BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

س.سايدار ۇلى: قحا 20 جىلدىعى – ۇلتارالىق قارىم-قاتىناستىڭ بولاشاعى

استانا. 31 شىلدە. baq.kz – قازاقستان حالقى اسسامبلەياسىنىڭ 20 جىلدىعىن تويلاۋ – ەلىمىزدەگى ۇلتارالىق قارىم-قاتىناستىڭ بولاشاعى دەيدى «ۆايناح» ەتنومادەني ورتالىعىنىڭ ٴتوراعاسى گەروەۆ سالمان سايدار ۇلى baq.kz تىلشىسىنە بەرگەن سۇحباتىندا.

«اسسامبلەيانىڭ دەربەس قوعامدىق ينستيتۋت بولىپ قۇرىلعانىنا بيىل 20 جىل تولىپ وتىر. وسى جىلدىڭ قارساڭىندا 10 مامىر كۇنى ٴبىزدىڭ ورتالىقتىڭ 25 جىلدىعى تويلاندى. 20 جىل ىشىندە ورتالىقتا «ۆايناح» ٴانسامبىلى اشىلىپ، جۇزدەن استام جاستار وسى ۇيىرمەدە ونەرلەرىن كورسەتىپ ٴجۇر. سونداي-اق، جۋىردا شەشەن جانە ينگۋش تىلدەرىنە ارنالعان ارنايى مەكتەپ اشىلدى. ول جەردە ەكى ۇلتتىڭ بالالارى ٴبىلىم الادى، سونىمەن قاتار، مەملەكەتتىك ٴتىل - قازاق تىلىندە دە ساباقتار وتەدى. مۇنداي ساباقتار قازاقستاننىڭ تاريحىمەن تانىسىپ، ەلباسىنىڭ جەتكەن جەتىستىكتەرىن ٴبىلىپ وسۋىنە، ەلىمىزدىڭ ٴتۇرلى كەرەمەت جەرلەرىمەن تانىسۋىنا مۇمكىندىك بەرەدى» دەدى ول ٴوز سوزىندە.

س.سايدار ۇلىنىڭ ايتۋىنشا، قازىرگى كۇنى استانادا 2600 ينگۋش جانە 1500 شەشەن ۇلتىنىڭ وكىلى ٴومىر ٴسۇرىپ جاتىر. سونداي-اق، ول 2010 جىلى ينگۋشەتيادا وتكەن حالىقارالىق كونفەرەنسيانىڭ ەكى ەل دوستىعىن ارتتىرۋداعى ماڭىزدىلىعىن ايتىپ ٴوتتى.

«مەن 2010 جىلى ينگۋشەتيادا وتكەن «قازاقستان مەنىڭ وتانىم!» دەگەن تاقىرىپتا حالىقارالىق كونفەرەنسياعا قاتىسقان بولاتىنمىن. ول جەردە مەن «ۆايناح» ورتالىعى اتىنان ٴسوز سويلەدىم. ەڭ باستى ماقساتىم جەرگىلىكتى قازاق حالقىنىڭ مەيماندوستىقپەن قولۇشىن بەرۋى بولماعاندا ٴبىزدىڭ جاعدايىمىز قازىرگى كەزدە قانداي كۇيدە بولارىن جەتكىزگىم كەلدى. ياعني، قازاق حالقى سوڭعى ٴتىلىم نانىن ٴۇزىپ بەرىپ، ٴوز ۇيىنە كىرگىزدى. سونىڭ ارقاسىندا كەلگەن شەشەندەر مەن ينگۋشتاردىڭ جارتىسى ٴتىرى قالدى. قازاق حالقىنىڭ ۇلىسقا كورسەتكەن دارقاندىعى، باۋىرمالدىلىعىن بارىنشا تۇسىندىرە ٴبىلدىم. وسى سوزدەردەن كەيىن حالىقتىڭ ۇلكەن قوشەمەتىنە بولەنگەنىم بار» دەدى ول.

ايتا كەتەيىك، بيىل قحا-20 جىلدىعى تويلانىپ جاتىر. ايتۋلى مەرەيتوي اياسىندا رەسپۋبليكانىڭ بارلىق ايماعىندا ٴتۇرلى مەرەكەلىك شارالار مەن قايىرىمدىلىق اكسيالارى ۇيىمداستىرىلعان.

دانا ساعىنبەكقىزى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي