BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودار وبلىسىندا حالىقارالىق جاستار فورۋمى ٴوتتى

پاۆلودار وبلىستىق قازاقستان حالقى اسساملەياسىنىڭ ۇيىمداستىرۋىمەن باياناۋىل اۋدانىندا شەكارالاس ىنتىماقتاستىقتىڭ «بىرلىك-ەدينستۆو.kz» ٴvىىى حالىقارالىق جاستار فورۋمى ٴوتتى، دەپ حابارلايدى baq.kz اقپارات اگەنتتىگى.

ٴىس-شارا پرەزيدەنت اكىمشىلىگى جانىنداعى قازاقستان حالقى اسسامبلەياسى حاتشىلىعى مەڭگەرۋشىسىنىڭ ورىنباسارى شاناي ٴنازيپا ىدىرىسقىزىنىڭ قاتىسۋىمەن ٴوتتى. ٴىس-شاراعا ەلىمىزدىڭ بارلىق وڭىرلەرى مەن شەكارالاس تومسك، ٴنوۆوسىبىر، تيۋمەن وبلىستارى مەن التاي ولكەسىنەن، گەرمانيادان بارلىعى 120-عا جۋىق قاتىسۋشى كەلدى. سونداي-اق، جيىنعا قحا مۇشەلەرى مەن «جاڭعىرۋ جولى» رەسپۋبليكالىق جاستار قوزعالىسىنىڭ مۇشەلەرى قاتىستى.

"فورۋمنىڭ ماقساتى – جاستاردىڭ مادەنيارالىق ديالوگىن دامىتۋ، قارىم-قاتىناس پەن ارەكەتتەستىكتىڭ تولەرانتتى مادەنيەتىن قالىپتاستىرۋ، ٴوزارا تۇسىنىستىك پەن ىنتىماقتاستىقتى نىعايتۋ، جاستاردىڭ الەۋمەتتىك-ساياسي، ەكونوميكالىق جانە مادەني ومىرگە بىرىگۋىن بەلسەندى ەتۋ ٴرولىن جان-جاقتى قاراستىرۋ بولماق" - دەيدى ۇيىمداستىرۋشىلار.

جيىننىڭ پلەنارلىق وتىرىسىندا ٴسوز العان پاۆلودار وبلىسى اكىمىنىڭ ورىنباسارى بەگەنتايەۆ م.م. ەتنوفورۋمعا قاتىسىپ وتىرعان جاستاردى قۇتتىقتاپ، اۋقىمدى ٴىس-شارانىڭ شەكارالىق وڭىرلەردە تۇراتىن ەلدەردىڭ جاستارى اراسىنداعى ٴوزارا تۇسىنىستىككە زور ىقپال ەتەتىنىن ايتتى. جىلسايىنعى ەتنوفورۋم تاجىريبە الماسۋعا مۇمكىندىك بەرەتىن تۇراقتى الاڭعا اينالعاعىنىنا توقتالدى. سونىمەن قاتار ول جيىنعا قاتىسۋشىلاردى كيەلى ٴوڭىردىڭ تۋمالارى بۇحار جىراۋدىڭ 350-جىلدىعىمەن، مۇسا شورمان ۇلىنىڭ 200-جىلدىعىمەن، ٴماشھۇر ٴجۇسىپ كوپەي ۇلىنىڭ 160-جىلدىعىمەن جانە سۇلتانماحمۇت تورايعىروۆتىڭ 125-جىلدىعى اتاۋلى داتالارىمەن قۇتتىقتادى.

وتىرىس بارىسىندا ٴوز ويلارىمەن گەرمانيانىڭ ميۋنحەن قالاسىنان كەلگەن قاتىسۋشى ليسسنەر ليۋسەن، التاي ولكەسى جاستارمەن جۇمىس ٴبولىمىنىڭ باسشىسى گوفمان و.يۋ.، «جاڭعىرۋ جولى» رەسپۋبليكالىق جاستار قوزعالىسى ٴتوراعاسىنىڭ ورىنباسارى جۇمىربايەۆ ت.گ. جانە «قازاقستاننىڭ 100 جاڭا ەسىمى» جوباسىنىڭ جەڭىمپازى بايسەيتوۆا ج.ب. ٴبولىستى.

فورۋمنىڭ جۇمىسى بارىسىندا جاستار بىرنەشە تىلدەسۋ الاڭدارىندا تاجىريبە الماسۋ مۇمكىندىگىنە يە بولادى. ولاردىڭ قاتارىندا: «جاڭعىرۋ جول - جاستار جولى: جاڭا جوبالاردى ىسكە اسىرۋ جانە باسقارۋ»، «ۆولونتەرلىق جۇمىس مادەنيارالىق كەڭىستىكتەگى ۇلتتىق يدەيا نەگىزىندە»، «مەدياتيۆتى پروسەستەر داۋسىز قوعامنىڭ كەپىلى» اتتى الاڭدار.

ال «بىرلىك-ەدينستۆو.kz» حالىقارالىق جاستار فورۋمىنىڭ كوشپەلى كۋبوگى «جاڭعىرۋ جولى» رەسپۋبليكالىق جاستار قوزعالىسى ٴتوراعاسىنىڭ ورىنباسارى تيمۋر جۇمىربايەۆقا تاپسىرىلدى.

بىرنەشە كۇن بويى ٴىس-شارا قاتىسۋشىلارى باياناۋىلدىڭ اسەم تابيعاتى اياسىندا ٴوز جوبالارىن ورتاعا سالدى، تاجىريبە الماستى. سونىمەن قاتار باياناۋىل ۇلتتىق ساياباعىنىڭ اسەم تابيعاتىمەن جاقىنىراق تانىسۋ ماقساتىندا ولارعا ەكسكۋرسيا ۇيىمداستىرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي