BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ن.شاناي: قحا تۋرالى زاڭعا ەنگiزiلەتiن وزگەرiستەر پارلامەنت قاراۋىنا شىعارىلادى

استانا. 12 تامىز. baq.kz – قحا 20 جىلدىعى اياسىندا ەلىمىزدە توعىز مىڭنان اسا مەرەكەلىك شارا وتكىزىلدى. وعان ەلىمىزدە سەگىز ميلليونعا جۋىق ادام قاتىستى. بۇل تۋرالى بۇگىن «قر ەتنوسارالىق قاتىناستار سالاسىن قۇقىقتىق رەتتەۋ: جاي-كۇيى جانە دامۋ ماسەلەلەرى» تاقىرىبىندا وتكەن دوڭگەلەك ۇستەلدە قر پرەزيدەنت اكىمشىلىگىنىڭ قحا حاتشىلىعىنىڭ سەكتور مەڭگەرۋشىسى نازيپا شاناي ىدىرىسقىزى مالىمدەدى.

-قحا-نىڭ باستى ماقساتى - كوپ ۇلتتتى ەلىمىزدە ۇلتارالىق تاتۋلىقتى ساقتاۋ، ۇلتتىق-مەملەكەتتىك ٴبىرتۇتاستىقتى قالىپتاستىرۋ، قازاقستاندىق ٴپاتريوتيزمدى نەگىز ەتە وتىرىپ، ۇلتتىڭ باسەكەگە قابىلەتتىلىگىن ارتتىرۋ بولىپ تابىلادى. بيىلعى جىل ەلىمىز ٴۇشىن ماڭىزدى وقيعالارعا تولى جىل بولىپ وتىر. بۇگىنگى شارانىڭ ماقساتى ەتنوسارالىق قاتىناستار سالاسىندا قولدانىستاعى زاڭنامانىڭ جاعدايى مەن دامۋ پەرسپەكتيۆالارى، سونىمەن قاتار ۇلتتىق زاڭنامانىڭ حالىقارالىق ستاندارتقا سايكەستىگىن تالقىلاۋ بولىپ تابىلادى، دەدى ول ٴوز سوزىندە.

سونداي-اق، ول "قازاقستان حالقى اسسامبلەياسى تۋرالى زاڭعا وزگەرiستەر مەن تولىقتىرۋلار ەنگiزۋ تۋرالى" جاڭا زاڭ جوباسى مادەنيەت جانە سپورت مينيسترلiگi تاراپىنان ازiرلەنiپ، جىل سوڭىنا دەيiن پارلامەنت قاراۋىنا ەنگىزىلەتىندىگىن حابارلادى.

-ەڭ ٴبىرىنشى زاڭعا ەنگىزىلۋدىڭ نەگىزگى سەبەبىن ايتىپ وتەيىن. العاش رەت 1995 جىلى قحا قۇرىلعان كەزدە، ونىڭ نەگىزگى ماقساتى قازاقستان رەسپۋبليكاسىنداعى ەتنوسارالىق جانە كونفەسسياارالىق قارىم-قاتىناستاردى رەتتەۋ بولاتىن. بۇگىندى تاڭدا قحا ٴوز دامۋىندا ٴۇش بىردەي كەزەڭنەن ٴوتتى. ول كەزەڭدەردىڭ الدىندا تۇرعان نەگىزگى ماقساتتاردىڭ ٴبارى ورىندالدى. بۇگiندە قازاقستان رەسپۋبليكاسىنىڭ ايماعىندا پروبلەما رەتiندە كوتەرiلەتiن ەتنوسارالىق نەمەسە كونفەسسياارالىق ماسەلەلەر جوق. سوندىقتان، اسسامبلەيانىڭ ەندiگi ماقساتى - قوعامدىق كەلiسiمدi ساقتاۋ. ال، قوعامدىق كەلىسىم تەك كونفەسسياارالىق جانە ەتنوسارالىق ماسەلەلەردى عانا قامتىپ قويماي، ول بۇگىنگى تاڭدا قانداي دا ٴبىر حالىقتىڭ مۇقتاجىنا قاجەتتى ماسەلەلەردى دە شەشىپ وتىرادى، دەدى ن.شاناي.

ايتا كەتەيىك، دوڭگەلەك ۇستەل جۇمىسىنا قازاقستان حالقى اسسامبلەياسىنىڭ، مەملەكەتتىك ورگانداردىڭ، ۇكىمەتتىك ەمەس ۇيىمداردىڭ وكىلدەرى، سونىمەن قاتار عالىمدار جانە جوعارى وقۋ ورىندارىنىڭ وقىتۋشىلارى قاتىستى.

 

دانا ساعىنبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي