«نۇر وتان» پارتياسى قحا باستاماسىن ٴبىراۋىزدان قولدايدى - قحا|16 اقپان 2015، 12:09
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«نۇر وتان» پارتياسى قحا باستاماسىن ٴبىراۋىزدان قولدايدى

استانا. 16 اقپان. baq.kz – بۇگىن قر پرەزيدەنتى جانىنداعى ورتالىق كوممۋنيكاسيالار قىزمەتىنىڭ الاڭىندا وتكەن ٴباسپاسوز ٴماسليحاتىندا «نۇر وتان» پارتياسى ٴتوراعاسىنىڭ ٴبىرىنشى ورىنباسارى باۋىرجان بايبەك قازاقستان حالقى اسسامبلەياسىنىڭ قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن وتكىزۋ تۋرالى باستاماسىنا قاتىستى «نۇر وتان» پارتياسىنىڭ ارنايى رەسمي مالىمدەمەسىن جاريالادى، - دەپ حابارلايدى baq.kz ٴتىلشىسى.

- بۇگىن «نۇر وتان» پارتياسى ساياسي كەڭەسى بيۋروسىنىڭ قازاقستان حالقى اسسامبلەياسى كەڭەسىنىڭ قازاقستان رەسپۋبليكاسى پرەزيدەنتىنىڭ سايلاۋىن وتكىزۋ تۋرالى باستاماسىنا قاتىستى وتىرىسى ٴوتتى. وندا پارتيا جارعىسىنىڭ 9.5 پۋنكتىنە سايكەس، ساياسي كەڭەس بيۋروسى قازاقستان حالقى اسسامبلەياسى كەڭەسىنىڭ 2015 جىلى پرەزيدەنتتىك سايلاۋ وتكىزۋ تۋرالى باستاماسىن قولداۋ تۋرالى مالىمدەمەنى ٴبىراۋىزدان ماقۇلدادى، - دەدى باۋىرجان قىدىرعالي ۇلى.

ەندەشە، پارتيا جەتەكشىلەرى رەسمي مالىمدەمەسىنىڭ تولىق ٴماتىنىن نازارلارىڭىزعا ۇسىنامىز.

«14 اقپاندا قازاقستان حالقى اسسامبلەياسىنىڭ كەڭەسى 2015 جىلى قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن وتكىزۋ تۋرالى باستاما كوتەردى. «نۇر وتان» پارتياسى ەلدەگى جەتەكشى ساياسي كۇش رەتىندە اتالعان باستامانى تولىقتاي قولدايدى. بۇگىندە الەمدە قارجى-ەكونوميكالىق داعدارىستىڭ جاڭا تولقىنى تارالىپ، كۇردەلى گەوساياسي قىسىمنىڭ سالدارىنان جاعداي شيەلەنىسە تۇسۋدە. ٴدال وسى كەزەڭدە ٴتىپتى الەمنىڭ ەڭ دامىعان ەلدەردىڭ وزىندە دە كسەنوفوبيا، ٴدىني توزىمسىزدىك ٴورشىپ، راديكالدىق قوزعالىستار كۇش الۋعا اينالدى. ەلباسى «نۇر وتان» پارتياسى ساياسي كەڭەسىندە اتاپ ايتقانداي، «تاياۋداعى جىلدار جاھاندىق سىناقتاردىڭ ۋاقىتى بولادى. بارلىق ەلدەر وسى كۇردەلى كەزەڭنەن ويداعىداي وتە المايدى. بۇدان تەك مىقتى مەملەكەتتەر، جۇدىرىقتاي جۇمىلعان حالىقتار عانا وتەتىن بولادى». قازاقستان جاھاندىق دۇنيەنىڭ ٴبىر بولشەگى بولعاندىقتان، سىرتقى تەرىس ىقپالداردان تىس قالا المايدى.

سوندىقتان، مەملەكەت باسشىسى «نۇرلى جول» باعدارلاماسىن ۇسىندى، ەكونوميكا ٴوسىمىن قامتاماسىز ەتۋدىڭ بارلىق شارالارى قابىلداندى. «نۇرلى جول» باعدارلاماسى – بۇل تەك ناقتى، جەتە ەسەپتەلگەن ٴىس-قيمىل جوسپارى عانا ەمەس، بۇل - كەلەشەكتىڭ ينفراقۇرىلىمىنا سالىنعان اسا اۋقىمدى ينۆەستيسيا، بۇل - جۇمىس ورىندارى، قاراپايىم قازاقستاندىقتاردىڭ جايلى تۇرمىسىن ساقتاپ قالۋ، ولاردىڭ كەمەل كەلەشەككە دەگەن سەنىمى.

بۇگىنگى تاڭدا بىرلىك پەن كەلىسىمدى، تۇراقتىلىقتى نىعايتۋدىڭ، قوعام مەن مەملەكەتتىڭ، ەلىمىزدىڭ بارشا ازاماتتارىنىڭ كۇش-جىگەرىن جۇمىلدىرۋدىڭ ماڭىزى وراسان. وسىعان بايلانىستى، قازاقستان حالقى اسسامبلەياسىن قولداي وتىرا، كەزەكتەن تىس پرەزيدەنتتىك سايلاۋ وتكىزۋ باستاماسىن حالىق مۇددەسىنە ساي كەلەتىن ەڭ دۇرىس شەشىم دەپ سانايمىز. مۇنداي قادامنىڭ ٴقازىردىڭ وزىندە-اق پارلامەنتتى، ۇكىمەتتى، ورتالىق جانە جەرگىلىكتى باسقارۋ ورگاندارىن ٴتاستۇيىن جۇمىلدىرىپ، حالىقتىڭ ومىرشەڭ ەنەرگياسىن باستى ماقسات – وتانىمىز قازاقستان رەسپۋبليكاسىنىڭ گۇلدەنۋى مەن وركەندەۋىنە باعىتتاۋعا جول اشادى.

ٴبىزدىڭ حالقىمىز ەل تاريحىنىڭ ەڭ ٴبىر شەشۋشى ساتتەرىندە بولاشاق ۇرپاق قامى ٴۇشىن دانالىق تانىتا وتىرىپ، ٴوز ليدەرىنىڭ توڭىرەگىنە توپتاسۋ مەن بىرىگۋدىڭ اسا بيىك دەڭگەيىن كورسەتتى. «نۇر وتان» پارتياسى بارشا ەل ازاماتتارىن، بارلىق ساياسي پارتيالار مەن قوعامدىق كۇشتەردى كەزەكتەن تىس پرەزيدەنت سايلاۋىن وتكىزۋ باستاماسىن قولداۋعا شاقىرادى. بۇل ٴبىزدىڭ ۇزاقمەرزىمدى «قازاقستان-2050» ستراتەگياسى مەن ماڭگىلىك ەل يدەياسىنىڭ جۇزەگە اسىرىلۋىن قامتاماسىز ەتە وتىرىپ، بۇدان دا قۋاتتى، بۇدان دا ٴتاستۇيىن بولا ٴتۇسۋىمىزدىڭ تاريحي مۇمكىندىگى».
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي