BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تاتۋلىق پەن تۇراقتىلىق ەل يەسى رەتىندە ەڭ الدىمەن قازاققا كەرەك – ساراپشى

استانا. 10 شىلدە. baq.kz – قازاقستانداعى ۇلتارالىق كەلىسىم ەڭ الدىمەن قازاقتىڭ كەلىسىمى ەكەنىن ەستەن شىعارماعان ٴجون دەيدى قر پرەزيدەنتى جانىنداعى قسزي ديرەكتورىنىڭ ورىنباسارى ٴلايلا مۇزاپاروۆا. بۇگىن قازاقستان ستراتەگيالىق زەرتتەۋلەر ينستيتۋتى قحا-نىڭ 20 جىلدىعى اياسىندا دوڭگەلەك ۇستەل وتكىزىپ، وندا ۇلتتار اراسىنداعى بىرلىك ماسەلەسى ٴسوز بولعان ەدى.

جيىن بارىسىندا بەس ينستيتۋسيونالدى رەفورمانى جۇزەگە اسىرۋ جۇمىستارى، ۇلت جوسپارى، مەملەكەتتىك باسقارۋدى رەفورمالاۋ ماسەلەلەرى، ماڭگىلىك ەل جانە ٴبىرتۇتاس ۇلت قۇرۋدىڭ جولدارى كەڭىنەن تالقىعا سالىندى.

«قازاقستانداعى قوعامدىق كەلىسىم ەڭ الدىمەن قازاقتىڭ كەلىسىمى ەكەندىگىن مىقتاپ ەستە ۇستاعان ابزال. تاتۋلىق پەن تۇراقتىلىق ەل يەسى رەتىندە ەڭ الدىمەن قازاققا كەرەك. قازاقتىڭ ىنتىماعى مەن بىرلىگى مىقتى بولمايىنشا مەملەكەتتىڭ كەلبەتىن ساقتاۋ مۇمكىن ەمەس. بىرلىگى بەرەكەلى، تىرلىگى مەرەكەلى، ىنتىماعى جاراسقان ەلدىڭ عانا ىرىسى مەن نەسىبەسى مول بولماق» دەپ اتاپ ٴوتتى قر پرەزيدەنتى جانىنداعى قسزي ديرەكتورىنىڭ ورىنباسارى ٴلايلا مۇزاپاروۆا.

قر پرەزيدەنتى جانىنداعى مەملەكەتتىك باسقارۋ اكادەمياسىنىڭ ەتنوسارالىق قاتىناستاردى زەرتتەۋ ورتالىعىنىڭ جەتەكشىسى اينۇر ٴسادۋاقاسوۆانىڭ ايتۋىنشا، الەم قازاقستاندى وسى ۇلتارالىق بىرلىگىنىڭ ارقاسىندا جاقسى تانىپ وتىر.

«ٴبىز تاريحي قىسقا مەرزىم – 20 جىل ىشىندە تاۋەلسىز مەملەكەت قۇردىق، ونى ٴتۇرلى ۇلتتاردىڭ بىرلىگى ارقاسىندا الەمگە ايگىلى ەتتىك، ٴبارى بىزدەن ۇلگى الىپ وتىر. وسىنىڭ ٴبارى ەلىمىزدە تۇرىپ جاتقان بارلىق حالىقتاردىڭ، ۇلتتار مەن ۇلىستاردىڭ بىرلىگى، دوستىعى، ٴوزارا تۇسىنىستىگى ارقاسىندا. اسسامبلەيا ٴتۇرلى ەتنوستار مەن ٴدىننىڭ قاتارىنداعى بارشا ازاماتتاردىڭ كەلىسىمى مەن تولەرانتتىلىعىنىڭ بەرىك تەتىگىنە، بازالىق قۇندىلىعىنا اينالدى.راسىندا دا بيىلعى جىلدىڭ اسسامبلەيا جىلى دەپ اتالۋىنىڭ وزىندە ۇلكەن ٴمان جاتىر. بۇگىنگى كۇنى قازاقستاندى دوستىعى جاراسقان ەل رەتىندە بارلىعى تانىپ ۇلگەردى» دەدى قر پرەزيدەنتى جانىنداعى مەملەكەتتىك باسقارۋ اكادەمياسىنىڭ ەتنوسارالىق قاتىناستاردى زەرتتەۋ ورتالىعىنىڭ جەتەكشىسى اينۇر ٴسادۋاقاسوۆا.

ايتا كەتەيىك، بيىل ەلىمىزدە قازاقستان حالقى اسسامبلەياسىنىڭ 20 جىلدىعى اتالىپ ٴوتىپ جاتىر. ايتۋلى مەرەيتوي اياسىندا رەسپۋبليكانىڭ بارلىق ايماعىندا ٴتۇرلى مەرەكەلىك شارالار ۇيىمداستىرىلعان. كوپشىلىگى حالىقتىڭ الەۋەتىن، رۋحانياتىن ارتتىرۋعا باعىتتالعان.

دانا ساعىنبەكقىزى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي