استانا: 
1725 
0
بۇگىن ەلورداداعى ۇلتتىق اكادەميالىق كىتاپحاناسىندا قر مادەنيەت جانە سپورت مينسيترلىگى قازاق عىلىمي-زەرتتەۋ مادەنيەت ينستيتۋتىنىڭ ۇيىمداستىرۋىمەن "قازاقستان رەسپۋبليكاسىندا كينەماتوگرافيانى 2050 جىلعا دەيىن دامىتۋدىڭ تۇجىرىمداماسىنىڭ جوباسىن تالقىلاۋ" تاقىرىبىندا دوڭگەلەك ۇستەل ٴوتتى - دەپ حابارلايدى baq.kz ٴتىلشىسى.
جيىنعا قر مادەنيەت جانە سپورت ٴمينسيترى ارىستانبەك مۇحامەدي ۇلى، الاشتانۋشى عالىم تۇرسىن جۇرتباي، رەجيسسەر، سسەناريست تيمۋر بەكمامبەتوۆ، كينوتانۋشى باۋىرجان نوگەربەك جانە وزگە دە كينەماتوگرافشىلار، مادەنيەت، ونەر، مەملەكەتتىك جانە ۇكىمەتتىك ەمەس ۇيىم وكىلدەرى، عىلىم جانە ونەر سالاسىنداعى زيالى قاۋىمدار مەن جۋرناليستەر قاتىستى.
اتالمىش دوڭگەلەك ۇستەلدى وتكىزۋ - وتاندىق كينووندىرىستىڭ دامۋ جولدارىنىڭ ۇزدىك باعىتتارىن قۇرۋعا ارنالعان. ٴىس-شارا بارىسىندا قازاقستان رەسپۋبليكاسىنىڭ كينەماتوگرافياسىن 2050 جىلعا دەيىن دامىتۋ تۇجىرىمداماسىنىڭ جوباسىن جەتە ٴارى تولىق تالقىلاۋ، كينو ٴتۇسىرىلىمنىڭ كولەمىن ارتتىرۋعا قارايلاسۋ ماسەلەلەرى، كينو ونەرىنىڭ دامۋىن قولداۋ جانە جوعارى ساپالى كينوتۋىندىلاردى ٴتۇسىرۋ، كينوتەاترلار جەلىلەرىن كوبەيتۋ جانە جەتىلدىرۋ، كينو سالاسىنىڭ ەكونوميكاسىنىڭ ٴوسۋى جانە قازاقستاندىق كينو ونىمدەردىڭ ينۆەستيسيالىق تارتىمدىلىعىن ارتتىرۋ.
تيمۋر بەكمامبەتوۆ، كينورەجيسسەر، سسەناريست:
- ٴقازىر زامان مۇلدە باسقا. قازاقتىڭ وتاندىق كينو ونەرىن دامىتۋدىڭ جولدارى كوپ. سونىڭ ٴبىرى كينوتەاترلارداعى بيلەت باعاسىن ارزانداتۋ. ويىتكەنى، دامىعان ەلدەردىڭ تۇسىرگەن كينولارىمەن بىزدىكى باسەكەلەسە المايدى. مىسالى، ٴبىزدىڭ وتاندىق كينو پايىزى ٴوز ەلىمىزدە 6،7 پايىزدى عانا قۇرايدى. بۇل كورسەتكىش قىتاي ەلىندە 99 پايىزعا دەيىن جەتەدى. سوندا ٴوزىڭىز سالىستىرىپ ويلاي بەرىڭىز...
سونىمەن قاتار، دوڭگەلەك ۇستەلگە قاتىسۋشىلار كينو سالاسىنداعى ٴبىلىم بەرۋدىڭ جانە زەرتتەۋلىك قىزمەت ساپاسىن ارتتىرۋ ماسەلەلەرىن، قازاقستاندىق كينويندۋستريانىڭ الەمدىك كينو ۇردىسىنە قوسىلۋ جولدارىن تالقىعا سالدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5283
0