الماتىدا «ەلباسى جولى» كينوەپوپەياسى تەگىن كورسەتىلەدى

«ەلباسى جولى» كينوەپوپەياسىنىڭ قايىرىمدىلىق كورسەتىلىمى وتەدى، دەپ حابارلايدى baq.kz.

جەلتوقساننىڭ ٴ1-ى مەن ٴ4-ى ارالىعىندا ش.ايمانوۆ اتىنداعى «قازاقفيلم» اق «الاتاۋ» ٴداستۇرلى ونەر تەاترى مەن الماتى قالاسىنىڭ مادەنيەت جانە مۇراعات باسقارماسىمەن بىرلەسە وتىرىپ، قازاقستان رەسپۋبليكاسىنىڭ تۇڭعىش پرەزيدەنتى كۇنىنە وراي «ەلباسى جولى» كينوەپوپەياسىنىڭ قايىرىمدىلىق كورسەتىلىمىن وتكىزەدى.

كورەرمەن نازارىنا ش.ايمانوۆ اتىنداعى «قازاقفيلم» اق جارىققا شىعارعان تۋىندىلاردى، ونىڭ ىشىندە: «بالالىق شاعىمنىڭ اسپانى»، «وت–وزەن»، «تەمىرتاۋ»، «تىعىرىقتان جول تاپقان» (رەج. رۇستەم ابدىراشەۆ)، سونىمەن قاتار بيىل عانا تۇساۋى كەسىلگەن «جۇلدىزدار توعىسقاندا» فيلمدەرى كورسەتىلەدى.

ەستەرىڭىزگە سالا كەتسەك، بەس بولىمنەن تۇراتىن «ەلباسى جولى» كينوەپوپەياسى قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ٴابىش ۇلى نازاربايەۆتىڭومىربايانىن باياندايدى.

«قازاقفيلم» ٴباسپاسوز قىزمەتىنىڭ مالىمەتىنشە، فيلمدەر قازاق جانە ورىس تىلىندە «الاتاۋ» ٴداستۇرلى ونەر تەاترىندا (ب.مومىش ۇلى كوشەسى، رىسقۇلوۆا داڭع. قيىلىسىندا) كورسەتىلەدى. كىرۋ تەگىن.

كورسەتىلىمدەر كەستەسى:

1 جەلتوقسان:
13:00 – «بالالىق شاعىمنىڭ اسپانى» كوركەم ٴفيلمى

2 جەلتوقسان:
13:00 – «وت–وزەن» جانە «تەمىرتاۋ» كوركەم فيلمدەرى

3 جەلتوقسان:
13:00 – «تىعىرىقتان جول تاپقان» كوركەم ٴفيلمى

4 جەلتوقسان:
13:00 – «جۇلدىزدار توعىسقاندا» كوركەم ٴفيلمى

تەگي
• الماتى
• كينو
• قازاقفيلم
• رۇستەم ابدىراشەۆ

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!