BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەدياسيا ينستيتۋتى – الەۋمەتتىك ارەكەتتەستىك دامۋىنىڭ باستى باعىتى

استانا. 8 تامىز. baq.kz - استانا قالاسىندا قازاقستان حالقى اسسامبلەياسىنىڭ مەدياسيا ورتالىعىنىڭ ۇرىس-جانجالداردىڭ الدىن الۋ جانە شەشۋ ماسەلەلەرى بويىنشا كەڭەيتىلگەن وتىرىسى بولىپ ٴوتتى.

باستى ماقسات – قازاقستاندىق قوعامداعى جانجالدىڭ شەكاراسىن قىسقارتىپ، شەشۋ جولدارىن ايقىندايتىن بىرەگەي مەدياسيا ورتالىعىنىڭ ٴبىرىزدى ارەكەت ەتۋىن قامتاماسىز ەتەتىن بالاما باعدارلامارى بار ناقتى جوسپار قۇرۋ.

قحا ٴتوراعاسىنىڭ ورىنباسارى ە.توعجانوۆ سەمينار قاتىسۋشىلارى الدىندا ٴسوز سويلەۋىندە قحا جانىنان مەدياسيا ورتالىعىن قۇرۋ قاجەتتىلىگىنىڭ باسىمدىعى مەن ەلەۋلى جاقتارىن اتاپ ٴوتىپ، كەلەسى قورىتىندىلارعا توقتالدى:

- قازاقستان حالقى اسسامبلەياسى مەدياتورلىق مىندەتتى ٴمىنسىز اتقارىپ كەلە جاتقان ەلدەگى ەتنوسارالىق قارىم-قاتىناستىڭ نەگىزگى مودەراتورى بولىپ قالا بەرمەك;
- تولەرانتتىلىق پەن ۇلتتىق بىرلىك پەن كەلىسىمدى قالىپتاستىرۋدا ايتارلىقتاي قىزمەت اتقارىپ جاتقان قوعامدىق ۇيىمداردىڭ جۇمىسىن جاڭا دەڭگەيگە شىعارۋ ٴۇشىن مەدياسيانىڭ قۇرىلىمى مەن تەحنيكاسىن ماقساتتى تۇردە ۇيرەتەتىن جۇيە قاجەت;
- مەدياسيا ٴۇردىسىن قارىنقىنداتۋدا حالىقارالىق تاجىريبەنى جان-جاقتى سۇزگىدەن وتكىزۋ;
- قحا قوعامدىق قۇرىلىمدارىنىڭ ٴوزارا ارەكەتتەستىگىن قاداعالاۋ مەن الەۋمەتتىك سالانىڭ بارلىق ٴتۇرى مەن قر-نىڭ باسقارما قۇرىلىمدارىنا مەدياسيا تەحنولوگياسىن ەنگىزۋگە باعىتتالعان بۇتىندەي مەدياسيا ورتالىعىن قۇرۋ.

مەدياسيا ورتالىعىن دامىتۋدا جاھاندىق تاجىريبەگە قانىققان ساراپشىلاردىڭ ٴبىلىمى ەرەكشە سۇرانىسقا يە. ولاردىڭ قاتارىندا اتالمىش سەميرنارعا اتسالىسقان سوفيالىق ۋنيۆەرسيتەتتىڭ پروفەسسورى –تاتيانا درونزينا (بولگاريا)، گرانادا ۋنيۆەرسيتەتىنىڭ پروفەسسورلارى انتونيو لوزانو ي فرانسيسكو حيمەنەس باۋتيستو (يسپانيا) بار.

«ديالوگ» - جانجالدى شەشۋ ورتالىعىنىڭ ٴتورايىمى تاتيانا ساۆيسكايا قاراعاندى وبلىسى مەملەكەتتىك مەكەمەلەرىمەن ناتيجەلى سەرىكتەستىكتىڭ ۇلگىسىن ۇسىندى. سونداي-اق، مەدياسيانىڭ ايماعىمىزداعى بارلىق ماڭىزدى سالالارعا ساتىلى جانە جۇيەلى ەنگىزۋ جۇمىسىن كورسەتتى. ت.ساۆيسكايا ۇسىنعان جانجالداردى شەشۋ جولىنداعى كەشەندى جوبالار رەسپۋبليكانىڭ ٴار تاراپىنان كەلگەن اتالمىش سەمينارعا قاتىسۋشىلاردىڭ ەرەكشە قىزىعۋشىلىعىن تۋدىردى.

ايتا كەتەيىك، كەڭەيتىلگەن وتىرىستىڭ بەلگىلەنگەن قورىتىندىسى بويىنشا گرانادا ۋنيۆەرسيتەتىنىڭ (يسپانيا) بەيبىتشىلىك جانە جانجال ينستيتۋتى مەن پرەزيدەنت جانىنداعى «قوعامدىق كەلىسىم» رمم اراسىندا ماقسات-تالاپ حاتتاماسى تولتىرىلىپ، قورىتىندى قۇجات قابىلداندى.

 

دانا ساعىنبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي