BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وزبەك ۇلتى - ەلىمىزدەگى 7 ٴىرى ەتنوستىڭ ٴبىرى

استانا. 8 تامىز. baq.kz - ەجەلگى زاماننان قازاق حاندىعى قۇرىلعانعا دەيىن قازاق پەن وزبەك ۇلتى تۇركى تىلدەس حالىقتاردىڭ قۇرامىندا تەكە-تىرەس ٴومىر ٴسۇرىپ كەلەدى. ەكى ۇلتتىڭ تاعدىرى دا، تاريحى دا ٴبىر. بۇل جايىندا استانا قالاسىنىڭ «وزبەك ەتنومادەني ورتالىعىنىڭ» ٴتوراعاسى پۋلاتوۆ شەرزود اببوز ۇلى baq.kz تىلشىسىنە بەرگەن سۇحباتىندا ايتقان بولاتىن.

- ورتا ازيانى مەكەندەگەن ٴبىرتۇتاس تۇركى حالقى ورتا عاسىرلاردا ٴتۇرلى ۇلىستارعا بولىنە باستادى. ەڭ سوڭعى بولىپ وزبەك، قازاق، نوعاي ۇلتتارى جەكە-جەكە مەملەكەتتەرگە اينالدى. سولاي بولا تۇرا وزبەك پەن قازاق اراسىنداعى بايلانىس ٴالى دە جالعاسىن تاۋىپ، ٴبىر باۋىرداي بوپ كەتكەن. قازاقتا «وزبەك ٴوز اعام» دەگەن ٴسوز بار، ياعني، ٴبىزدىڭ ٴتىلىمىز دە، داستۇرلەرىمىز دە ۇقساس. بۇگىندە وزبەكتەر سانى ەلىمىزدە 500 مىڭعا جۋىق. ولاردىڭ كوبىسى وڭتۇسىتىك قازاقستاندا قونىستانعان. ال، استانانىڭ وزىندە ولاردىڭ ون مىڭعا جۋىعى ٴومىر سۇرەدى. وزبەك حالقىنىڭ ەجەلدەن ەڭبەكقور حالىق دەپ ايتا الامىن. ولار باۋ-باقشا، ٴداندى-داقىلدار مەن ماقتا ٴوسىرۋ ارقىلى ەلىمىزدىڭ ەكونوميكالىق وسىپ-وركەندەۋىنە وراسان زور ۇلەس قوسىپ كەلەدى. سونداي-اق، ٴسالت-داستۇرى، ونەرپازدىعى مەن قوناقجايلىعى جانە اس ٴمازىرى جاعىنان وزبەكتەر قازاق ۇلتىنا ۇقسايتىنى بارشاعا ايان، دەدى ول ٴوز سوزىندە.

ايتا كەتەيىك، بۇگىن دە وزبەكتەر قازاق قوعامىنىڭ دامۋىنا ەلەۋلى ۇلەس قوسىپ كەلەدى. وزبەك ۇلتى بۇگىندە رەسپۋبليكامىزدى مەكەندەيتىن 7 ٴىرى ەتنوستىڭ بىرىنە جاتادى.

- وزبەكتەر دە قازاقتار سياقتى قوناقجاي حالىق. قازاق حالقىنىڭ دارحاندىعى مەن قوناقجايلىعىنىڭ ارقاسىندا وسىندا مەكەن ەتكەن 130-دان استام ٴتۇرلى ۇلت وكىلدەرىنىڭ ٴبىر اكە، ٴبىر انانىڭ بالاسىنداي، بىرلىگى جاراسىپ ٴتاتۋ-تاتتى ٴومىر كەشىپ، جاتقاندىعى قۋانتادى. بۇعان ارينە، ەلباسىنىڭ ساليقالى ساياساتىنىڭ ارقاسىندا قول جەتكىزىپ وتىرمىز. ەلباسىمىز نۇرسۇلتان نازاربايەۆتىڭ "ماڭگىلىك ەل" يدەياسىن جۇزەگە اسىرۋعا قازاقستانعا باۋىر باسىپ كەتكەن وزبەك ەتنوستارى دا ٴوز ۇلەستەرىن قوساتىنىنا كامىل سەنەمىن. بۇل بارشا قازاقستاندىقتاردىڭ ورتاق ماقساتى. بولاشاقتا قازاقستاننىڭ دامىعان 30 مەملەكەتتىڭ قاتارىنا كىرۋى ەلدە بىرلىك پەن تۇراقتىلىقتى ساقتاپ قالۋىنا بايلانىستى. سول سەبەپتى قازاقستان حالقى اسسامبلەياسىنىڭ ارقاسىندا بارلىق ەتنوستار ٴتاتۋ-تاتتى ٴومىر سۇرۋدە، دەدى شەرزود اببوز ۇلى.

ايتا كەتەيىك، بيىل قازاقستان حالقى اسسامبلەياسىنىڭ 20 جىلدىعى تويلانۋدا.

 

دانا ساعىنبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي