BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ ترامپقا: قازاقستان ەشبىر ەلمەن جانجالداسقان ەمەس

فوتو: Нұржас Жақсыбай

بۇگىن استانادا «قازاق ەلى» مونۋمەنتى الدىنداعى الاڭدا 1 مامىر قازاقستان حالقىنىڭ بىرلىگى كۇنىنە وراي وتكەن «رۋحاني جاڭعىرۋ – بىرلىك پەن تۇتاستىق نەگىزى» اتتى تەاترلاندىرىلعان قويىلىم سوڭىندا قر پرەزيدەنتى نۇرسۇلتان نازاربايەۆ قازاقستان حالقىن بىرلىك كۇنىمەن قۇتتىقتادى، دەپ حابارلايدى baq.kz ٴتىلشىسى.

«قۇرمەتتى استانالىق اعايىن، بارشالارىڭىزدى ٴوز اتىمنان، پارلامەنت پەن ۇكىمەت اتىنان بۇگىنگى ۇلىق مەرەكەمىز قازاقستاننىڭ بىرلىك مەيرامىمەن شىن جۇرەگىممەن قۇتتىقتايمىن. اتا-بابامىزدان قالعان «بىرلىك بار جەردە تىرلىك بار» دەگەن ٴسوز بار. تىرلىك دەگەن ٴسوز – ادامنىڭ امان بولۋى، ەڭبەك. ەڭبەك ارقىلى مەملەكەتتى قولداپ، وركەندەپ ٴوسۋ دەگەن ٴسوز. ٴبىز تاعدىردىڭ تالقىسىنا تۇسكەن حالىقپىز. كەڭ بايتاق وتانىمىزدا كوپ ۇلت پەن ۇلىستىڭ ادامدارى جينالىپ، ٴبىر قازاننىڭ ىشىندە قايناپ، سونىڭ ىشىندە بىرلىكپەنەن، ەرلىكپەنەن وسىنداي جاعدايعا جەتىك. بىرلىكتىڭ ارقاسىندا مەملەكەت قۇردىق. بىرلىكتىڭ ارقاسىندا ٴبىزدىڭ بىرلىگىمىز ارقىلى مەملەكەتىمىزدى وركەندەتىپ وسىردىك، ەكونوميكاسىن كوتەردىك»، - دەدى مەملەكەت باسشىسى «قازاق ەلى» مونۋمەنتى الدىنداعى الاڭدا وتكەن تەاترلاندىرىلعان قويىلىم سوڭىندا.

پرەزيدەنت ٴوز سوزىندە جىل سايىن حالىقتىڭ ٴال-اۋقاتىن جاقسارتۋعا جۇمىس ىستەپ كەلە جاتقانىن، سونىڭ ىشىندە بەس باستاما ايقىن دالەل بولىپ وتىرعانىن اتاپ ٴوتتى.

«بىرىنشىدەن، حالىققا باسپانا بەرۋ; ەكىنشىدەن، سالىقتى تومەندەتۋ; ۇشىنشىدەن، جاستارعا جاتاقحانا، جاڭادان مەملەكەت تاراپىنان وقۋعا مۇمكىنشىلىك بەرۋ; شاعىن بيزنەسكە اۋىل ادامدارىن كوتەرۋ; گازداندىرۋ – وسىنىڭ بارلىعى بىرلىگىمىزدىڭ ارقاسىندا بولىپ جاتىر. بىرلىگىمىزدىڭ ارقاسىندا تاپقان تابىسىمىزدىڭ بارلىعىن حالىققا قايتارىپ جاتىرمىز. ٴبىزدىڭ بىرلىگىمىزدىڭ ارقاسىندا ٴبىزدى بۇكىل دۇنيەجۇزى سىيلايدى. بارلىق ٴدىن وكىلدەرى كەلىپ ٴبىزدىڭ ەلىمىزدە عانا جينالادى، بارلىق جانجالداسقاندا تابىسۋ ماسەلەسى بىزگە جينالادى. توڭىرەگىمىزدىڭ بارلىعىمەن تىنىشپىز»، - دەدى نازاربايەۆ.

ەلباسى جىل باسىندا اقش-قا رەسمي ساپارىن كەزىندە دونالد ترامپپەن بولعان اڭگىمەنى ەسكە الدى.

«وسى قاڭتاردا مەن امەريكادا ساپارمەن بولدىم. اقش پرەزيدەنتى دونالد ترامپ مىرزا «سەندەردىڭ قاي ەلمەن جانجالدارىڭ بار؟» دەپ مەنەن سۇرادى. مەن ەشبىر ەلمەن قازاقستاننىڭ ەشقانداي جانجالى جوق، بارلىعى ٴبىزدى سىيلايدى دەپ جاۋاپ بەردىم. سونداي ترامپ «قاراشى، ەشكىممەن ەشقانداي جانجالى جوق، ال ٴبىزدىڭ توڭىرەگىمىزدىڭ ٴبارى جانجال» دەدى. قۇرمەتتى وتانداستار، جاستار، مىناداي كونسەرت، كەشەگى وتكەن اسسامبلەيا نەنىڭ ۇلگىسى؟ وسىنىڭ ٴبارى بولماسا، ٴبىزدىڭ ۇيلەرىمىز نەشە ٴتۇرلى گۇلمەنەن جايقالىپ كوڭىلىمىز كوتەرىلمەس ەدى. كوپ مادەنيەت، كوپ پىكىر، كوپ حالىق بولسا سونىڭ ٴبارى قايناپ قوسىلعان كەزدە وسىنداي ادەمى گۇل بولىپ شىعادى. سوندىقتان ەشقاشان اللا وسىدان ايىرماسىن ٴبىزدى. بىرلىك بولسا ٴبىز تالايعا جەتەمىز. بولاشاق ۇرپاعىمىز بىزگە ريزا بولادى، ايتاتىن بولادى. تاعى دا مەرەكەمەن قۇتتىقتايمىن»، - دەدى قر پرەزيدەنتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي