BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

س.گەروەۆ: قحا جىلى قازاقستاندىقتاردىڭ تۇتاستىعىن كورسەتەدى

 استانا. 17 شىلدە. baq.kz – قازاق ەلىندە تۇراتىن بارلىق ۇلت وكىلدەرى ٴوز ٴتىلىن، مادەنيەتىن، ٴسالت-داستۇرىن دامىتۋ كەرەك. بۇل جايىندا بۇگىن «ۆايناح» شەشەن-ينگۋش» ەتنومادەني ورتالىعى» قوعامدىق بىرلەستىگىنىڭ ٴتوراعاسى سالمان گەروەۆ «استانا قالاسىنىڭ وزبەك ەتنومادەني ورتالىعى» قوعامدىق بىرلەستىگى ۇيىمداستىرىپ وتىرعان «ۇلكەن ەل – ۇلكەن وتباسى» قايىرىمدىلىق اكسياسى كەزىندە ايتقان بولاتىن.

 ونىڭ ايتۋىنشا، قازاقستاندا ەلباسى ساياساتى ارقاسىندا ۇلتارالىق تاتۋلىق پەن كەلىسىم سالتانات قۇرىپ كەلەدى. قازاق حالقى وزگە ۇلت وكىلدەرىنە قۇشاق جايىپ، باۋىرىنا باستى. ٴقازىر ەلىمىزدە ٴار ۇلتتىڭ تولىققاندى ٴومىر ٴسۇرىپ، قازاقستاننىڭ ودان ٴارى دامۋىنا ۇلەس قوسۋى ٴۇشىن بارلىق جاعداي جاسالعان. بۇل رەتتە بارلىق ۇلت وكىلدەرىنىڭ قازاق حالقىمەن ٴبىر ماقسات-مۇددەدە عۇمىر كەشىپ، توپتاسا ٴبىلۋىنىڭ ماڭىزى زور.

«ەلباسى نۇرسۇلتان نازاربايەۆتىڭ باستاماسىمەن قۇرىلعان قازاقستان حالقى اسسامبلەياسى بارلىق ەتنومادەني بىرلەستىكتەردى ٴوزىنىڭ قاناتىنىڭ استىنا الدى. ٴبىز بىر-بىرىمىزبەن ارلاسا وتىرىپ، مادەنيەت پەن ادەپ-عۇرىپ، داستۇرلەرىمىز تۋرالى بىلۋدەمىز. وسىنىڭ بارلىعى ٴبىزدى بىرىكتىرەدى.ٴتۇرلى سەبەپتەرگە بايلانىستى بىزدە ٴبىر قازاقستاندىق حالىق قالىپتاستى – ولاردىڭ اراسىندا ٴبىز، ياعني شەشەن-ينگۋش حالىقتارى سياقتى كۇشتەپ كوشىرىلگەندەر دە، تىڭ جەرلەردى يگەرۋ ٴۇشىن جىبەرىلگەندەر دە، وزگە دە سەبەپتەرمەن كەلگەندەر دە بار. وسىعان قاراماستان، وسىنداي قازاقتىڭ كەڭ دە دارحان دالاسىندا ٴبىزدىڭ بارلىعىمىزدىڭ بەيبىتشىلىك پەن دوستىقتا ٴومىر سۇرگەنىمىز ماڭىزدى. ول ٴۇشىن بىزگە ٴبىر-بىرىمىزدى جاقسىلاپ ٴبىلۋ كەرەك. بۇگىنگىدەي كەزدەسۋلەر ٴبىزدى جاقىنداستىرادى جانە قحا جىلى قازاقستاندىقتاردىڭ تۇتاستىعىن كورسەتەدى»،-دەدى ول ٴوز سوزىندە.

ايتا كەتەيىك، بيىل ەلىمىزدە قازاقستان حالقى اسسامبلەياسىنىڭ 20 جىلدىعى اتالىپ ٴوتىپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي