۋ ٴۇشىن بارۋى ٴتيىس؟ تابيعاتى باي التىنەمەل ساياباعىن زاماناۋي تەحنيكانىڭ كومەگىمەن تۇسىرىلگەن ادەمى ٴفيلمدى تاماشالاي الاسىز.
التىنەمەل - جەتىسۋ الاتاۋىنىڭ وڭتۇستىك سىلەمدەرىنىڭ اراسىندا ورنالاسقان ۇلتتىق تابيعي ساياباق. جەر كولەمى – 520 مىڭ گەكتار. ساياباق اۋماعىندا تۋريستەردى قاتتى قىزىقتىراتىن بىرەگەي تابيعي قۇرىلىمدار جانە بايىرعى تاريح ەسكەرتكىشتەرى ورنالاسقان. شاتقالدارىندا ەجەلگى ادامداردىڭ تاسقا قاشاپ سالعان سۋرەتتەرىن كورۋگە بولادى. قاپشاعاي مەملەكەتتىك اڭشىلىق شارۋاشىلىعى نەگىزىندە 1996 جىلى قۇرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي