استانا: 
1988 
0
شاكەن ايمانوۆ اتىنداعى «قازاقفيلم» كينوستۋدياسىندا ورنالاسقان «قازاق حاندىعى» كوپ سەريالى تاريحي تۋىندىسىنىڭ تۇسىرىلىمدەرى ٴۇشىن ارنايى تۇرعىزىلعان «سىعاناق قالاسى» دەكوراسياسىندا رەجيسسەر رۇستەم ٴابدىراشتىڭ «الماس قىلىش» ٴفيلمى dvd ديسكىسىنىڭ تۇساۋكەسەرى ٴوتتى، دەپ حابارلايدى baq.kz «ٴقازاقفيلمنىڭ» ٴباسپاسوز قىزمەتىنە سىلتەمە جاساپ.
dvd ديسكىنىڭ تۇساۋكەسەر راسىمىنە ٴفيلمنىڭ رەجيسسەرى، قر ەڭبەك سىڭىرگەن قايراتكەرى رۇستەم ٴابدىراش، كارتينانىڭ باس پروديۋسەرى ارمان اسەنوۆ، «قازاقفيلم» كينوستۋدياسى مەن «مەلومان» كومپانياسىنىڭ وكىلدەرى، سونداي-اق ٴتۇسىرىلىم توبى قاتىستى.
- «الماس قىلىش» ٴفيلمىن كورە الماي قالعان جانە بۇل ٴفيلمدى قايتا كورگىسى كەلەتىن كورەرمەندەردىڭ كوپتەگەن سۇرانىستارى بويىنشا، ٴبىز «مەلومان» كومپانياسىمەن بىرلەسە وتىرىپ وسى ٴفيلمنىڭ dvd ديسكىن شىعارىپ وتىرمىز. ديسكىدەن ٴفيلمدى قازاق جانە ورىس تىلدەرىندە، سونىمەن قاتار اعىلشىن تىلىندەگى سۋبتيترلار ارقىلى كورۋگە بولادى، - دەدى رەجيسسەر رۇستەم ٴابدىراش.
تاريحي كينوتۋىندىنىڭ dvd نۇسقاسىن ەلىمىزدىڭ اۋماعىندا «مەلومان» دۇكەندەر جەلىسى ارقىلى ساتىپ الۋعا بولادى. باعاسى – 1295 تگ. سونداي-اق، استانا قالاسىندا وتكىزىلەتىن «ەۋرازيا» كينوفەستيۆالى شەڭبەرىندە دە بۇل ديسكتەر ساتىلادى.
«مەلومان» كومپانياسىنىڭ ۇلتتىق جوبالار دەپارتامەنتىنىڭ ديرەكتورى نيزامي مامەدوۆ قازاقتىڭ تاريحىنان سىر شەرتەتىن ٴىرى تاريحي كينوجوبانىڭ dvd ديسكىسى expo-2017 حالىقارالىق كورمەسى جانە حالىقارالىق «ەۋرازيا» كينوفەستيۆالى قوناقتارى ٴۇشىن جاقسى سىيلىق بولاتىنىن ايتتى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5284
0