BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جامبىل وبلىسىندا دۇنعان مادەنيەتىنىڭ كۇندەرى ٴوتتى

استانا. 23 شىلدە. baq.kz – قورداي اۋدانىنداعى دۇنعان مادەنيەتى كۇندەرىندە قازاقستان حالقى اسسامبلەياسىنىڭ 20 جىلدىعى جانە جامبىل وبلىسىندا «ۆىنحۋا» دۇنعان مادەني ورتالىعى قۇرىلعاندىعىنىڭ 20 جىلدىعى اتالىپ ٴوتتى.

مەرەكەلىك شارا بارىسىندا سوعىس جانە ەڭبەك ارداگەرلەرى، عىلىم جانە مادەنيەت قايراتكەرلەرى، جاستار، جامبىل وبلىسىنداعى ەتنوبىرلەستىكتەر وكىلدەرى مەن قىرعىزستاننان كەلگەن قوناقتار بار. ولار سونداي-اق، مەرەكەلىك شارادان سوڭ ماسانچي اۋىلىنداعى مۋزەيدى تاماشالادى.

سورتوبە ەلدى مەكەنىنىڭ مادەنيەت سارايىندا «20 جىل بەيبىتشىلىك پەن كەلىسىم» تاقىرىبىندا «دوڭگەلەك ۇستەل» وتىرىسى ۇيىمداستىرىلدى. بۇدان باسقا قولدانبالى ونەر بايقاۋى ٴوتىپ، وندا ەجەلگى دۇنعان مادەنيەتىنىڭ داستۇرلەرى كورسەتىلدى.

«قازاقستانداعى 56 مىڭ دۇنعاننىڭ 30 مىڭنان استامى جامبىل وبلىسىندا ٴومىر ٴسۇرىپ كەلەدى، ونىڭ 70 پايىزى قورداي اۋدانىندا»،- دەدى جامبىل وبلىسىنداعى «ۆىنحۋا» دۇنعان مادەني ورتالىعى قاۋىمداستىعىنىڭ باسشىسى رۋسلان يسمازوۆ.

بۇگىنگى دۇنعان حالقى - تاۋەلسىز قازاقستاننىڭ ٴوزارا ٴتاتۋ-تاتتى تىرشىلىك كەشىپ جاتقان حالىقتارىنىڭ ٴبىرى جانە رەسپۋبليكا ەكونوميكاسىنىڭ دامۋىنا ەلەۋلى ۇلەس قوسىپ وتىرعان ۇلتتاردىڭ ٴبىرى.

ايتا كەتەيىك، بيىل ەلىمىزدە قازاقستان حالقى اسسامبلەياسىنىڭ 20 جىلدىعى اتالىپ ٴوتىپ جاتىر. ايتۋلى مەرەيتوي اياسىندا رەسپۋبليكانىڭ بارلىق ايماعىندا ٴتۇرلى مەرەكەلىك شارالار مەن قايىرىمدىلىق اكسيالارى ۇيىمداستىرىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي