BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلتتىق تاعام گيننەسس رەكورتتار كىتابىنا ەندى

 استانا. 6 شىلدە. baq.kz - استانا قالاسىندا «عاشىقتار ساياباعىندا» قازاقستان حالقى اسسامبلەياسى مەن قازاق گەوگرافيا قوعامىنىڭ ۇيىمداستىرۋىمەن ەلوردا كۇنىنە ارنالعان «تايقازان» اكسياسى ٴوتتى.

 الەمدەگى ەڭ كوپ مولشەردەگى ۇلتتىق تاعامدى ازىرلەۋگە ارنالعان «تايقازان» اكسياسى «قحا-20 يگى ٴىس» ەستافەتاسىنىڭ جالعاسى بولىپ تابىلادى. «تايقازان» - حالقىمىزدىڭ بىرلەسۋى مەن قوناقجايلىلىعىنىڭ سيمۆولى، قازاقستان حالقىنىڭ ٴوزارا تاتۋلىقتا، بارشىلىق پەن توقشىلىقتا مامىراجاي تىرلىك ەتىپ جاتقانىن سيپاتتايدى.

اكسياعا قحا ٴتوراعاسىنىڭ ورىنباسارى–حاتشىلىق مەڭگەرۋشىسى ەرالى توعجانوۆ، قر پارلامەنتى ٴماجىلىسىنىڭ دەپۋتاتتارى، قوعام قايراتكەرلەرى، قحا مۇشەلەرى، «قازاق گەوگرافيالىق قوعامى» قوعامدىق بىرلەستىگىنىڭ پرەزيديۋم مۇشەلەرى، قر باس اسپازدار قاۋىمداستىعى مەن ەتنومادەني بىرلەستىكتەردىڭ مۇشەلەرى، ونەر سالاسىنداعى زيالىلار، جاستار ۇيىمدارىنىڭ جەتەكشىلەرى، گيننەسس رەكوردتار كىتابىنىڭ وكىلدەرى، باق، قالا تۇرعىندارى قاتىستى.

ٴىس-شارا بارىسىندا 40 اسپاز تاڭعى ساعات 4-تەن باستاپ دالادا، قازاق حالقىنىڭ ەت اسۋداعى ٴداستۇرلى رەسەپتىمەن قالا تۇرعىندارىنا ارناپ 700 كيلوگرامنان استام «قازاقشا ەت» ۇلتتىق تاعامىن دايىندادى. ەلىمىزدىڭ باستى ۇلتتىق تاعامىن دايىنداۋعا 700 كگ. جىلقى ەتى، 300 كگ. ۇن، 250 جۇمىرتقا مەن 14 قاپ پياز قولدانىلدى. ٴداستۇر بويىنشا ەتتىڭ نانى قولدان جايىلدى. دايىن بولعان ۇلتتىق تاعام اۋقىمدى اكسياعا ارنايى جاسالعان تايقازانعا سالىنىپ، تارازىعا ورناتىلدى.ودان ٴارى لوندون قالاسىنداعى گيننەسس رەكوردتار كىتابىنىڭ شتاب-پاتەرىنەن كەلگەن سۋپەرۆايزەر subasi gemici seyda «ەلدىڭ ەڭ باستى ۇلتتىق تاعامى» دۇنيەجۇزىلىك رەكوردىن تىركەدى. دايىن ۇلتتىق تاعامنىڭ سالماعى 736،5 كگ. تارتىپ، «ەلدىڭ ەڭ ەڭ كوپ مولشەردە دايىندالعان ۇلتتىق تاعامى» دەگەن اتاۋمەن گيننەسس رەكوردتار كىتابىندا رەكورد فاكتىسى تىركەلدى.

سونىمەن قاتار اكسيا اياسىندا شىعارماشىلىق ۇجىمدار مەن قازاق اندەرىن ورىنداۋشىلارىنىڭ قاتىسۋىمەن مەرەكەلىك كونسەرت، ۇلتتىق تاعامدى دايىنداۋ بويىنشا شەبەرلىك ساباقتار مەن وڭتۇستىك جانە سولتۇستىك پوليۋستەرىن باعىندىرعان قازاق گەوگرافيالىق قوعامىنىڭ مۇشەلەرىمەن كەزدەسۋ ۇيىمداستىرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي