BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ: اسسامبلەيا – ەلىمىزدەگى تاتۋلىقتىڭ كەپىلى

فوتو: Нұржас Жақсыбай

اسسامبلەيا – ەلىمىزدىڭ تاتۋلىعى مەن تۇراقتىلىعىنىڭ ەڭ باستى كەپىلى. بۇل جونىندە بۇگىن ەلوردادا قازاقستان حالقى اسسامبلەياسىنىڭ xxvi سەسسياسىندا اسسامبلەيا ٴتوراعاسى، قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ مالىمدەدى، دەپ حابارلايدى baq.kz ٴتىلشىسى.

«اسسامبلەيا قۇرىلعان كۇننەن باستاپ بىزدەگى مىزعىماس بىرلىكتىڭ ۇيىتقىسى، سارقىلماس بەرەكەنىڭ باستاۋى بولىپ جۇرەدى. بۇگىنگى ەلىمىزدىڭ تاتۋلىعى مەن تۇراقتىلىعىنىڭ ەڭ باستى كەپىلى. ٴاردايىم ەلدىك ىستەردىڭ باسىندا جۇرەتىن اسسامبلەيا مەنىڭ ىرگەلى باستامالارىمدى ٴار ۋاقىتتا قولداپ، حالىققا ٴتۇسىندىرىپ جۇرەدى. قازاقستان جاڭعىرۋعا بەت بۇرعان قازىرگى تاڭدا اسسامبلەياعا دا تىڭ مىندەتتەر جۇكتەلەدى. بۇگىنگى سەسسيامىز «بەس الەۋمەتتىك باستاما – قوعامنىڭ الەۋمەتتىك بىرلىگىنىڭ تۇعىرى» دەپ اتالادى. مەن ناۋرىز ايىندا الەۋمەتتىك جاڭعىرۋ جولىنداعى پرەزيدەنتتىڭ بەس باستاماسىن ۇسىنعانىمدى بىلەسىزدەر. بەس الەۋمەتتىك باستاما ەلدىڭ ٴال-اۋقاتىن جاقسارتۋمەن بىرگە ۇلتتى ۇيىستىرۋدىڭ تاعى ٴبىر ٴتۇرى - الەۋمەتتىك بىرلىكتى نىعايتۋعا باعىتتالعان»، - دەدى مەملەكەت باسشىسى.

سونىمەن قاتار، نازاربايەۆ بۇل باعدارلامانى تابىستى جۇزەگە اسىرۋ ازاماتتاردىڭ ٴوز بولاشاعىنا، مەملەكەتكە، قوعامىنا، قالا بەردى بىر-بىرىنە دەگەن سەنىمىن ارتتىراتىنىن ايتتى.

«بىزدە حالىقتىڭ كۇندەلىكتى ومىرىنە تۇبەگەيلى وزگەرىس اكەلەتىن مۇنداي الەۋمەتتىك باعدارلاما بۇرىن بولعان ەمەس. وسىنىڭ بارلىعى تاۋەلسىزدىك جىلدارىندا قازاقستاننىڭ ٴتۇرلى بالە-جالادان ساقتاپ كەلە جاتقان، ەلدىگىمىزدىڭ بويتۇمارى – ەل بىرلىگىن قاسيەت تۇتا بىلگەنىمىزدىڭ ارقاسى. ايتپەسە، وزدەرىڭىز ٴقازىر بىلىپ-كورىپ وتىرسىزدار، دۇنيەجۇزىندە كوگىندە تۋى، تورىندە بيلىگى بولسا دا، بىرلىگى قاشىپ، بۇگىنى دە، بولاشاعى دا بۇلدىر بولعان قانشاما مەملەكەت بار. ٴبىز وسىنى بەرىك ۇستانىپ، مىزعىماس ىنتىماق-بىرلىگىمىزدى، تاۋسىلماس ىرىس-بەرەكەمىزدى باستاۋ ەتىپ، سەنىممەن قادام باسىپ كەلەمىز. وسى جولدان تايماۋىمىز كەرەك. وسى جولمەن جۇرەتىن بولساق، بارلىق قيىندىقتى ەڭسەرەمىز، حالىقتىڭ ٴال-اۋقاتىن جاقسارتۋعا قىزمەت ىستەيمىز»، - دەگەن ەلباسى اسسامبلەيا سەسسياسىنىڭ اشىلۋىمەن بارشانى قۇتتىقتادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي