BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سقو-دا ۇلتتىق تاعامدار كورمەسى ٴوتتى

استانا. 7 تامىز. baq.kz – سقو ٴۋاليحانوۆ اۋدانى اقبۇلاق اۋىلىندا قازاقستان حالقى اسسامبلەياسىنىڭ 20 جىلدىعىن اتاپ ٴوتتى. مەرەيتوي اياسىندا اۋدانداعى ٴۇش ەلدى مەكەننىڭ تۇرعىندارى ەتنواۋىل قۇرىپ، ۇلتتىق تاعامدار كورمەسىن ۇيىمداستىردى.

اقبۇلاق سەلولىق وكرۋگىندە 11 ۇلتتىڭ وكىلى ٴتاتۋ-تاتتى تىرشىلىك كەشۋدە. ولاردىڭ ٴبارى بەيبىتشىلىكتى، دوستىق پەن كەلىسىمدى تۋ ەتكەن وسىناۋ جارقىن مەرەكەدە باس قوستى.

مەرەكە قوناقتارىن ٴۋاليحانوۆ اۋدانىنىڭ اكىمى امان تورەگەلدين قۇتتىقتادى.

«جۇزدەن استام ۇلت وكىلى قازاقستاندى ٴوز وتانى رەتىندە ساناپ، ەلدەگى بەيبىتشىلىكتى ماقتان تۇتادى. بۇل ورايدا قحا ورنى ەرەكشە»، - دەدى ٴوز سوزىندە ا. تورەگەلدين.

وسى كۇنى اۋدان تۇرعىندارىن ايتۋلى مەرەكەمەن پەتروپاۆلدىق مەيماندار دا قۇتتىقتادى. قوناقتاردىڭ ىشىندە شىعارماشىلىق ۇجىمدار، وبلىستىق 7 بىردەي ەتنومادەني ورتالىق پەن ۇكىمەتتىك ەمەس ۇيىم وكىلدەرى بار. كەزدەسۋ "بەيبىتشىلىك جانە كەلىسىم" جول كارتاسى شاراسى اياسىندا ۇيىمداستىرىلدى.

ٴۋاليحانوۆ اۋدانىنىڭ تۇرعىندارى وسىنداعى كورمەدە ۇلتتىق تاعامدار مەن ساندىك-قولدانبالى قولونەر تۋىندىلارىن جۇرتشىلىق نازارىنا ۇسىندى. وعان اۋداندىق 13 ەتنومادەني ورتالىق قاتىستى.

ايتا كەتەيىك، بيىل ەلىمىزدە قازاقستان حالقى اسسامبلەياسىنىڭ 20 جىلدىعى اتالىپ ٴوتىپ جاتىر. ايتۋلى مەرەيتوي اياسىندا رەسپۋبليكانىڭ بارلىق ايماعىندا ٴتۇرلى مەرەكەلىك شارالار مەن قايىرىمدىلىق اكسيالارى ۇيىمداستىرىلعان. كوپشىلىگى حالىقتىڭ الەۋەتىن، رۋحانياتىن ارتتىرۋعا باعىتتالعان. اتاپ ايتار بولساق، "دەنساۋلىق" پويىزدارى، ۇلى جەڭىستىڭ 70 جىلدىعىنا ارنالعان شارالار جانە تاعىسىن تاعى.

 

دانا ساعىنبەك،فوتو:قازاقپارات


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي