BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا iv تۇرىك فيلمدەرى اپتالىعى وتەدى

فوتو: интернеттен

استانا، baq.kz. تۇركيا رەسپۋبليكاسى مادەنيەت جانە تۋريزم مينيسترلىگىنىڭ جانە تۇركيا رەسپۋبليكاسىنىڭ الماتىداعى باس كونسۋلدىعىنىڭ قولداۋىمەن، ۇلتتىق وي-پىكىر قاۋىمداستىعى تاراپىنان ۇيىمداستىرىلاتىن «ٴ4-شى تۇرىك فيلمدەرى اپتالىعى - الماتى» ٴىس-شاراسى 2018 جىلدىڭ 29 قازانى مەن 2 قاراشاسى ارالىعىندا الماتى قالاسىندا وتەدى.

بيىلعى جىلى وتەتىن «ٴ4-شى تۇرىك فيلمدەرى اپتالىعى - الماتى» فەستيۆالى 2018 جىلى 30 قازاندا مۇرات شەكەردىڭ «ٴبىزدىڭ مەرەكە» ("görevimiz tatil") فيلمىمەن اشىلادى. كوپتەگەن فيلمدەر مەن سەريالداردىڭ ويىنشىلارى جانە رەجيسسەرلەردىڭ قاتىسۋىمەن وتەتىن فيلم اپتاسىنا، تۇركيادان پرەزيدەنت باس كەڭەسشىسى جانە ۇلتتىق وي-پىكىر قاۋىمداستىعىنىڭ قۇرمەتتى ٴتوراعاسى يالچىن توپچۋ، اق پارتيا دەپۋتاتى جانە ۇلتتىق وي-پىكىر قاۋىمداستىعىنىڭ ٴتوراعاسى مەتين گيۋندوگدۋ، پرەزيدەنت اپپاراتىنىڭ مامانى فاتيح توپاكتاش، سونداي-اق «ەرتۋگرۋل. قايتا ٴتىرىلۋ» سەرياسىنىڭ اكتيورلارى سەزگين ەردەمير، ديدەم بالچىن; «ٴبىزدىڭ مەرەكە» ("görevimiz tatil") ٴفيلمنىڭ رەجيسسەرى مۇرات شەكەر، بەشيكتاش مادەني ورتالىعىنىڭ (bkm) فيلم ۇيلەستىرۋشىسى فىرات سەزگين; كينەماتوگرافيستەردىڭ كاسىبي قاۋىمداستىعى (fiyap) باس حاتشىسى احمەت ەدەبالي جانە تۇرىك فيلمدەرى اپتالىعىنىڭ باس ۇيلەستىرۋشىسى ونەر كىلىچ قاتىسادى.

ٴبىر اپتاعا سوزىلاتىن ٴىس-شارادا; «ٴبىزدىڭ مەرەكە» ("görevimiz tatil")، «اشتى، ٴتاتتى، قىشقىل» (acı tatlı ekşi)، «تۇمار جانە ماحاببات قۇپياسى» (muska ve aşkın sırrı)، «سومۋندجۋ بابا» (somuncu baba) فيلمدەرى «ارمان كينوتەاترىندا» تەگىن كورسەتىلەتىن بولادى. سونداي-اق، وسى اپتادا فيلم كورسەتىلىمدەرىنەن كەيىن ارتىستەر مەن كورەرمەندەر اراسىندا كەزدەسۋلەر وتكىزىلەدى. تۇركيادان كەلگەن رەجيسسەرلەر، اكتەرلەر جانە پروديۋسسەرلەر مەن قازاق كينو ارتىستەرى اراسىندا كەزدەسۋ ٴوتىپ، ورتاق وندىرىستەر تۋرالى ەكىجاقتى كەلىسسوزدەر مەن تالقىلاۋلار وتەتىن بولادى. سونىمەن قاتار، ت.ق. جۇرگەنوۆ اتىنداعى ۇلتتىق ونەر اكادەمياسىندا ارتىستەر-ستۋدەنتتەر كەزدەسۋلەرى مەن سۇحباتتارى وتەتىن بولادى.

«ٴ4-شى تۇرىك فيلمدەرى اپتالىعى - الماتى» ٴىس-شاراسىنا zugo textile، altınyıldız classics، atiker auto gas systems، alatau construction services، تەم-تۋر جانە الماتى قوناق ٴۇيى قولداۋ كورسەتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي