استانا: 
بۇگىن قازاقستاندىق كينوتەاترلاردا جازۋشى ٴىلياس ەسەنبەرليننىڭ «كوشپەندىلەر» تريلوگياسى بويىنشا تۇسىرىلگەن «قازاق ەلى» جوباسىنىڭ العاشقى ٴبولىمى - «الماس قىلىش» ٴفيلمى كورسەتىلە باستادى، دەپ حابارلايدى قازاقپارات ٴتىلشىسى.
فيلم سسەنارييىن جازعان – سماعۇل ەلۋباي. وندا ٴىلياس ەسەنبەرليننىڭ «الماس قىلىش» رومانى نەگىزگە الىندى.
رەجيسسەر رۇستەم ابدىراشەۆتىڭ ايتۋىنشا، «الماس قىلىشتى» تۇسىرۋگە ەكى جىل ۋاقىت كەتكەن. ٴفيلمدى ٴتۇسىرۋ جۇمىستارىنا مىڭداعان ادام تارتىلعان. ٴفيلمنىڭ ٴتۇپنۇسقاسى تولىعىمەن قازاق تىلىندە، اراسىندا جوڭعار تىلىندە جانە سولتۇستىك موڭعول ديالەكتىسى بار. پروكاتقا ورىس ٴتىلدى نۇسقاسى دا ازىرلەندى.
«بىزدە ماتەريالدىڭ ۇلكەن قورى جيناقتالدى. سوندىقتان ٴفيلمنىڭ جالعاسى مىندەتتى تۇردە بولادى»، - دەيدى ر.ابدىراشەۆ.
تاريحي جوبانىڭ اۆتورى – قر پرەزيدەنتى ن. نازاربايەۆ. فيلم قر مادەنيەت جانە سپورت مينيسترلىگىنىڭ تاپسىرىسى بويىنشا ش.ايمانوۆ اتىنداعى «قازاقفيلم» اق «centaurus rustem abdrashev production» ٴجشس-نىڭ قاتىسۋىمەن تۇسىرىلگەن.
ايتا كەتەيىك، بۇعان دەيىن «الماس قىلىش» ٴفيلمىنىڭ تۇساۋكەسەر كورسەتىلىمى استانا مەن الماتى قالالارىندا وتكەن. وعان قاتىسقانداردىڭ بارلىعى جاڭا كينوتۋىندىعا جوعارى باعا بەرگەن. پرەزيدەنت نۇرسۇلتان نازاربايەۆ تا اتالعان ٴفيلمدى «قازاق حالقىنىڭ ۇلتتىق سانا-سەزىمىن كوتەرەتىن تۋىندى» دەپ باعالادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
4923 
0
5283
0