BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا «ەلباسى جولى. استانا» ٴ فيلمىنىڭ تۇساۋكەسەرى ٴوتتى

استانا، baq.kz. الماتى قالاسىندا «الاتاۋ» كينوكونسەرت زالىندا «ەلباسى جولى. استانا» كوركەم ٴفيلمىنىڭ تۇساۋكەسەرى ٴوتتى. ٴفيلمدى قر مادەنيەت جانە سپورت مينيسترلىگىنىڭ تاپسىرىسى بويىنشا «ساتايفيلم» كينوكومپانياسىنىڭ قاتىسۋىمەن ش. ايمانوۆ اتىنداعى «قازاقفيلم» كينوستۋدياسى ٴتۇسىردى.

كوركەم كينوتۋىندىنىڭ رەجيسسەرى – اقان ساتايەۆ.

"وسىنداي ٴىرى جوبادا جۇمىس ىستەۋ مەن ٴۇشىن جانە مەنىڭ كوماندام ٴۇشىن ۇلكەن قۇرمەت. ٴبىزدىڭ فيلم بارلىق كورەرمەندەرگە ارنالعان، ويتكەنى بۇل فيلمدە بارىمىزگە ورتاق – ەلىمىزدىڭ تاريحى باياندالادى. ۇلكەن اعا-اپكەلەرىمىزدەن باستاپ، ٴىنى-قارىنداستارىمىزعا دەيىن بۇل تۋىندى قىزىقتى بولاتىنىنا سەنىمدىمىن. ٴفيلمدى قىزىقتى ٴارى شىنايى ەتىپ جاساۋعا تىرىستىق. كارتينا تاريحي فاكتىلەرگە نەگىزدەلگەن، سوندىقتان دا فيلمدەگى بارلىق كەيىپكەرلەر دە شىنايى ومىردەگى ادامدار، بولعان وقيعالاردىڭ كۋاگەرلەرى"، – دەدى رەجيسسەر اقان ساتايەۆ.

ايتا كەتسەك، «ەلباسى جولى. استانا» – «ەلباسى جولى» كينوەپوپەياسىنىڭ التىنشى ٴبولىمى. ونىڭ الدىندا تۇسىرىلگەن «بالالىق شاعىمنىڭ اسپانى»، «وت–وزەن»، «تەمىرتاۋ»، «تىعىرىقتان جول تاپقان»، «جۇلدىزدار توعىسقاندا» فيلمدەرى كورەرمەننىڭ ىستىق ٴىقىلاس-ىلتيپاتىنا بولەنگەنى تۋرالى ايتا كەتكەن ٴجون.

«ەلباسى جولى. استانا» فيلمىنە ەلوردامىز – استانانىڭ سالىنۋ تاريحى ارقاۋ بولعان. وقيعا 1994 جىلدىڭ شىلدە ايىنان باستاۋ الادى. كەڭەس وداعى قۇلاعاننان كەيىن قازاقستاننىڭ تاۋەلسىز دارا جولى باستالادى. ەكونوميكالىق داعدارىس پەن ساياسي تۇراقسىزدىققا تاپ بولعان سول ٴبىر قيىن-قىستاۋ كەزەڭدەردە، مەملەكەت باسشىسى استانانى الماتىدان اقمولاعا كوشىرۋدى ۇسىنادى. بۇل ۇسىنىس بارشا حالىق ٴۇشىن كۇتپەگەن وقيعا بولدى، مۇنداي شەشىمنىڭ ىسكە اساتىنىنا جانە ونىڭ جەمىستى بولاتىنىنا ەشكىم سەنبەدى. ٴبىراق قاۋىپ-قاتەر مەن قاراما-قايشىلىقتارعا قاراماستان، كوپشىلىكتىڭ كۇدىكتەرىنە، كۇمانشىلدەردىڭ سىنى مەن قارجىلىق قيىندىقتارعا توتەپ بەرە وتىرىپ، پرەزيدەنتتىڭ باسشىلىعىمەن ەلىمىز مەجەلەنگەن ماقساتتى ىسكە اسىردى. 1998 جىلدىڭ 10 ماۋسىمىندا جاڭا استانا – استانا قالاسىنىڭ حالىقارالىق تۇساۋكەسەرى وتكىزىلدى.

ٴفيلمنىڭ سسەناريىن ادىلبەك جاقسىبەكوۆ جانە تيمۋر جاقسىلىقوۆ بىرلەسىپ جازعان. كوركەم تۋىندىنىڭ ٴتۇسىرۋ جۇمىستارى بىلتىر جەلتوقسان ايىندا قولعا الىندى. كارتينانىڭ نەگىزگى تۇسىرىلىمدەرى استانادا جۇرگىزىلدى. مىسالى، نەگىزگى تۇسىرىلىمدەر ەلوردامىزدى الماتىدان استاناعا اۋىستىرعاننان كەيىنگى پرەزيدەنت ن. ٴا. نازاربايەۆ 1997–2004 جىلدارى ارالىعىندا جەتى جىل بويى جۇمىس ىستەگەن العاشقى رەزيدەنسياسى – ەلباسى كىتاپحاناسىنىڭ مۋزەيى عيماراتىندا جۇرگىزىلدى. مۇندا جوعارى دەڭگەيدەگى كەزدەسۋلەر مەن كەلىسسوزدەر وتكىزىلىپ، ەلىمىزدىڭ تاعدىرىنا قاتىستى شەشىمدەر قابىلداندى. العاشقى كەيپىندە ساقتالعان مەملەكەت باسشىسىنىڭ كابينەتى، قابىلداۋ جانە وتىرىس زالدارى سول جىلدارداعى جۇمىس كۇندەردىڭ اتموسفەراسىن بىردەن بەرە الدى.

فيلمگە تۇسكەن اكتەرلەر تۋرالى دا ايتا كەتكەن ٴجون. ن.ٴا. نازاربايەۆتىڭ ٴرولىن تەاتر جانە كينو اكتەرى مۇرات احمانوۆ سومدادى. سونداي-اق فيلمگە ەركەبۇلان دايىروۆ، جان بايجانبايەۆ جانە باسقا دا تانىمال كينو جۇلدىزدارى ٴتۇستى. ايتا كەتسەك، وسى جوباعا بريتاندىق گريم بويىنشا سۋرەتشى، «وسكار» جۇلدەسىنىڭ يەگەرى مارك كولەر ارنايى شاقىرىلدى. ول مارگارەت تەتچەر جانە ۋينستون چەرچيلدىڭ وبرازدارىن جاساعان.

ٴفيلمنىڭ تۇسىرىلىمدەرىنە پرەزيدەنتتىڭ كەڭسە قىزمەتكەرلەرى، پروتوكول قىزمەتى مەن مەملەكەت باسشىسى كۇزەت قىزمەتكەرلەرى كەڭەسشى بولىپ ارنايى تارتىلدى.

جانرى: دراما
ٴوندىرىسى: شاكەن ايمانوۆ اتىنداعى «قازاقفيلم» اق

قر مادەنيەت جانە اقپارات مينيسترلىگىنى تاپسىرىسى بويىنشا

سسەناريي اۆتورلارى: ادىلبەك جاقسىبەكوۆ، تيمۋر جاقسىلىقوۆ
قويۋشى رەجيسسەر: اقان ساتايەۆ
قويۋشى وپەراتور: حاسانبەك قىدىراليەۆ
قويۋشى سۋرەتشى: نازيرا بايبەكوۆا

كومپوزيتورلار: ٴالىم زايىروۆ، رومان ۆيشنەۆسكيي

پروديۋسەرى: اقان ساتايەۆ
اتقارۋشى پروديۋسەر: ٴاليا مەڭدىعوجينا

اكتەرلەر: مۇرات احمانوۆ، ەركەبۇلان دايىروۆ، جان بايجانبايەۆ، ولەگ ني، ازات سەيىتمەتوۆ، اسقار ٴىلياسوۆ، گۇلنار جاقىپوۆا جانە باسقالارى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي