BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شقو-دا ۇلت جوسپارىنىڭ «بىرتەكتىلىك پەن بىرلىك» باعىتى تالقىلاندى

 استانا. 20 شىلدە. baq.kz – شقو قوعامدىق كەڭەس مۇشەلەرىمەن كەزدەسكەن قر مادەنيەت جانە سپورت مينيسترلىگىنىڭ جاۋاپتى حاتشىسى قۋاتجان ۋاليەۆ ۇلت جوسپارىنىڭ iv قادامى «بىرتەكتىلىك پەن بىرلىك» باعىتىن تالقىلاي وتىرىپ، ۇلت جوباسى قازاقستاندىق ۇلتتار بىرلىگىن نىعايتىپ، قوعامدىق تۇتاستىقتى قۇرۋعا باعىتتالعاندىعىن ايتتى.

 كەزدەسۋ بارىسىندا قۋاتجان ۋاليەۆ «ماڭگىلىك ەل»، «ۇلكەن ەل – ۇلكەن وتباسى» سىندى اۋقىمدى جوبالاردىڭ ىسكە اسىرىلۋى جايلى مالىمدەي وتىرىپ، «ماڭگىلىك ەل» ۇلتتىق يدەياسىنداعى قۇندىلىقتاردى قازىرگى وقۋ باعدارلاماسىنا كىرگىزۋ جايلى جانە تەحنولوگيالىق جوبالاردى ەنگىزۋدى قاراستىرىپ وتىرعان «مەنىڭ ەلىم» سىندى جوبالاردى ايتىپ ٴوتتى.

سونىڭ تاعى ٴبىر ماقساتى، كەز-كەلگەن ازاماتقا جانە شەتەلىك تۋريستەرگە قازاقستان جايلى تولىق مالىمەت بەرەتىن «قازاقستان ەنسيكلوپەدياسى» اتتى اۋقىمدى عالامتور جوباسىن ىسكە اسىرۋ بولىپ تابىلادى.

«جوسپاردىڭ ٴار كەزەڭىنىڭ ورىندالۋى ايماقتارداعى وزەكجارى ماسەلەردىڭ شەشىلۋىن، مەملەكەتتىك ورگاندار مەن ازاماتتتىق سەكتور اراسىنداعى بايلانىستىڭ نىعايۋىن، ولارعا دەگەن سەنىمنىڭ ارتۋىن قامتاماسىز ەتەدى. الەۋمەتتىك توپتاعى مينيسترلىكتەر، جەرگىلىكتى باسقارۋشى ورگاندار جانە جالپى قازاقستاندىق قوعام الدىنداعى باستى ماقسات، ەلباسى ۇلت جوسپارىندا قويعان 5 رەفورمانى ىسكە اسىرا وتىرىپ، ناقتى ناتيجەگە جەتۋ بولىپ تابىلادى»، – دەدى ق. ۋاليەۆ.

 

دانا ساعىنبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي