BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ش.پۋلاتوۆ: قازاقستاندا تۇراتىن بارلىق ۇلىستار ەلىمىزدىڭ يگىلىگى ٴۇشىن ەڭبەك ەتۋ كەرەك

استانا. 5 تامىز. baq.kz – تاعدىردىڭ جانە تاريحتىڭ قالاۋىمەن قازاقستاندا تۇراتىن بارلىق ۇلىستار بىرلەسە وتىرىپ، ەلىمىزدىڭ يگىلىگى ٴۇشىن ەڭبەك ەتۋ كەرەك دەيدى استانا قالاسىنىڭ «وزبەك ەتنومادەني ورتالىعىنىڭ» ٴتوراعاسى پۋلاتوۆ شەرزود اببوز ۇلى baq.kz تىلشىسىنە بەرگەن سۇحباتىندا.

- بيىل قازاقستان حالقى اسسامبلەياسىنىڭ 20 جىلدىعىن تويلاۋ ٴبىزدىڭ بىرلىگىمىزدىڭ، ٴتاتۋ-تاتتى تىرلىگىمىزدىڭ، ٴبىزدىڭ دۇنيەتانىمىمىزدىڭ بولاشاعى دەپ بىلەمىن. وسى مەرەكە اياسىندا ٴبىزدىڭ ەتنومادەني ورتالىق بىرنەشە ىزگى ٴىس شارالار ۇيىمداستىرعان بولاتىن. جۋىردا استاناداعى «انا مەن بالا» ورتالىعىندا بالالارعا ارناپ قايىرىمدىلىق اكسيا ٴوتتى. سونداي- اق، ٴار مەرەكە سايىن قالانىڭ ٴتۇرلى مەكەمەلەرىندە ورتالىقتىڭ اتىنان ٴتۇرلى شارالار وتكىزىپ وتىرامىز. جىل سايىن كومەككە مۇقتاج جاندارعا، قارتتار مەن مۇگەدەك ادامدارعا ارناپ قايىرىمدىلىق اكسياسىن وتكىزۋ داستۇرگە اينالعان. كەشە وتكەن قاسيەتتi رامازان ايىندا مەشىتكە كەلۋشىلەر مەن تۇرمىس جاعدايى تومەن وتباسىلاردىڭ قۇرمەتىنە پالاۋ باسىلىپ، بازارلىق سىيلىقتار تابىستادىق. وسى سەكىلدى شارالاردىڭ ٴجيى ٴوتۋى قازاقستاندىق بىرتەكتىلىكتى نىعايتۋ مەن ٴبىرتۇتاس ازاماتتىق بىرلىكتى قالىپتاستىرۋعا شاقىرادى، - دەدى ول ٴوز سوزىندە.

سونداي-اق، شەرزود پۋلاتوۆ بيىل وزبەكتەردىڭ ۇلتتىق ٴتىل مەرەكەسى كۇنى اياسىندا ۇلكەن مەرەكەلىك شارا وتەتىندىگىن حابارلادى. نەگىزگى ماقسات - بارلىق ەتنومادەني ورتالىقتىڭ بەلسەندى تۇلعالاردىڭ باسىن قوسىپ وزبەك ۇلتىنىڭ ۇلتتىق قۇندىلىقتارمەن تانىستىرۋ.

- اسسامبلەيا قازاقستان ازاماتتارىن وتانسۇيگىشتىك رۋحتا تاربيەلەۋگە، حالىقتار اراسىنداعى دوستىق پەن بىرلىكتى نىعايتۋ ىسىنە ولشەۋسىز ۇلەسىن قوسىپ كەلەدى. بيىل قحا-20 جىلدىعى اياسىندا سونىمەن قاتار وزبەكتەردىڭ ۇلتتىق ٴتىل مەرەكەسى شەڭبەرىندە باسقا ايماقتاعى ەتنومادەني ورتالىقتىڭ وكىلدەرىن باسىن بوسۋدى جوسپارلاپ وتىرمىز. بۇل مەرەكە بارلىق ۇلتتار اراسىنداعى تۇسىنىستىك پەن ىنتىماقتاستىقتى دامىتۋعا باعىتتالعان، دەدى شەرزود اببوز ۇلى.

ايتا كەتەيىك، استانادا «وزبەك ەتنومادەني ورتالىعى» 2007 جىلدان باستاپ جۇمىس ىستەپ كەلەدى. ورتالىقتا قازىردە جۇزدەن استام بەلسەندى جاستار قىزمەت ەتەدى.

دانا ساعىنبەكقىزى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي