استانا: 
كانن كينوفەستيۆالىندە «ۇزدىك ايەل ٴرولى» نوميناسياسىنىڭ جەڭىمپازى اتانعان قازاقستاندىق اكتريسا سامال ەسلياموۆا تۇسكەن «ايكا» ٴفيلمىنىڭ رەجيسسەرى سەرگەي دۆورسەۆويمەن بۇگىن وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ كەزدەستى، دەپ حابارلايدى baq.kz اقپارات اگەنتتىگى.
ەلىمىزدىڭ كينەماتوگرافيا سالاسىن دامىتۋعا ۇلەسىن قوسىپ جۇرگەن جانە ونىڭ الەمدىك دەڭگەيدە تانىمال بولۋىنا قوسقان ۇلەسى ٴۇشىن كينورەجيسسەر سەرگەي دۆورسەۆويعا ٴوڭىر باسشىسى جەرلەستەرىنىڭ اتىنان شىنايى العىسىن جەتكىزىپ، «وبلىسقا سىڭىرگەن ەڭبەگى ٴۇشىن» مەدالىمەن ماراپاتتادى. سونىمەن قوسا قازاقستان مەن رەسەي اراسىنداعى مادەني بايلانىستاردى نىعايتۋ جولىنداعى ەڭبەگىنە ساتتىلىك تىلەدى.
«ٴسىز تۇسىرگەن «ايكا» ٴفيلمى ٴ71-شى كانن كينوفەستيۆالىندە əلەمدىك دەڭگەيدەگى ەڭ ۇزدىك 20 كارتينانىڭ قۇرامىندا قازىلار القاسىنىڭ، كينو سىنشىلار مەن ەۋروپانىڭ تالعامپاز كورەرمەنىنىڭ جوعارى باعاسىنا يە بولدى. ٴسىزدىڭ كəسىبي شەبەرلىگىڭىزدىڭ جəنە رەجيسسەرلىك دەڭگەيىڭىزدىڭ جوعارى بولۋىنىڭ ارقاسىندا قازاقستاندىق سامال ەسلياموۆا ۇزدىك əيەل ٴرولى ٴۇشىن جوعارى ماراپاتقا يە بولدى. مۇنداي جاعداي، پوستكەڭەستىك ەلدەر اراسىنان شىققان ٴəرتىستىڭ وسىنداي ماراپاتقا يە بولۋى كانن فەستيۆالى تاريحىندا بۇرىن سوڭدى بولماعانىن ەسكەرسەك بۇل ۇلكەن وقيعا!» - دەدى جانسەيىت تۇيمەبايەۆ.
ٴوز كەزىندە كينورەجيسسەر سەرگەي دۆورسەۆوي كورسەتىلىپ جاتقان قۇرمەت پەن قوشەمەت ٴۇشىن العىسىن ٴبىلدىرىپ، الداعى ۋاقىتتا قازاقستاننىڭ كينەماتوگرافيا سالاسىنىڭ دامۋى جولىندا ايانباي ەڭبەك ەتەتىنىن سەنىمىن جەتكىزدى. سونىمەن قاتار، وڭتۇستىك وڭىرىندە كينويندۋستريانى دامىتۋعا ەرەكشە كوڭىل ٴبولىنىپ، جان-جاقتى قولداۋ كورسەتىلىپ جاتقانىنان حابارى بار ەكەنىن ايتىپ ٴوتتى.
وسى رەتتە ايماق باسشىسى وبلىستا بۇگىندە ونعا جۋىق كينوستۋديانىڭ بار ەكەنىن ايتىپ، سولاردىڭ ٴبىرى حالىقارالىق فەستيۆالداردىڭ جەڭىمپازى، جاس ۇرپاقتى تاربيەلەۋگە ارنالعان قازاق تىلىندەگى 50-گە جۋىق انيماسيالىق فيلم تۇسىرگەن «ساق» كينوستۋدياسى ەكەنىن ايتتى.
«ەلباسىنىڭ «بولاشاققا باعدار: رۋحاني جاڭعىرۋ» ماقالاسى اياسىندا تاريحي-مادەني مۇرالاردى ناسيحاتتاپ، جاستارعا پاتريوتتىق تاربيە بەرۋ ماقساتىندا 2017 جىلى «وڭتۇستىكفيلم» مەن «ساق» كينوستۋدياسى بىرلەسىپ «كونە جەتىگەننىڭ سىرى» اتتى 10 سەريالى تەلەحيكايا، «كيەلى قازىعۇرت»، «وتىراردى قورعاۋ»، «كۇش اتاسى – قاجىمۇقان» اتتى انيماسيالىق جانە « ۇلى جىبەك جولىنداعى ەسكەرتكىشتەر» دەرەكتى فيلم ٴتۇسىرىلدى.ال وسى جىلدىڭ سوڭىنا دەيىن «تولە بي» كوپسەريالدى ٴفيلمى مەن «ورداباسى – بىرلىكتىڭ تۋى»، «كونە تۇركىستان»، «وقسىز وقيعاسى» اتتى انيماسيالىق فيلمدەر تۇسىرلەدى»،- دەدى وبلىس اكىمى.
ايتا كەتەيىك، سەرگەي دۆورسەۆوي 1962 جىلى شىمكەنت قالاسىندا دۇنيەگە كەلگەن. ن.ميحالكوۆتىڭ «نيكا» سىيلىعىنىڭ لاۋرەاتى. الەمدىك دەڭگەيدەگى مامانداردى مويىنداتقان كينونى تۇسىرگەن ول بۇعان دەيىن، «تراسسا»، «ۆ تەمنوتە» دەرەكتى فيلمدەر مەن قىسقا مەتراجدى «سچاستە»، «حلەبنىي دەن» كينو تۋىندىلارىن ٴتۇسىرىپ كوپتەگەن حالىقارالىق فەستيۆالدار مەن بايقاۋلاردىڭ قاتىسۋشىسى اتانعان. ال 2008 جىلى «تيۋلپان» ٴفيلمى كانن كينوفەستيۆالىندە «ەرەكشە كوزقاراس» اتالىمى بويىنشا ماراپاتتالعان.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2095 
0
5283
0