1530 
0
بۇگىن الماتى قالاسىندا وتكەن «مادەنيەت بويىنشا زاڭنامالارعا وزگەرىستەر ەنگىزۋ تۋرالى» جيىندا قازىرگى تەاترلاردىڭ جاعدايى تالقىعا سالىندى. وندا ەلىمىزدەگى كەيبىر تەاترلار مەن كىتاپحانالاردىڭ مەملەكەت رۇقساتىنسىز جابىلىپ جاتقانى تالقىلاندى.
استانا: 
بۇگىن الماتى قالاسىندا وتكەن «مادەنيەت بويىنشا زاڭنامالارعا وزگەرىستەر ەنگىزۋ تۋرالى» جيىندا قازىرگى تەاترلاردىڭ جاعدايى تالقىعا سالىندى. وندا ەلىمىزدەگى كەيبىر تەاترلار مەن كىتاپحانالاردىڭ مەملەكەت رۇقساتىنسىز جابىلىپ جاتقانى تالقىلاندى.
سونداي-اق، بۇدان كەيىن تەاتر ورىندارى اشىلسا نەمەسە جابىلۋى ٴتيىس بولسا مادەنيەت مينيسترلىگىنەن رۇقسات السا دەگەن ۇسىنىس ايتىلدى. سونىمەن قوسا، باق وكىلدەرى مەن حالىقتىڭ سۇراۋى بويىنشا، كينوداعى بەيادەپ سوزدەرگە تىيىم سالۋ تۋرالى زاڭ دا تالقىعا سالىندى. وسى ورايدا قر ەڭبەك سىڭىرگەن تەاتر ٴارتىسى ٴاسانالى اشىموۆكە ٴسوز كەزەگى بەرىلىپ، ابىز ٴارتىسىمىز بىلاي دەپ ٴازىل-شىنى ارالاس پىكىر ٴبىلدىردى:
«ولجاس ەكەۋمىز سەكسەن جىل بويى زاڭسىز جۇمىس ىستەپ كەلە جاتىر ەكەنبىز. سوندا دا ونەر ٴۇشىن ەڭبەك ەتىپ، شىعارماشىلىقپەن اينالىستىق. ال ٴقازىر زاڭ باسقا، بىزگە ناقتى زاڭ كەرەك. كەي جاعدايدا عانا وزگەرىستەر ەنگىزبەسەك. ال كينودان سەنزۋرالى سوزدەردى الۋ دەگەن زاڭ بار ەكەن. ونداعى ەموسيانى بىلدىرەتىن كينو ٴتىلىن قىسقارتۋ، بۇركىتتىڭ تىرناعىن الۋمەن بىردەي. جاڭا فيلولوگتار تاراپىنان ايتىلعان ەر ادامنىڭ، ايەل ادامنىڭ جىنىس مۇشەسىنە قاتىستى سوزدەردى الىپ تاستاۋ كەرەك دەگەن پىكىرگە قولداۋ بىلدىرەمىن. قازىرگى جاستار ومىردەگى توسەك پەن ونەردەگى شىعارماشىلىقتى شاتاستىرىپ الىپ جاتادى، ەكران الدىندا بەس مينۋت بويى ٴسۇيىستىرىپ قويۋدى دوعارۋ كەرەك. ونداي كينولاردى ايەلىڭمەن كورەرسىڭ جارايدى، ال بالا-شاعامەن قالاي قارايمىز؟! سوندىقتان وسى جاعىن زاڭداستىرعان دۇرىس بولار».
جوعارىدا ايتىلعان ۇسىنىستارعا قارسى شىعۋشىلار بولمادى، ەندى بۇل زاڭدار ۇكىمەتتە تالقىعا سالىنىپ، بيلىك ٴبىر شەشىم شىعاراتىن بولىپ تاراستى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5283
0