BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ورالدا وتكەن سابانتويدا بەلگىلى تاتار ارتىستەرى ونەر كورسەتتى

 استانا. 13 شىلدە. baq.kz – ورالدا دەمالىس ساياباعىندا تاتار حالقىنىڭ ٴداستۇرلى سابانتوي مەيرامى تويلاندى. مەرەكەلىك شارادا تاتارستان استاناسى قازان قالاسىنان ارنايى كەلگەن بەلگىلى ارتىستەردىڭ قاتىسۋىمەن كونسەرت قويىلدى.

تويعا وبلىس پەن اۋدانداردان كەلگەن شىعارماشىلىق ۇجىمدار دا بەلسەنە قاتىستى. جينالعاندارعا، اسىرەسە، تاتار حالىق اندەرى ايرىقشا اسەر قالدىردى. سونىمەن قاتار، «تەڭگە الۋ»، «تاياق تارتۋ»، «قۇمىرا سىندىرۋ»، «بۇرىم ورۋدەن» حالىقتىق سايىستار توسىندىعىمەن ەرەكشەلەنسە، بالالار اسفالتقا سۋرەتتەر سالدى.

ارقان تارتۋ، گىر تاسىن كوتەرۋ، تاتار كۇرەسىنەن وزىپ شىققاندار دا سىي-سياپاتسىز قالعان جوق. مەرەكەگە كەلگەندەر تاتار حالقىنىڭ ۇلتتىق كيىمدەرىن تاماشالاپ، ۇلتتىق تاعامدارىنان ٴدام تاتتى.

جينالعان جۇرتشىلىقتى سابانتوي مەرەكەسىمەن قۇتتىقتاعان وبلىس اكىمىنىڭ ورىنباسارى باقتيار ماكەن، اتالمىش مەرەكە تاتار باۋىرلار عانا ەمەس، وڭىردە ٴتاتۋ-تاتتى ٴومىر ٴسۇرىپ جاتقان بارلىق ۇلت وكىلدەرىنىڭ ورتاق تويىنا اينالعاندىعىن ايتادى.

باتىس قازاقستان وبلىسى اكىمىنىڭ ورىنباسارى باقتيار ماكەن:

«بيىلعى سابانتويدىڭ ەرەكشەلىگى، ول ەلباسى جاريالاعان قازاقستان حالقى اسسامبلەياسى جىلى اياسىندا ۇيىمداستىرىلىپ وتىر. اسسامبلەيانىڭ 20 جىلدىعى اتالىپ ٴوتىلىپ جاتقان جىلدا اتالمىش مەيرامنىڭ دا ٴباسى جوعارى، ٴمانى ەرەكشە».

«تاڭ» تاتار-باشقۇرت مادەني ورتالىعىنىڭ اتقارۋشى ديرەكتورى سۆەتلانا تەنيشەۆا:

«سابانتوي سوقا جانە توي دەگەن تۇركى سوزدەرىنەن الىنعان. سابانتوي كوكتەمگى ەگىس جۇمىستارى بىتكەننەن كەيىن تويلانادى. ياعني ەگىن ەگىپ، كوڭىلىن جايلاعان اعايىننىڭ كول-كوسىر قۋانىشىن بىلدىرەدى. بۇگىنگى تاڭدا سابانتوي مەيرامى تاتارستاندا عانا ەمەس، قازاقستاندا دا كەڭىنەن تويلانىپ كەلەدى».


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي