BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قۇرىلىس كومپانيالارى تۇرعىن ۇيلەردىڭ باعاسىن ارزانداتۋى ٴتيىس – نازاربايەۆ

فوتو: Бауыржан Жуасбаев

قازاقستان پرەزيدەنتى نۇرسۇلتان نازاربايەۆ بەس الەۋمەتتىك باستامادا باسپانا ماسەلەسىن نەلىكتەن ٴبىرىنشى ورىنعا قويعانىن ٴتۇسiندiردi. سونداي-اق، ەلباسى اتالعان باستاما اياسىندا ارزان يپوتەكانى الدىمەن جاس وتباسىلارعا بەرۋ كەرەكتiگiن ايتتى، دەپ حابارلايدى baq.kz تiلشiسi.

«بەس الەۋمەتتىك باستاما - بۇل قاراپايىم حالىققا قاتىستى بەس ماڭىزدى الەۋمەتتىك ماسەلەنى شەشۋ جولى. اسسامبلەيا مۇشەلەرى وزگە دە قازاقستاندىقتار سەكىلدى وسى باعدارلامانىڭ مازمۇنىن بىلەدى. سوندىقتان، تەك قاعيداتتى تۇستارىن اتاپ وتەيىن. ٴبىرىنشى باستاما - ٴۇيى جوقتارعا باسپانا الۋدىڭ جاڭا مۇمكىندىكتەرىن اشىپ، تۇرعىن ٴۇي يپوتەكاسىنىڭ قولجەتىمدىلىگى ماسەلەسىن شەشەدى. جاقسى ٴومىر ٴسۇرۋ باعىتىندا باسپانانىڭ قانشالىقتى ماڭىزدى ەكەنىن بىلەمىز. وسى باعدارلامانى سوندىقتان دا ٴبىرىنشى ورىنعا قويدىم. جاڭا شارتتار بويىنشا يپوتەكا الۋ مۇمكىندىگىنە ٴار جۇمىس ىستەپ جۇرگەن قازاقستاندىقتىڭ يە بولۋى اسا ماڭىزدى. ٴبىز ٴبارىن ەسەپتەدىك. 50-60 شارشى مەترلىك ەكى بولمەلى پاتەردى الىپ، يپوتەكا ارقىلى تولەۋ ٴۇشىن ەكى ادام جۇمىس ىستەسە وتباسىنىڭ بيۋدجەتىنە از جۇكتەمە تۇسەدى. ياعني، ولار 25 جىلدىق يپوتەكانى تولەي الادى. بۇعان قوسا، العاشقى جارنا بۇرىنعىداي 50 پايىز ەمەس، 20 پايىز بولادى. بۇل ٴبىزدىڭ ميلليونداعان تۇرعىندارىمىز ٴۇشىن جاسالىپ وتىر. اسىرەسە، جاس وتباسىلار جۇمىس اتقارىپ، وسى باعدارلاما ارقىلى باسپانا الا الادى»، - دەپ مەملەكەت باسشىسى بiرiنشi باستاما جايلى ايتىپ بەردi.

ەلباسى اتالعان باستاما اياسىندا «7-20-25» ارزان يپوتەكاسىن الدىمەن جاس وتباسىلارعا بەرۋدى دە ۇسىندى.

«باسپانا الدىمەن كىمگە كەرەك؟ ارينە، جاس وتباسىلارعا. مىنە، وسى ساناتتاعى ازاماتتار كوبىرەك ٴۇي السىن. باسقالار دا بار. ەڭ باستىسى، يپوتەكانىڭ مەرزىمى بۇرىنعىداي 5-10 جىل ەمەس، 25 جىل بولادى. سوسىن، قۇرىلىس كومپانيالارى تۇرعىن ۇيلەردىڭ باعاسىن ٴتۇسىرۋى ٴتيىس. سوندا قارىز العان ادامنىڭ نەسيەسى دە جەڭىلدەيدى»، - دەدى نۇرسۇلتان نازاربايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي