BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو-دا «بۇل – ٴبىزدىڭ تاۋلار!» اتتى بايقاۋ وتەدى

استانا. 1 تامىز. baq.kz – 31 شىلدە – 2 تامىز ارالىعىندا تولەبي اۋدانى سايرام-وگەم مەملەكەتتىك ۇلتتىق تابيعي پاركىنىڭ اۋماعىندا وڭتۇستىك قازاقستان وبلىسى كاسىپكەرلىك، يندۋستريالدى-يننوۆاسيالىق دامۋ جانە تۋريزم باسقارماسىنىڭ قولداۋىمەن «بۇل – ٴبىزدىڭ تاۋلار!» اتتى فەستيۆال وتەدى.

فەستيۆال اياسىندا قازاقستان حالقى اسسامبلەياسىنىڭ جىلىنا ارنالعان ٴىس-شارالار وتكىزۋ جوسپارلانۋدا.

ٴىس-شارانى ۇيىمداستىرۋ جۇمىستارىنا وقو اكىمدىگى، وڭتۇستىك قازاقستان وبلىستىق قحا، تولەبي اۋداندىق اكىمدىگى، سايرام-وگەم مەملەكەتتىك ۇلتتىق تابيعي پاركى، وبلىس اكىمى جانىنداعى سپورتتىق-ەكولوگيالىق ٴتۋريزمدى دامىتۋ جانە ەكولوگيالىق تاربيە جونىندەگى قوعامدىق كەڭەسى قاتىسادى.

ٴىس-شارانىڭ باستى ماقساتى – ىشكى سپورتتىق-ەكولوگيالىق ٴتۋريزمنىڭ دامۋىنا ىقپال ەتۋ، وبلىستىڭ تۋريستىك الەۋەتىن ناسيحاتتاۋ، وبلىستىڭ تابيعي نىساندارىمەن تانىسۋ بولماق.

ايتا كەتەيىك، بايقاۋدا وگەم تاۋ جوتاسىنىڭ شىعىس جاعىندا ورنالاسقان تاۋعا شىعىپ، وعان «قازاقستان حالقى اسسامبلەياسىنىڭ 20 جىلدىعى شىڭى» اتاۋى بەرىلەتىن بولادى. مەرەكەلىك شارادا سۋرەتشىلەردىڭ بايقاۋى مەن اۆتورلىق اندەردى ورىنداۋشىلاردىڭ كەشى وتكىزىلەدى دەپ كۇتىلۋدە.

ٴىس-شاراعا ەتنومادەني بىرلەستىكتەر، زيالى قاۋىم، ۇكىمەتتىك ەمەس ۇيىمدار، ساياسي پارتيالار، باق وكىلدەرى، تۋريستەر، الپينيستەر قاتىسادى.  

 

دانا ساعىنبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي